ដោយ ៖ ម៉ែវ សាធី
អាមេរិកមានគម្រោងដាក់ប្រព័ន្ធកាំជ្រួចមីស៊ីលការពារថ្មីនៅតំបន់អាស៊ី ដើម្បីទប់ស្កាត់រាល់ការគំរាមកំហែងណាមួយពីចិន និងទប់ទល់នូវឥទ្ធិពលកាំ ជ្រួចមីស៊ីលរបស់ចិនកាន់តែខ្លាំងឡើងពីមួយថ្ងៃទៅមួយថ្ងៃនោះ ។
ទាំងនោះជាផ្នែកមួយនៃយុទ្ធសាស្ដ្រ ការពារជាតិថ្មីរបស់រដ្ឋាភិបាលប្រធានាធិបតី អូបាម៉ា ក្នុងគោលដៅបង្វែរកម្លាំង យោធាមកកាន់តំបន់អាស៊ីប៉ាស៊ីហ្វិក ដែលមានសារសំខាន់បំផុតដល់វិស័យ សេដ្ឋកិច្ចរបស់អាមេរិក ក្រោយរយៈពេល ជាង១ទសវត្សរ៍ជាប់ផុងក្នុងសង្គ្រាមអ៊ីរ៉ាក់ និងអាហ្វហ្គានីស្ថាន ។
ការពង្រីកប្រព័ន្ធកាំជ្រួចមីស៊ីលការ ពារកើតឡើង ចំពេលដែលអាមេរិកនិង បណ្ដាប្រទេសសម្ពន្ធមិត្ដក្នុងតំបន់បង្ហាញ ការព្រួយបារម្ភយ៉ាងខ្លាំងពីការគំរាម កំហែងដោយកាំជ្រួចមីស៊ីលពីកូរ៉េខាងជើង ។ លើសពីនេះទៅទៀត ប្រទេសជាច្រើននៅតំបន់អាស៊ីព្រួយបារម្ភពីគោល ជំហររឹងមាំរបស់ចិនទៅលើបញ្ហាវិវាទ ផ្សេងៗ ពិសេសគឺនៅតំបន់សមុទ្រដែល ប្រទេសជាច្រើនបានប្រកាសឋិតក្រោម អធិបតេយ្យភាពរៀងខ្លួនផ្ទួនលើគ្នានោះ។
ព័ត៌មានខាងលើកើតឡើងក្រោយ ពេលមន្ដ្រីយោធាជាន់ខ្ពស់១រូបដែលមិន បញ្ចេញឈ្មោះបានប្រាប់ទស្សនាវដ្ដីការ ពារជាតិ Defence Weekly ថា កម្លាំង បដិវត្ដន៍ប្រជាជនចិនបានសាកល្បងកាំ ជ្រួចមីស៊ីលឆ្លងទ្វីបកាលខែកក្កដា ដែលអាចវាយលុកទៅលើគោលដៅនានានៅ អាមេរិក ។
កាំជ្រួចមីស៊ីល DF-41 របស់ចិន អាចបំពាក់ក្បាលគ្រាប់បរមាណូបាន រហូតដល់១០គ្រាប់ ហើយក្បាលគ្រាប់ នីមួយៗបានផលិតឡើងដើម្បីវាយលុក ទៅលើគោលដៅដាច់ដោយឡែកពីគ្នា ។
កាំជ្រួចមីស៊ីល DF-41 របស់ចិន អាចបំពាក់ក្បាលគ្រាប់បរមាណូបាន រហូតដល់១០គ្រាប់ ហើយក្បាលគ្រាប់ នីមួយៗបានផលិតឡើងដើម្បីវាយលុក ទៅលើគោលដៅដាច់ដោយឡែកពីគ្នា ។
ក្រុមអ្នកបង្កើតគម្រោងរបស់ក្រសួងការពារជាតិអាមេរិក ក៏បានបង្ហាញការព្រួយបារម្ភក្នុងពេលដែលចិនបានអភិវឌ្ឍ ប្រភេទកាំជ្រួចមីស៊ីលប្រឆាំងនាវាផ្ទុកយន្ដហោះ ដែលមានរហស្សនាមថា “ជនពិឃាដនាវាផ្ទុកយន្ដហោះ” ដែលអាចគំរាមកំហែងគ្រប់វិនាទីដល់នាវា ផ្ទុកយន្ដហោះរបស់អាមេរិកឈរជើងនៅតំបន់សមុទ្រប៉ាស៊ីហ្វិក ។
