ដោយ ៖ ម៉ែវ សាធី
កូរ៉េខាងជើងបានធ្វើឱ្យពិភពលោកទាំងមូលភ្ញាក់ផ្អើល ចំពោះការប្រែប្រួល ផ្លាស់ប្ដូរក្នុងជីវភាពរស់នៅ វប្បធម៌ សង្គម ។ ព្រឹត្ដិការណ៍ជាច្រើនដែលមាន លក្ខណៈសេរី ក្រោមការដឹកនាំរបស់ លោក គីម ជុងអ៊ុន ។
បច្ចុប្បន្ន ប្រព័ន្ធទូរស័ព្ទ 3G កំពុងតែពេញនិយមក្នុងការរស់នៅប្រចាំថ្ងៃរបស់ ពលរដ្ឋកូរ៉េខាងជើង ដែលកន្លងមកត្រូវ បានហាមប្រាមប្រើប្រាស់ ។ តាមការ ព្យាករណ៍មានពលរដ្ឋកូរ៉េខាងជើងជាង ១លាននាក់ចុះឈ្មោះប្រើប្រាស់ទូរស័ព្ទ ចល័តលើប្រព័ន្ធ 3G នៅចុងឆ្នាំ២០១២ ដែលជាសកម្មភាពមួយនាំមកនូវផល ប្រយោជន៍ជាច្រើនដល់ពលរដ្ឋកូរ៉េខាងជើង ។
ពលរដ្ឋជាង៦០ភាគរយប្រើប្រាស់ ទូរស័ព្ទចល័តនៅទីក្រុងព្យុងយ៉ាងដែល មានវ័យចាប់ពី២០-៥០ឆ្នាំ ហើយតម្លៃ សេវាកម្មទូរស័ព្ទក៏បានថយចុះជាច្រើន នៅក្នុងឆ្នាំនេះ ដើម្បីឱ្យសមស្របទៅនឹង ការប្រើប្រាស់កាន់តែច្រើនឡើងរបស់ ពលរដ្ឋ ។ កន្លងមក កូរ៉េខាងជើងត្រួត ពិនិត្យយ៉ាងតឹងតែងក្នុងការអភិវឌ្ឍប្រព័ន្ធ អ៊ិនធើណែត និងទូរស័ព្ទចល៉័ត ។ ទីក្រុង ព្យុងយ៉ាងបានហាមប្រើប្រាស់ទូរស័ព្ទ ចល័តតាំងពី២០០៤ ក្រោយពេលមាន ការបំផ្ទុះគ្រាប់បែកនៅលើផ្លូវដែកក្នុង ទីក្រុង Ryongchon មុនប៉ុន្មានម៉ោង ដែលអតីតមេដឹកនាំកូរ៉េខាងជើងធ្វើ ដំណើរឆ្លងកាត់ផ្លូវដែកនោះ ។ មន្ដ្រិសន្ដិ សុខកូរ៉េខាងជើងសង្ស័យថា ទូរស័ព្ទចល័ត ត្រូវបានប្រើប្រាស់ដើម្បីបំផ្ទុះគ្រាប់បែកនោះ ។
មជ្ឈមណ្ឌលពាណិជ្ជកម្មជាន់ខ្ពស់ដុះឡើងដូចផ្សិតនៅទីក្រុងធំៗ
Pothongang Ryugyong ជាមជ្ឈមណ្ឌលពាណិជ្ជកម្មទំនើបបំផុតនៅកូរ៉េ ខាងជើងនាពេលបច្ចុបន្ន ដែលទើបតែបានបើកទ្វារដំណើរការនៅចុងឆ្នាំ២០១១។ នៅទីនោះមានទំនិញ ផលិតផលជាច្រើន នាំចូលពីបរទេសចាប់តាំងពីម្ហូបអាហារ សម្លៀកបំពាក់ ឧបករណ៍អេឡិចត្រូនិច គ្រឿងសង្ហារឹម បានដាក់តាំងលក់ជាច្រើននៅទីនោះ ។ អតិថិជនដែលចូលទៅទិញ អីវ៉ាន់នៅក្នុងមជ្ឈមណ្ឌលផ្សារទំនើបនោះ អាចទូរទាត់ដោយប្រាក់បរទេសបាន ទៀតផង ។ នៅទីនោះក៏មានភោជនីយ ដ្ឋានអ៊ីតាលីចំនួន២ ដែលគ្រប់គ្រងដោយ ម្ចាស់ជនជាតិអ៊ីតាលី ហើយនៅទីនោះ មានអាហារបរទេសឈ្ងុយឆ្ងាញ់ ដូចជា ភីហ្សា ហេមប៊ឺហ្គឺ ស្រាវីស្គី កូកាកូឡា... សុទ្ធសឹងតែនាំចូលពីប្រទេសអ៊ីតាលី ។
