ក្រុងប៉ោយប៉ែត ៖ ប្រតិភូកម្ពុជា-ថៃនៅព្រឹកថ្ងៃទី៧ សីហា ២០១២ នេះបានចុះពិនិត្យបង្គោលសីមាព្រំដែនលេខ៤៣រួមគ្នា ដែលភាគីកម្ពុជាដឹកនាំដោយ លោកឧត្តមសេនីយ៍ឯក សៀក សុជាតិ នាយរងសេនាធិការចម្រុះ និងជានាយកទីចាត់ការការងារព្រំដែន, លោកឧត្តមសេនីយ៍ទោ ឯក សំអូន មេបញ្ជាការស្តីទីយោធភូមិភាគទី៥, លោកឧត្តមសេនីយ៍ទោ ឈឿន សារិទ្ធ មេបញ្ជាការរងភូមិភាគទី៥ និងជាមេបញ្ជាការសមរភូមិទិសទី១ ខេត្តបន្ទាយមានជ័យ, លោកឧត្តមសេនីយ៍ទោ សូ ចាន់ហេង មេបញ្ជាការកងពលតូចថ្មើរជើងលេខ៥១ និងអមដំណើរដោយមេបញ្ជាការ មេបញ្ជាការរងយោធា ប៉ូលិសព្រំដែន និងកងកម្លាំងជាច្រើននាក់ទៀត។
ដោយឡែកភាគីថៃគេឃើញវត្តមានមន្ត្រីការិយាល័យទំនាក់ទំនងព្រំដែនថៃ-កម្ពុជា លោកកិតា សាក់កែវភុង មេបញ្ជាការរងវរសេនាធំលេខ១២ លោកសាវ៉ាត់ ប៊ុនម៉ាន់ មេបញ្ជាការកងធំលេខ១២៦ តម្រួតព្រំដែន និងកងកម្លាំងជាច្រើននាក់ចូលរួមផងដែរ ។