រាជធានីភ្នំពេញ ៖ សមត្ថកិច្ចនគរបាលខណ្ឌ៧មករាកាលពីវេលាម៉ោង១២ថ្ងៃត្រង់ថ្ងៃទី៦ សីហា សហការជាមួយនគរបាលព្រហ្មទណ្ឌកម្រិតធ្ងន់រាជធានី និងនគរបាលប៉ុស្តិ៍ទឹកថ្លា ឃាត់ខ្លួនក្រុមអ្នកប្រើប្រាស់គ្រឿងញៀនចំនួន៥នាក់ ដើម្បីបញ្ជូនទៅកាន់សាលាដំបូងរាជធានីភ្នំពេញ ចាត់ការតាមផ្លូវច្បាប់ ។
ការឃាត់ខ្លួនជនសង្ស័យទាំង៥នាក់នេះ ធ្វើឡើងនៅផ្ទះស្លឹក១ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ដែលក្នុងប្រតិបត្តិការនោះសមត្ថកិច្ចដកហូតបានឧបករណ៍ប្រើប្រាស់គ្រឿងញៀនមួយចំនួនផង ។ បន្ទាប់ពីឃាត់ខ្លួនជនសង្ស័យទាំង៥នាក់ ត្រូវបានសមត្ថកិច្ចនគរបាលខណ្ឌ៧មករា កសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការតាមនីតិវិធី។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