ខេត្ដកណ្ដាល ៖ នៅព្រឹកថ្ងៃទី១៣ ខែកញ្ញា ឆ្នាំ២០១២ នៅក្នុងវត្ដវេណវត្ដពោធិ៍ព្រែកស្លែង មានរៀបចំពិធីសម្ពោធឱ្យ ដាក់ប្រើប្រាស់ផ្លូវលំក្រាលថ្មមួយខ្សែប្រវែង៥.៥២០ម៉ែត្រ ឋិតនៅក្នុងភូមិទួលស្ពឺ និងភូមិព្រែកស្លែង ឃុំតាលន់ ស្រុក ស្អាង ខេត្ដកណ្ដាល ដែលពិធីនេះក្រោមអធិបតីភាពលោកបណ្ឌិត ជា រតនា ទីប្រឹក្សារាជរដ្ឋាភិបាលកម្ពុជា អនុប្រធាន គណៈពង្រឹងមូលដ្ឋានស្រុកស្អាង និងជាប្រធានគណៈពង្រឹងមូលដ្ឋានឃុំតាលន់ និងលោកស្រី និងមានការចូលរួមពីសមា ជិកគណៈពង្រឹងជាច្រើនរូបទៀត ។
ផ្លូវលំខាងលើនេះគឺធ្វើភ្ជាប់ពីផ្លូវជាតិលេខ១១០ ចាប់ពីខ្លោងទ្វារចូលភូមិទួលស្ពឺរហូតទល់វត្ដពោធិ៍ព្រែកស្លែង កាត់ភូមិចំនួន២ គឺភូមិទួលស្ពឺ និងភូមិព្រែកស្លែង ដែលជាថវិការបស់គណៈពង្រឹងមូលដ្ឋានឃុំចំណាយលើការសាងសង់ផ្លូវនេះ ៕