ដោយ ៖ ស្ឥាងជ័យ
ខេត្តកណ្តាល ៖ ព្រឹកថ្ងៃទី១០-១១ ខែកញ្ញា ឆ្នាំ២០១២ កម្លាំងខណ្ឌរដ្ឋបាលជលផលកណ្តាល អធិការដ្ឋានជលផលចតុមុខ អាជ្ញាធរនិងកងកម្លាំងនគរបាលដឹកនាំដោយលោក តុង សូវមី អភិបាលស្រុកពញាឮ និងលោកឃ្លាំង វណ្ណធុល នាយខណ្ឌរដ្ឋបាលជលផលកណ្តាល បានចុះធ្បង្ក្រាបបទល្មើសនេសាទជាក់ស្តែងនៅតាមបឹងបួក្នុងឃុំចំនួន៤ នៃស្រុកពញាឮ ខេត្តកណ្តាល។ ក្នុងប្រតិបត្តិការចុះបង្ក្រាបនោះដែរកម្លាំងចម្រុះបានបង្រាបបានសៃយឺនចំនួន៧០មាត់លូ របាំងស្បៃមុងចំនួន២ពាន់ម៉ែត្រ បង្គោលចំនួន៦០០ដើម ។ជាមួយគ្នានោះដែរ កម្លាំងចម្រុះបានធ្ចាក់លែងកូនត្រីចំនួន៦០០គីឡូក្រាម ស្មើនឹងមួយលានកូនត្រី ចូលទៅក្នុងបឹងធម្មជាតិវិញ ។
លោក ឃ្លាំង វណ្ណធុល នាយខណ្ឌរដ្ឋបាលជលផលកណ្តាលបានឲ្យដឹងថា ដោយអនុវត្តតាមការចង្ឥុលបង្ហាញពីលោក ណៅ ធួក ប្រតិភូរាជរដ្ឋាភិបាលទទួលបន្ទុករដ្ឋបាលជលផលនៅព្រឹក ថ្ងៃទី១០-១១ ខែកញ្ញា ឆ្នាំ២០១២ លោកនិងលោកអភិបាលស្រុកបានដឹកនាំកម្លាំងចម្រុះ សរុប២០នាក់ ប្រើប្រាស់មយោបាយការណូតចំនួន២គ្រឿង ចុះធ្វើការបង្ក្រាបបទល្មើសនេសាទជាក់ស្តែងនៅតាមបឹងបួ ព្រៃលិចទឹក ស្ថិតក្នុងភូមិសាស្ត្រឃុំចំនួន៤ឃុំ គឺឃុំភ្នំបាត ឃុំពញាឮ ឃុំកំពង់អុស និងឃុំកោះចិន ក្នុងស្រុកពញាឮ ។ ជាលទ្ធផលកម្លាំងចម្រុះបានដកហូតឧបករណ៍នេសាទល្មើសច្បាប់មួយចំនួនរួមមានសៃយឺនចំនួន៧០មាត់លូ របាំងស្បៃមុងចំនួន២ពាន់ម៉ែត្រ បង្គោលចំនួន៦០០ដើម និងធ្វើការរំដោះបានកូនត្រីចំនួន៦០០គីឡូក្រាម ស្មើនឹងប្រមាណមួយលានកូនត្រីផងដែរ ។
លោកនាយខណ្ឌបានបន្តថា បន្ទាប់ពីធ្បង្ក្រាបបទល្មើសនេសាទ ហើយបានរំដោះកូនត្រីជាច្រើនក្បាល រួចមកកម្លាំងចម្រុះបានធ្វើការប្រលែងកូនត្រីទាំងនោះចូលទៅក្នុងបឹងធម្មជាតិវិញ។ រីឯឧបករណ៍នេសាទល្មើសច្បាប់ទាំងអស់ត្រូវនាំទៅរក្សាទុក ដើម្បីធ្ដុតបំផ្លាញចោល នៅពេលក្រោយ៕
.jpg)
.jpg)