កាំជ្រួចមីស៊ីលខាងលើបាញ់បាន ចម្ងាយប្រមាណ១.៥០០គីឡូម៉ែត្រ បានផលិតឡើងក្នុងគោលដៅរារាំងនាវាចម្បាំង និងនាវាផ្ទុកយន្ដហោះរបស់អាមេរិកចូល ទៅកៀកសមុទ្រចិនខាងត្បូង ដែលចិនបានប្រកាសឋិតក្នុងអធិបតេយ្យភាពរបស់ខ្លួននោះ ។
ក្រសួងការពារជាតិចិនមិនទាន់មាន ប្រតិកម្មអ្វីជុំវិញគម្រោងដាក់ប្រព័ន្ធកាំ ជ្រួចមីស៊ីលរបស់អាមេរិកនោះឡើយ ប៉ុន្ដែបានចេញសេចក្ដីប្រកាសមួយថា “ចិនតែងតែជឿជាក់ថា ប្រព័ន្ធកាំជ្រួច មីស៊ីលការពារត្រូវតែរៀបចំឡើងដោយ ប្រុងប្រយ័ត្នផ្ដោតទៅលើទស្សនការពារ សុខសន្ដិភាព ស្ថិរភាព យុទ្ធសាស្ដ្រនៅ លើពិភពលោក និងជំរុញឱ្យមានទំនុកចិត្ដគ្នាទៅវិញទៅមកពីយុទ្ធសាស្ដ្រទាំង នោះជាមួយបណ្ដាប្រទេសក្នុងតំបន់” ។
ប្រព័ន្ធកាំជ្រួចមីស៊ីលការពាររបស់អាមេរិកដាក់នៅទីណា
បណ្ដាមន្ដ្រីជាន់ខ្ពស់ក្នុងក្រសួងការពារជាតិអាមេរិកបញ្ជាក់ថា ប្រព័ន្ធកាំជ្រួច មីស៊ីលការពារថ្មីនោះ ជាប្រព័ន្ធរ៉ាដា ប្រកាសអាសន្នរហ័ស ដែលមានឈ្មោះ ថា X-Band ដាក់នៅលើកោះមួយឋិត នៅភាគខាងត្បូងប្រទេសជប៉ុនតាំងពីឆ្នាំ ២០០៦មកម្ល៉េះ ប៉ុន្ដែមិនទាន់បញ្ជាក់ថា ជាកោះណានោះឡើយ ។
អ្នកនាំពាក្យក្រសួងការពារជាតិជប៉ុន បានបញ្ជាក់ថា រដ្ឋាភិបាលជប៉ុនមិនទាន់ អាចវិភាគអ្វីជុំវិញហេតុការណ៍ទាំងនោះ ឡើយ ដោយកន្លងមក អាមេរិកនិងជប៉ុន បានលុបចោលគម្រោងដាក់ប្រព័ន្ធរ៉ាដា នៅលើកោះអូគីណាវ៉ា ជាកោះមួយឋិត នៅភាគខាងត្បូងប្រទេសជប៉ុនដែល ទទួលរងការប្រឆាំងយ៉ាងខ្លាំងពីពលរដ្ឋក្នុងតំបន់ ។
មន្ដ្រីជាន់ខ្ពស់អង្គការប្រព័ន្ធកាំជ្រួច មីស៊ីលការពារនិងទីបញ្ជាការកងទ័ពញ អាមេរិកប្រចាំនៅតំបន់ប៉ាស៊ីហ្វិក ក៏កំពុង ត្រួតពិនិត្យដាក់ប្រព័ន្ធរ៉ាដា X-Band ទី៣ នៅតំបន់អាស៊ីភាគអាគ្នេយ៍ ក្នុងគោល ដៅបង្កើតទៅជារង្វង់មូលអនុញ្ញាតឱ្យ អាមេរិកនិងសម្ពន្ធមិត្ដក្នុងតំបន់តាម ដានយ៉ាងបានយ៉ាងល្អិតល្អន់នូវកាំជ្រួច មីស៊ីលណាមួយដែលបាញ់ចេញពីប្រទេស កូរ៉េខាងជើងឬក៏ពីប្រទេសចិន ។