តាមបុគ្គលិកបរទេសដែលធ្វើការ នៅកូរ៉េខាងជើងបានឱ្យដឹងថា ចំនួនរថយន្ដ ដែលធ្វើចរាចរនៅកូរ៉េខាងជើងកាន់តែ កកកុញជាងមុន ទោះបីពលរដ្ឋនៅទីនោះ ភាគច្រើនប្រើប្រាស់រថយន្ដចាស់ៗ ប៉ុន្ដែ រថយន្ដទំនើបៗដូចជាម៉ែកសឺដេស BMW, Lexus, Toyota និង Land Rover ក៏បានបង្ហាញវត្ដមានជាច្រើន នៅទីនោះផងដែរ ។ ចំនួនរថយន្ដកើន ឡើង ធ្វើឱ្យផ្លូវថ្នល់តូច-ធំនៅទីនោះចាប់ ផ្ដើមមានវត្ដមានរថយន្ដចរាចរ ដែល កន្លងមកពុំធ្លាប់មានឡើយ ។
បង្ហាញខ្លួនជាសាធារណៈជាមួយភរិយាដ៏ស្រស់ស្អាត
មេដឹកនាំវ័យក្មេង គីម ជុងអ៊ុន បានប្រកាសជាផ្លូវការពីការរៀបអាពាហ៍ពិពាហ៍ ហើយបង្ហាញភរិយាជាសាធារណៈ នៅក្នុងការចូលរួមកម្មវិធីសំខាន់ៗរបស់ ជាតិ ។ កន្លងមក ជីតា គីម អ៊ីលស៊ុង និងឪពុក គីម ជុងអ៊ីល មិនដែលបង្ហាញ រូបភាពភរិយាជាសាធារណៈនោះឡើយ ឬក៏ថតរូបជាមួយគ្នា ។
បច្ចុប្បន្ន ភរិយារបស់មេដឹកនាំថ្មី គឺ លោកស្រី Ri Sol Ju បានប្រើប្រាស់កា បូបដៃយីយោដ៏ល្បីល្បាញលើពិភពលោក Christan Dior តម្លៃ១.៥០០ដុល្លារ, ពាក់ស្បែកជើងកែងចោទ,ស្លៀកខ្លីលើ ជង្គង់ អមដំណើរជាមួយស្វាមី ទៅត្រួតពិនិត្យទីតាំងយោធា ។
បច្ចុប្បន្ន ភរិយារបស់មេដឹកនាំថ្មី គឺ លោកស្រី Ri Sol Ju បានប្រើប្រាស់កា បូបដៃយីយោដ៏ល្បីល្បាញលើពិភពលោក Christan Dior តម្លៃ១.៥០០ដុល្លារ, ពាក់ស្បែកជើងកែងចោទ,ស្លៀកខ្លីលើ ជង្គង់ អមដំណើរជាមួយស្វាមី ទៅត្រួតពិនិត្យទីតាំងយោធា ។
លើសពីនេះទៅទៀត ស្ដ្រីកូរ៉េខាងជើង ត្រូវបានអនុញ្ញាតឱ្យជិះកង់ក្រោយរយៈ ពេលជាង២០ថ្ងៃត្រូវហាមប្រាម ។ នោះ ជាចំណុចដ៏ល្អប្រសើរដែលមេដឹកនាំវ័យ ក្មេង គីម ជុងអ៊ុន បាននាំមកនូវការផ្លាស់ ប្ដូរបើកចំហយ៉ាងទូលំទូលាយដល់ពលរដ្ឋ ទាំងមូល ។ កន្លងមក មេដឹកនាំ គីម ជុងអ៊ុន ក៏បានប្រកាសអនុញ្ញាតឱ្យប្រើប្រាស់ ខោខូវប៊យ ពាក់ស្បែកជើងកែងចោទ ពាក់ក្រវិលផ្កា...។
អតីតមេដឹកនាំកូរ៉េខាងជើង គីម ជុង អ៊ីល បានចេញបញ្ជាហាមប្រាមស្ដ្រីជិះកង់ តាំងពី១៩៩០ ក្រោយពេលកូនស្រីរបស់ មេទ័ពជាន់ខ្ពស់កូរ៉េខាងជើងបាត់បង់ជីវិត ដោយគ្រោះថ្នាក់ចរាចរពេលជិះកង់នៅ ទីក្រុងព្យុងយ៉ាង ។
បច្ចុប្បន្ន រដ្ឋាភិបាលរបស់លោក គីម ជុងអ៊ុន អនុញ្ញាតឱ្យពលរដ្ឋប្រើប្រាស់កុំព្យូទ័រផ្ទាល់ខ្លួន ប៉ុន្ដែត្រូវចុះឈ្មោះជាមួយ មន្ដ្រីទទួលខុសត្រូវស្ដីពីការត្រួតពិនិត្យប្រព័ន្ធ Software នៅពេលណាដែលមានការសង្ស័យ ៕