ស្របពេលដែលសកម្មភាពជាប្រវត្តិសាស្រ្តរបស់យុវជនស័្មគ្រចិត្ត
សម្តចតេជោ ហ៊ុន សែន ក្នុងការចុះវាស់វែងដីធ្លី
ចែកជូនប្រជាពលរដ្ឋគ្រប់ទីកន្លែងទាំងអស់ក្នុងប្រទេសកម្ពុជា ដើម្បីឱ្យ ប្រជាពលរដ្ឋទាំងអស់ទទួលបាននូវភាពស្របច្បាប់ក្នុងការប្រើប្រាស់ដីធ្លី
ពិសេសនៅតាមតំបន់ ដែលប្រជាពលរដ្ឋមិនធ្លាប់មានកម្មសិទ្ទិកន្លងមក។
សកម្មភាពខាងលើបែជាត្រូវបានទទួលរងនូវការ វាយប្រហាររិះគន់ពីក្រុមបក្សប្រឆាំង និងសង្គមស៊ីវិលដែលមាននិន្នាការប្រឆាំងជាមួយរដ្ឋាភិបាល
មួយចំនួននោះទៅវិញ។
ជាក់ស្តែងកាលពីពេលកន្លងទៅថ្មីៗនេះ
ក្រុមជំទាស់រួមទាំងលោក កឹម សុខា ដែលគេស្គាល់ ថា ជាប្រធានគណបក្សសិទ្ធិមនុស្ស
បាននិយាយ ថា “ការចុះវាស់វែងដីធ្លីរបល់យុវជនស័្មគ្រចិត្ត គឺគ្រាន់តែទៅប្រថាប់ត្រាអោយពួកម្ចាស់ដីធំៗនោះ
ដើម្បីអោយស្របច្បាប់ទេ ហើយយុវជនកំពុងត្រូវបានគេប្រើប្រាស់ក្រោយពីវាស់វែងដីធ្លីជូនប្រជាពលរដ្ឋតិចតួចហើយ យុវជនទាំងនេះ នឹងក្លាយទៅជាអ្នកជួយសម្រួលដល់អ្នកមាន
អ្នកធំ ដែលបានកិបកេងដីប្រជាពលរដ្ឋ”។
តើការងារដើម្បីឧត្តមប្រយោជន៍ជាតិដ៏ធំធេង
សក្តិសម នឹងត្រូវទទួលរងនូវការវាយប្រហារ ដោយក្រុមមនុស្សអសមានចិត្តបែបនេះឬយ៉ាងណា?
ជាការពិតណាស់នៅក្នុងសង្គមប្រជាធិបតេយ្យការទិទាន
រិះគន់ កែលំអរក្នុងន័យស្ថាបនា ជារឿងធម្មតា ផ្ទុយមកវិញ
ចំពោះក្រុមប្រឆាំងនៅកម្ពុជាដើម្បីតែបំពេញនូវមហិច្ឆិតាដណ្តើមយក ប្រៀបឈ្នះរបស់ក្រុម
និងគណបក្សរបស់ខ្លួន ពួកនេះ បែរជាបានបញ្ចេញនូវស្នៀតវាយប្រហារទៅលើគូរបដិបក្ខរបស់ខ្លួនតាមរយៈនៃការបញ្ចេញមតិដែលមានចរិតជាការប្រមាថនោះទៅវិញ។
ការទិតៀនគួរណាស់តែមាននូវសុច្ចរិតភាព ក្នុងន័យស្ថាបនា
កសាង និងអភិវឌ្ឍន៍ជាតិ មិនគួរណាប្រើវេទិការបញ្ចេញមតិដើម្បីបន្ទុចបង្អាក់
នូវការលះបង់ពេលវេលា ទាំងកំលាំងកាយ កំលាំងចិត្ត ប្រាជ្ញា ស្មារតី ដើម្បីជាតិ និងពលរដ្ឋទូទៅនោះទេ។
នៅក្នុងចក្ខុវិស័យដ៏វែងឆ្ងាយ
ប្រកបដោយគតិបណ្ឌិត របស់ សម្តេចតេជោ ហ៊ុន
សែន ក្នុងការផ្តល់នូវមូលធនបញ្ញា និងការបង្កើតនៅពហុជំនាញសម្រាប់ យុវជនស្ម័គ្រចិត្តបានចុះធ្វើការ អនុវត្តការងារដោយផ្ទាល់ជាក់ស្ដែងទៅតាមមូលដ្ឋាន
