ការប្រឡងជ្រើសរើសមន្ត្រីក្របខណ្ឌរដ្ឋបាលស៊ីវិលនៃក្រសួងមហាផ្ទៃ
ឯ.ឧបណ្ឌិត ស៊ូ ភិរិន្ទ ទីប្រឹក្សាផ្ទាល់សម្តេចតេជោហ៊ុន សែន នាយករដ្ឋមន្ត្រីនៃ ព្រះរាជា ណាចក្រកម្ពុជា និងជាអភិបាលនៃគណៈអភិបាលខេត្តសៀមរាប បានការអនុញ្ញាត្តជាតំណាងដ៏ ខ្ពង់ខ្ពស់ របស់ក្រសួងមហាផ្ទៃ ឯ.ឧ បណ្ឌិតបានអញ្ជើញ ជាអធិបតីក្នុងការត្រួតពិនិត្យ និងបើកវិញ្ញា សារប្រឡងជ្រើសរើសមន្ត្រីក្របខណ្ឌរដ្ឋបាលស៊ីវិល នៃក្រសួងមហាផ្ទៃដែលមាន បេក្ខជនមកពី ខេត្ត បាត់ដំបងព្រះវិហារ ឧត្តរមានជ័យ បន្ទាយមានជ័យ និងខេត្តសៀមរាប ។
សម័យប្រឡងជ្រើសរើសមន្ត្រីក្របខណ្ឌរដ្ឋបាលស៊ីវិលនេះ បានព្រព្រឹត្តទៅ កាលពីម្សិល ម៉ីញនេះ ដោយមានបេក្ខជនចំនួន២៩៨រូបបានដាក់ពាក្យប្រឡង សំរាប់ជ្រើសរើសក្របខណ្ឌ មន្ត្រីជាន់ខ្ពស់ មន្រី្ត ក្រមការមន្ត្រីលេខាធិការរដ្ឋបាល និងមន្ត្រីអនុរក្សពន្ធនាគារ ទៅតាមការកំណត់របស់ក្រសួងមហាផ្ទៃ ។
តាមប្រសាសន៍អោយដឹងពីលោក លី សំរឹទ្ធ នាយករដ្ឋបាលសាលាខេត្តសៀមរាប បានឲ្យយើង ដឹងថា ការដាក់ពាក្យប្រឡងចូលមន្ត្រីក្របខ័ណ្ឌក្រសួងមហាផ្ទៃ មានចំនួនសរុប ២៩៨ រូបស្រី ១០៤រូប ក្នុងនោះក្របខណ្ឌមន្ត្រីជាន់ខ្ពស់មានចំនួន ៣៧រូប ស្រី០៧រូប ក្របខណ្ឌក្រមការ ចំនួន៩០រូប ស្រី២៣ រូប មន្រ្តីលេខាធិការរដ្ឋបាល ចំនួន១២៤រូប ស្រី៥៨រូប និងមន្ត្រីអនុរក្សពន្ធនាគារចំនួន ៤៧រូបស្រី១៦ រូប។
លោក លី សំរឹទ្ធ បានឲ្យដឹងផងដែរថាបេក្ខជនដាក់ពាក្យសុំធ្វើការប្រឡងមាន មកពី៥ខេត្ត មានអវត្តមានបេក្ខជនចំនួន១៨រូប នៃបន្ទប់ប្រឡងសរុបចំនួន១៣ បន្ទប់នោះ ។
ឯ.ឧបណ្ឌិត ស៊ូ ភិរិន្ទ បានធ្វើការផ្តាំផ្ញើដល់ក្មួយប្រុស-ក្មួយស្រីដែលជាបេក្ខជន ទាំងអស់ត្រូវខិតខំ យកចិត្តទុកដាក់ឲ្យបានខ្ពស់ នៅពេលប្រឡង បញ្ចេញឲ្យអស់នូវ សមត្ថភាពរបស់ខ្លួននូវចំណេះដឹង ដែលបានសិក្សាកន្លងមក ព្រមទាំងត្រូវគោរព ឲ្យបានល្អនូវបទបញ្ជា វិន័យក្នុងពេលប្រឡងនិង ស្តាប់នូវ ការណែនាំរបស់គណៈ មេប្រយោគឲ្យបានផ្ជាប់ផ្ជួន ។
ម៉្យាងទៀតសោតការប្រឡងជ្រើសរើសមន្ត្រីក្របខណ្ឌរដ្ឋបាលក្រសួងមហាផ្ទៃ នាពេលនេះ ជា ឱកាស១ដ៏ប្រសើរសម្រាប់ក្មួយៗជាបេក្ខជនទាំងអស់ ក្នុងការវាស់ ស្ទង់នូវគំនិតយល់ដឹង ចំណេះដឹង នូវសមត្ថភាពផ្ទាល់របស់ក្មួយៗដើមី្បយកទៅបំរើការងារនៅក្នុងក្របខ័ណ្ឌ មន្ត្រីរាជការរដ្ឋបាល នៃក្រសួង មហាផ្ទៃ សម្រាប់ទៅ ថ្ងៃមុខ។