មន្ដ្រីក្រសួងការពារជាតិអាមេរិក បានផ្ដោតទៅលើប្រទេសហ្វីលីពីនជាតំបន់ ដែលមានសក្ដានុពលបំផុតសម្រាប់ ប្រព័ន្ធរ៉ាដា X-Band ទី៣ ប៉ុន្ដែមន្ដ្រីជាន់ ខ្ពស់ក្រសួងការពារជាតិអាមេរិកមិន ទាន់អាចជ្រើសរើសបានទីតាំងណាមួយ ជាផ្លូវការសម្រាប់ដាក់ប្រព័ន្ធកាំជ្រួច មីស៊ីលការពារនោះឡើយ ។
ប្រព័ន្ធរ៉ាដារបស់អាមេរិកអាចគ្រប់ ដណ្ដប់ទៅលើកូរ៉េខាងជើងនិងចិន រួមទាំង កោះតៃវ៉ាន់ផងដែរ ។ បច្ចុប្បន្នចិនបាន ដាក់តម្រង់កាំជ្រួចមីស៊ីលជាង១.០០០ ដើមសំដៅទៅកោះតៃវ៉ាន់គំរាមកំហែង ប្រសិនបើកោះតៃវ៉ាន់ប្រកាសឯករាជ្យ ភាពផ្ដាច់ខ្លួនចេញពីចិនដីគោក នឹងរង នូវគ្រាប់ភ្លៀងមីស៊ីលធ្លាក់មកពីចិនជាក់ជាមិនខាន ។ ការដែលជំរុញវត្ដមាន របស់កម្លាំងទាហានអាមេរិកនៅតំបន់ អាស៊ីប៉ាស៊ីហ្វិក ប្រាកដជាបង្កឱ្យមានភាព តានតឹងកាន់តែខ្លាំងឡើងៗរវាងទីក្រុង ប៉េកាំងនិងទីក្រុងវ៉ាស៊ីនតោន ដែលធ្លាប់ តែប្រឈមមុខតានតឹងដាក់គ្នាជាយូរ ណាស់មកហើយ ។
ប្រព័ន្ធរ៉ាដារបស់អាមេរិកអាចគ្រប់ ដណ្ដប់ទៅលើកូរ៉េខាងជើងនិងចិន រួមទាំង កោះតៃវ៉ាន់ផងដែរ ។ បច្ចុប្បន្នចិនបាន ដាក់តម្រង់កាំជ្រួចមីស៊ីលជាង១.០០០ ដើមសំដៅទៅកោះតៃវ៉ាន់គំរាមកំហែង ប្រសិនបើកោះតៃវ៉ាន់ប្រកាសឯករាជ្យ ភាពផ្ដាច់ខ្លួនចេញពីចិនដីគោក នឹងរង នូវគ្រាប់ភ្លៀងមីស៊ីលធ្លាក់មកពីចិនជាក់ជាមិនខាន ។ ការដែលជំរុញវត្ដមាន របស់កម្លាំងទាហានអាមេរិកនៅតំបន់ អាស៊ីប៉ាស៊ីហ្វិក ប្រាកដជាបង្កឱ្យមានភាព តានតឹងកាន់តែខ្លាំងឡើងៗរវាងទីក្រុង ប៉េកាំងនិងទីក្រុងវ៉ាស៊ីនតោន ដែលធ្លាប់ តែប្រឈមមុខតានតឹងដាក់គ្នាជាយូរ ណាស់មកហើយ ។
រដ្ឋាភិបាលទីក្រុងប៉េកាំងព្រួយបារម្ភ ពីប្រព័ន្ធកាំជ្រួចមីស៊ីលទាំងនោះ ដូចជាប្រព័ន្ធមីស៊ីលដែលអាមេរិកបានដាក់នៅ មជ្ឈិមបូព៌ានិងតំបន់អឺរ៉ុបសម្រាប់ទប់ ទល់នឹងអ៊ីរ៉ង់ ដែលបង្កផលប៉ះពាល់ដោយ ផ្ទាល់ដល់យុទ្ធសាស្ដ្ររបស់ជប៉ុន ។