និងតំបន់ផ្សេងៗគ្នា។ ការចុះអនុវត្តភារកិច្ច ដែលដាក់ចេញដោយ សម្តេចនាយករដ្ឋមន្រ្តី
លើនយោបាយចាស់ សកម្មភាពថ្មី លើវិសយ័ដីធ្លី
ក្នុងការចុះវាស់វែងដីធ្លីជូនប្រជាពលរដ្ឋតាមគ្រប់គោលដៅទាំងអស់នៅទូទាំងប្រទេស
រហូតមកទល់ ពេលនេះទទួលបានលទ្ធផលដ៏ត្រចះត្រចង់នេះបានឆ្លើយតបទៅនិងតំរូវការ
និងសេចក្តីរង់ចាំរបស់បងប្អូនប្រជាពលរដ្ឋជាច្រើនរាប់សិបឆ្នាំកន្លងមកហើយ ដែលកន្លងមកពួកគាត់ធ្លាប់តែកាន់កាប់ដីខុសច្បាប់
និងមួយចំនួនទៀត កាន់កាប់ដីដោយគ្មានកម្មសិទ្ធិ។
ដូចនេះសកម្មភាពដែលយុវជនបាន និងកំពុងតែធ្វើ បានឆ្លុះបញ្ចាំងយ៉ាងច្បាស់អំពីការចូល
រួមក្នុងការកសាងឧត្តមភាពជាតិ
ក្នុងការជំរុញឱ្យមានការហក់ទ្បើងនៃកំណើនសេដ្ឋកិច្ចជាតិ និងការកាត់បន្ថយភាពក្រីក្រ ដោយជម្រុញសេដ្ឋកិច្ចទីជនបទឱ្យងើបទ្បើងតាមរយៈហេដ្ឋារចនាសម្ព័ន្ធ
និង តាមរយៈនៃការផ្តល់ដីសម្បទានជូនប្រជាពលរដ្ឋជំរុញការបង្កើតនូវសង្វាក់ផលិតកម្ម។
ក្នុងស្ថាន ភាពនេះអាចធ្វើអោយស្ថានភាពសេដ្ឋកិច្ចគ្រួសារនីមួយៗ រហូតដល់សហគមន៍ និងរហូតដល់ជាតិទាំងមូល មាននូវការលូតលាស់ក្នុងរយៈពេលប៉ុន្មានឆ្នាំខាងមុខនេះ។ កត្តាទាំងនេះជាចលករនៃការជុំរុញឱ្យមានការសម្រេចនូវមហិច្ឆិតារបស់ សម្តេចតេជោសែន ក្នុងការធ្វើអោយចំណូលប្រជាជនកើនទ្បើងដល់ ៤០០០ដុល្លារសហរដ្ឋអាមេរិក នៅឆ្នាំ២០៣០ និងធ្វើយ៉ាងណាឱ្យប្រទេសកម្ពុជាចាកផុតពីប្រទេសដែលមានការអភិវឌ្ឍន៍ទាប។
សរុបសេចក្តីមក ពលិកម្មរបស់យុវជន តេជោសែន
ត្រូវបានកត់ត្រាក្នុងកំណត់ហេតុដូងចិត្តរបស់ប្រជាពលរដ្ឋរួចជាស្រេចអស់ទៅហើយនូវអំពើល្អដែលជាកុសល
សម្រាប់ជូនជាតិ និងមាតុភូមិជាទីស្នេហានៃយើងគ្រប់គ្នា។ ក៏ប៉ុន្តែ
ការរិះគន់មានចរិតជាការប្រមាថ និងមិនឈរលើស្មារតីនៃការចូលរួម គឺជាឥរិយាបថដែលមិនមានការផ្លាស់ប្តូររបស់បក្សប្រឆាំងជាយូរមកហើយ
ដែលទង្វើបែបនេះមិនមានអ្វីខុសប្លែកពីពេលកន្លងមក ហើយពលរដ្ឋខ្មែគ្រប់ៗរូបសុទ្ឋតែបានដឹង
និងឮគ្រប់ៗគ្នាអស់ទៅហើយ។
ចរិតនៃការប្រឆាំងជំទាស់ដោយគ្មានមូលដ្ឋានបែបនេះ សមដូចសុភាសិតមួយពោលថា
"ជនអ្នកសាបព្រោះខ្យល់ នឹងបានមកវិញ គឺព្យុះសង្ឃរា" ៕
អត្ថបទដោយៈ ឧត្តម សក្តិ