ឯកឧត្តម ឃ្លោក ប៊ុតឌី សមាជិក គណៈកម្មាធិកការជាតិរៀបចំការបោះឆ្នោត បានមានប្រសាសន៍ថា គិតចាប់ពីថ្ងៃទ១ រហូតមកដល់ថ្ងៃទី១១ ខែកញ្ញា ឆ្នាំ២០១២ មានរយៈពេល ១០ ថ្ងៃហើយ នេះនៅតាមសាលា ឃុំ សង្កាត់ ទូទាំងប្រទេស ចំនួន ១៦៣៣ ដោយមានប្រជាជន ដែលមានសិទ្ធបោះឆ្នោត បាននិងកំពុងដំណើរការចុះឈ្មោះ និងពិនិត្យបញ្ជីឈ្មោះ នៅតាមការិយាល័យរបស់ខ្លួន ដោយពុំមានបណ្តឹងណាមួយកើតឡើង សំរាប់ការពិនិត្យនេះសំរាប់ ជ្រើសរើសតំណាងរាស្រ្ត នីតិកាលអាណត្តិទី៥ ឆ្នាំ២០១៣ ។
ឯកឧត្តម បានបន្តថា គណបក្សនយោបាយ និងអង្គការ ក្រៅរដ្ឋាភិបាលចំនួន៨ បានដាក់តំណាងរបស់ខ្លួនទៅចូលរួមដំណើរ ពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០១២ ដែលចាប់ផ្ដើមពីថ្ងៃទី១ ខែកញ្ញា ដល់ថ្ងៃទី១២ ខែតុលា ឆ្នាំ២០១២ ខាងមុខ។
ឯកឧត្តម ទេព នីថា អគ្គលេខាធិការគណៈកម្មធិការជាតិរៀបចំការបោះឆ្នោត បានមានប្រសាសន៍ថា មានគណបក្សនយោបាយចំនួន៥ និងអង្គការសង្គមស៊ីវិល៣ បានតំណាងរបស់ខ្លួនមកចូលរួមពិនិត្យដំណើរ ការពិនិត្យ បញ្ជីឈ្មោះ និងចុះឈ្មោះបោះឆ្នាំ២០១២ នេះ បើគិតពីថ្ងៃទី១ ខែកញ្ញាមក រហូតដល់ពេលនេះ មានគណបក្ស៥ ដែលបានដាក់តំណាងរបស់ខ្លួន សង្កេតមើលការពិនិត្យឈ្មោះ និងចុះឈ្មោះបោះឆ្នោត ដែលមានតំណាងគណបក្សចំនួនសរុបប្រមាណ ៣.៣៩៩នាក់។
ឯកឧត្តម បានមានប្រសាន៍បន្តថា គណបក្សនយោបាយដែលបានដាក់បានដាក់តំណាង ពេញសិទ្ធ និងបម្រុងរួមមាន គណបក្សប្រជាជនកម្ពុជា បានដាក់តំណាង ពេញសិទ្ធិ និង បម្រុងចំនួន ២.៥១៧នាក់ ក្នុងនោះស្រីចំនួន ២៥៧នាក់ គណបក្សហ៊្វុនស៊ិនប៉ិច បានដាក់តំណាងពេញសិទ្ធិ និងបម្រុងចំនួន ៨៦៨នាក់ ក្នុងនោះស្រីចំនួន ៩៧នាក់ គណបក្ស នរោត្តម រណឫទ្ធិបានដាក់តំណាងពេញសិទ្ធិ និងបម្រុងចំនួន ១០នាក់ គណបក្សសញ្ជតិ កម្ពុជា បានដាក់តំណាពេញសិទ្ធ និងបម្រុងចំនួន២នាក់ គណបក្ស សាធារណរដ្ឋប្រជាធិបតេយ្យ បានដាក់តំណាងពេញសិទ្ធិ និងបម្រុងចំនួន២នាក់។ ចំណែកអង្គការសង្គមស៊ីវិលរួមមាន អង្គការខុមហ្វ្រែល មូលនិធិអន្តរជាតិសម្រាប់ប្រព័ន្ធបោះឆ្នោត (IFES) វិទ្យាស្ថានជាតិប្រជាធិបតេយ្យសម្រាប់កិច្ចការអន្តរជាតិ (NDI) ។
គួរបញ្ជាក់ផងដែរថា សំរាប់ការបោះឆ្នោតជ្រើសតាំង តំណាងរាស្រ្តនីតិកាលទី៥ ឆ្នាំ២០១៣ខាងមុខនេះ គណៈកម្មាធិការជាតិរៀបចំការបោះឆ្នោត គ្រោងចំណាយថវិកា សរុបចំនួន ជាង២០លានដុល្លារ ដើម្បីបម្រើដល់ការងារបោះឆ្នោត និងពិនិត្យបញ្ជីឈ្មោះបោះឆ្នោត។