ទីក្រុងប៉េកាំងបានប្រឆាំងទៅនឹងការ ដាក់ប្រព័ន្ធរ៉ាដា X-Band ជាលើកដំបូងកាលពីឆ្នាំ២០០៦ ។ ក្រៅពីប្រទេសចិន ប្រទេសរុស្ស៊ីក៏បានបង្ហាញការព្រួយបារម្ភ ដូចគ្នានេះដែរ ពីប្រព័ន្ធកាំជ្រួចមីស៊ីល ការពាររបស់អាមេរិកដែលដាក់នៅ តំបន់មជ្ឈិមបូព៌ា និងតំបន់អឺរ៉ុប ។ រុស្ស៊ី តែងតែទាមទារឱ្យអាមេរិកធានាជាលាយ លក្ខណ៍អក្សរថា ប្រព័ន្ធកាំជ្រួចមីស៊ីល ទាំងនោះមិនសំដៅទៅលើប្រទេសរុស្ស៊ី នោះឡើយ ។
តើគោលដៅពិតប្រាកដក្នុងការដាក់ ប្រព័ន្ធកាំជ្រួចមីស៊ីលលការពាររបស់ អាមេរិកជុំវិញពិភពលោកនោះ សំដៅទៅលើប្រទេសណាមួយពិតប្រាកដ ? ហើយបើសំដៅទៅលើប្រទេសអ៊ីរ៉ង់ និងកូរ៉េខាងជើងនោះ វាពិតជាមិនស័ក្ដិសម ដែលត្រូវឱ្យអាមេរិកចាំបាច់ចំណាយ ប្រាក់ដ៏ច្រើនសន្ធឹកសន្ធាប់សម្រាប់ការ ពារប្រទេសទន់ខ្សោយ តូចតាច មានប្រព័ន្ធបច្ចេកវិទ្យានៅមានកម្រិតនោះឡើយ ។
តើគោលដៅពិតប្រាកដក្នុងការដាក់ ប្រព័ន្ធកាំជ្រួចមីស៊ីលលការពាររបស់ អាមេរិកជុំវិញពិភពលោកនោះ សំដៅទៅលើប្រទេសណាមួយពិតប្រាកដ ? ហើយបើសំដៅទៅលើប្រទេសអ៊ីរ៉ង់ និងកូរ៉េខាងជើងនោះ វាពិតជាមិនស័ក្ដិសម ដែលត្រូវឱ្យអាមេរិកចាំបាច់ចំណាយ ប្រាក់ដ៏ច្រើនសន្ធឹកសន្ធាប់សម្រាប់ការ ពារប្រទេសទន់ខ្សោយ តូចតាច មានប្រព័ន្ធបច្ចេកវិទ្យានៅមានកម្រិតនោះឡើយ ។
អ្នកវិភាគយល់ឃើញថា គោលដៅពិតប្រាកដរបស់អាមេរិកនោះ គឺសំដៅទៅលើប្រទេសរុស្ស៊ីនិងចិនតែប៉ុណ្ណោះ ដោយសារប្រទេសទាំង២ជាបន្លាដ៏មុត ស្រួចបង្កប់នៅក្នុងសាច់អាមេរិក ហើយ តែងតែរារាំងរាល់សកម្មភាពនិងផល ប្រយោជន៍របស់អាមេរិកជាច្រើននៅ ជុំវិញពិភពលោក ។ អ្វីដែលពិសេសជាង នេះទៅទៀតនោះ គឺប្រទេសទាំង២កំពុង តែគំរាមកំហែងដល់តំណែងជាប្រទេស មហាអំណាចយោធាទី១នៅលើពិភព លោករបស់អាមេរិក ដូច្នេះអាមេរិកចាំបាច់ត្រូវតែបង្កើនការឡោមព័ទ្ធជាមុន ទៅលើប្រទេសដែលប៉ុនប៉ងដណ្ដើមយកសិទ្ធិអំណាច និងផលប្រយោជន៍ពីខ្លួននោះ៕