ដោយ ៖ មរតក
ភ្នំពេញ ៖ លំហាត់ហ្វឹកហ្វឺនរួមទ្វេភាគីរវាងកងទ័ពកម្ពុជានឹងថៃ ស្ដីពីប្រតិបត្ដិការសង្គ្រោះមហន្ដរាយនិងជំនួយមនុស្សធម៌ឆ្នាំ២០១២ ដែលរៀបចំឡើងដោយ កងយោធពលភូមិន្ទថៃ ហើយត្រូវបានប្រកាសបិទបញ្ចប់នៅថ្ងៃទី២៤ខែសីហា ឆ្នាំ២០១២ គឺពិតជាមានសារសំខាន់ ដើម្បីត្រៀមបង្ការ កាត់បន្ថយគ្រោះមហន្ដរាយ និងឆ្លុះបញ្ចាំងនូវការរឹតចំណងមិត្ដភាព និងកិច្ចសហប្រតិបត្ដិការ ផ្នែកសង្គ្រោះគ្រោះមហន្ដរាយ និងជំនួយ មនុស្សធម៌ ដែលជាកង្វល់រួមរបស់មនុស្សជាតិទាំងមូល ។
លោកនាយឧត្ដមសេនីយ៍ សៅ សុខា ប្រធានគណៈប្រតិភូ អគ្គបញ្ជាការដ្ឋាន កងយោធពលខេមរភូមិន្ទកម្ពុជា បានថ្លែងនៅក្នុងឱកាសបិទលំហាត់ហ្វឹកហ្វឺន រួមទ្វេភាគីកម្ពុជា-ថៃ នៅថ្ងៃទី២៤ខែសីហា ឆ្នាំ២០១២នាប្រទេសថៃថា បច្ចុប្បន្ននេះ គ្រោះមហន្ដរាយបានក្លាយជាកង្វល់រួម របស់មនុស្សជាតិទាំងមូលប្រឈមនឹង កង្វល់នៃការគំរាមកំហែងនេះ កងទ័ពមានតួនាទីយ៉ាងសំខាន់ក្នុងការឆ្លើយតបបន្ទាន់ភ្លាមៗ ។
លោកបន្ដថា លំហាត់ហ្វឹកហ្វឺនទ្វេភាគី កម្ពុជា-ថៃ ស្ដីពីប្រតិបត្ដិការសង្គ្រោះគ្រោះមហន្ដរាយឆ្នាំ២០១២ ដែលរៀបចំឡើងដោយកងយោធពលភូមិន្ទថៃ គឺពិត ជាមានសារសំខាន់ណាស់ ដើម្បីត្រៀមបង្ការ និងកាត់បន្ថយគ្រោះមហន្ដរាយនិងម្យ៉ាងទៀត ក៏បានឆ្លុះបញ្ចាំងនូវការរឹត ចំណងមិត្ដភាព និងកិច្ចសហប្រតិបត្ដិការសង្គ្រោះគ្រោះមហន្ដរាយ និងជំនួយមនុស្សធម៌ ។
លោកនាយឧត្ដមសេនីយ៍សៅ សុខា បន្ដទៀតថា នេះជាឱកាសនៃការផ្លាស់ប្ដូរ ចែករំលែកបទពិសោធន៍ ហើយក៏ជាលទ្ធ ផលនៃការពិភាក្សាទ្វេភាគីរវាងអគ្គមេ បញ្ជាការនៃកងយោធពលខេមរភូមិន្ទ និងអគ្គមេបញ្ជាការកងយោធពលភូមិន្ទ ថៃ ក្នុងកិច្ចប្រជុំក្រៅផ្លូវការរបស់អគ្គ មេបញ្ជាការកងទ័ពអាស៊ានកាលពីពេលកន្លងមក ។
នៅក្នុងឱកាសនោះដែរ លោកក៏បាន សម្ដែងនូវការកោតសរសើរនិងវាយ តម្លៃខ្ពស់នូវរាល់ការខិតខំទាំងអស់របស់ នាយទាហាន ពលទាហាន នៃព្រះរាជា ណាចក្រទាំង២ កម្ពុជា-ថៃ ដែលបាន បំពេញតួនាទីប្រកបដោយកិត្ដិយស ធ្វើការងារដែលមានអត្ថន័យជាប្រវត្ដិសាស្ដ្រនេះ ។
គួរបញ្ជាក់ថា លំហាត់ហ្វឹកហ្វឺនទ្វេ ភាគីរវាងកងទ័ពកម្ពុជានឹងកងទ័ពថៃបាន ធ្វើឡើងនៅស្រុកចាអាម ខេត្ដពិជាក់បូរី ប្រទេសថៃ ដែលមានកងទ័ពកម្ពុជា៤០ នាក់ទៅចូលរួមស្ដីពីប្រតិបត្ដិការសង្គ្រោះ គ្រោះមហន្ដរាយ និងជំនួយមនុស្សធម៌ ឆ្នាំ២០១២ ។ លំដាប់ហ្វឹកហ្វឺនរួមនេះ ត្រូវបានបិទបញ្ចប់នៅថ្ងៃទី២៤ខែសីហា ក្រោមវត្ដមានលោកនាយឧត្ដមសេនីយ៍ សៅ សុខា អគ្គមេបញ្ជាការរងកងយោធ ពលខេមរភូមិន្ទកម្ពុជា និងលោក ស័ក្ដកុល សាតចាន់នីតអគ្គមេបញ្ជាការនៃកងយោធពលភូមិន្ទថៃ ៕
គួរបញ្ជាក់ថា លំហាត់ហ្វឹកហ្វឺនទ្វេ ភាគីរវាងកងទ័ពកម្ពុជានឹងកងទ័ពថៃបាន ធ្វើឡើងនៅស្រុកចាអាម ខេត្ដពិជាក់បូរី ប្រទេសថៃ ដែលមានកងទ័ពកម្ពុជា៤០ នាក់ទៅចូលរួមស្ដីពីប្រតិបត្ដិការសង្គ្រោះ គ្រោះមហន្ដរាយ និងជំនួយមនុស្សធម៌ ឆ្នាំ២០១២ ។ លំដាប់ហ្វឹកហ្វឺនរួមនេះ ត្រូវបានបិទបញ្ចប់នៅថ្ងៃទី២៤ខែសីហា ក្រោមវត្ដមានលោកនាយឧត្ដមសេនីយ៍ សៅ សុខា អគ្គមេបញ្ជាការរងកងយោធ ពលខេមរភូមិន្ទកម្ពុជា និងលោក ស័ក្ដកុល សាតចាន់នីតអគ្គមេបញ្ជាការនៃកងយោធពលភូមិន្ទថៃ ៕