ឯកឧត្តម សំ សេរីរ័ត្ន អគ្គនាយក នៃនាយកដ្ឋានក្រសួងអប់រំ យុវជន និងកីឡា ថា លទ្ធផល ប្រឡងបាក់ឌុបឆ្នាំសិក្សា២០១១.-២០១២នឹងចេញលទ្ធផលថ្ងៃទី ៣១ សីហានេះ សំរាប់រាជធានីភ្នំពេញ និងនៅខេត្តកណ្តាល ចំណែកបណ្តាខេត្តក្រុងនានាផ្សេងទៀត នឹងចេញលទ្ធផលក្នុងថ្ងៃទី១ កញ្ញាខាងមុខនេះ។
ការប្រលងមធ្យមសិក្សាទុតិយភូមិ សម្រាប់សិក្សា ២០១១-២០១២នេះមានបេក្ខជនទូទាំងប្រទេសចំនួន១១៤.៤១៤នាក់ ក្នុងនោះស្រី៥.១០០នាក់ , បែងចែកជា២៥៤មណ្ឌលក្នុងនោះមានមណ្ឌលរាជធានីភ្នំពេញមាន៣៨មណ្ឌល និងមាន៤.៦៦៣បន្ទប់ ដែលដំណើរការប្រឡងលើវិញ្ញាសាសរសេរមានរយៈពេល៣ថ្ងៃកាល ពីថ្ងៃទី៦-៧និង៨ ខែសីហា ឆ្នាំ២០១២ នៅតាមមណ្ឌលនានាទូទាំងប្រទេស ។
ក្នុងសិក្សានុសិស្សទាំង១១៤.៤១៤នាក់នៅរាជធានីភ្នំពេញវិញ មាន សិស្សថ្នាក់ទី១២ ចំនួនប្រមាណជាង១ម៉ឺននាក់ចូលរួមដាកពាក្យប្រឡងយកសញ្ញាបត្រមធ្យមសិក្សាទុតិយភូមិ សម្រាប់ឆ្នាំសិក្សា២០១១-២០១២ ដែលមានមណ្ឌលចំនួន៣៨មណ្ឌល ចែកចេញជា៨០២បន្ទប់ទូទាំងរាជធានីភ្នំពេញ។
ដូច្នេះ សំរាប់បេក្ខជននៅរាជធានីភ្នំពេញនិងខេត្តកណ្តាល អាច ទៅមើលលទ្ធផលប្រឡងយកសញ្ញាបត្រមធ្យមសិក្សាទុតិយភូមិបាន នៅតាមមណ្ឌលដែលបេក្ខជនបានប្រឡង ថ្ងៃទី៣១ សីហា ២០១២។ចំណែកបេក្ខជននៅតាមបណ្តាខេត្តក្រុងនានា ទៅមើលលទ្ធក្នុងថ្ងៃទី១ សីហា ២០១២គឺមានរយះពេលខុសគ្នា១ថ្ងៃប៉ុណ្ណោះ៕