ករណីឆ្លងវីរុសEv-71 មានការថយ ចុះខណៈដែលការព្យាបាលកាន់តែមានប្រសិទ្ធភាពខ្ពស់
ក្រុមមន្រ្តីក្រសួងសុខាភិបាល បានអោយដឹងថា ករណីឆ្លងវីរុស Entero Virus-71 (Ev-71) ក្នុងចំណោមកុមារកម្ពុជាកាន់តែមានថយចុះគួរអោយកត់សំគាល់ ខណៈដែលការព្យាបាលនិងការតាមដានវីរុសប្រភេទថ្មីនេះ កាន់តែមានប្រសិទ្ធភាពគួរកត់សំគាល់។
លោកវេជ្ជបណ្ឌិតសុខ ទូច ប្រធាននាយកដ្ឋានបង្កាជំងឺឆ្លងនៃក្រសួងសុខាភិបា ពីមួយសប្តាហ៍ទៅមួយសប្តាហ៍ករណីឆ្លង វីរុស Ev-71 មានការថយចុះយ៉ាងច្រើន ហើយករណីស្លាប់ក៏មានការថយចុះផងដែរ ខណៈដែលការព្យាបាល និងតាមដានជំងឺដែលបណ្តាលមកពីវីរុសប្រភេទថ្មីនេះ កាន់តែមានប្រសិទ្ធគួរអោយកត់សំគាល់។
ក្រោយការផ្ទុះឡើងនៃជំងឺពងបែកដៃ ជើង និងមាត់ ដែលបណ្តាលមកពី វីរុស Ev-71 ចាប់ពីខែមេសា ឆ្នាំ២០១២មក កុមារការកម្ពុជាជាច្រើននាក់ ត្រូវបានគេវាយការថា បានស្លាប់ និងមានអាការៈធ្ងន់ធ្ងរបំផុត។
យ៉ាងណោចណាស់កុមារកម្ពុជាប្រមាណ៦០នាក់ ក៏ត្រូវបានគេវាយថា បានស្លាប់ខណៈ ដែលសំណាករបស់ពួកគេ មិនត្រូវបានគេយកទៅពិនិត្យក្នុងមន្ទីរពិសោធន៍ឡើយ ដោយសារពួកគេបានស្លាប់យ៉ាងទាន់ហន់។
លោកវេជ្ជបណ្ឌិតសុខ ទូច បានបញ្ជាក់ថា ដោយមានជំនួយផ្នែកបច្ចេកទេសពីក្រុមគ្រូពេទ្យស្ម័គ្រចិត្តរបស់ចិន អាមេរិក និងអង្គការសុខភាពពិភពលោក ក្រសួងបានចាត់អោយក្រុមគ្រូពេទ្យដែលមានជំនាញចុះទៅបង្រៀន និងផ្តល់ថ្នំា ដល់មន្ទីរពេទ្យខេត្ត និងមន្ទីរពេទ្យបង្អែកតាមស្រុក ដើម្បីអោយគ្រូពេទ្យទាំងនោះអាចព្យាលជំងឺដល់កុមារដែលឆ្លងវីរុស Ev-71 បានដោយប្រសិទ្ធភាពខ្ពស់។
គួរបញ្ជាក់ថា កាលពីពេលថ្មីៗនេះក្រសួងសុខាភិបាលកម្ពុជា និងអង្គការសុភាពពិភពលោក បានព្រមានពីការផ្ទុះឡើងនៃវីរុស EV-71 ដែលបានឆ្លងរីករាលដាលក្នុងចំណោមកុមារកម្ពុជា និងធ្វើអោយអ្នកជំងឺមានការលំបាកយ៉ាងខ្លាំង បន្ទាប់មកបានសម្លាប់ពួកគេ។
វីរុស EnteroVirus 71 ឬ EV-71 បានឆ្លងរីករាលលើកុមារជាច្រើននៅតំបនមអាស៊ី ជាពិសេសប្រទេសវៀត ណាម ចិន សឹង្ហបុរី កូរ៉េខាងត្បូង និងប្រទេសមួយចំនួន។ វីរុសប្រភេទនេះ បានឆ្លងមកដល់ប្រទេសកម្ពុជាកាលពីពេលថ្មីៗនេះ ។ កុមារទាំងនោះមានអាយុចាប់ពី ៣ខែ ដល់ ១១ឆ្នាំ។
បច្ចុប្បន្ន មិនមានការព្យាបាលជាក់លាក់ណាមួយសម្រាប់ជំងឺពងបែកដៃជើង និងក្នុងមាត់ ដែលជាជំងឺឆ្លងរាតត្បាតលើកុមារនោះទេ។
ជំងឺចម្លែកនោះ ឆ្លងតាមរយៈការប៉ះពាល់ផ្ទាល់ទៅនឹងសំបោរ កំហាក ទឹកមាត់ ទឹករងៃចេញពីពងបែក ឬលាមក របស់អ្នកជំងឺ ហើយឆ្លងខ្លាំងបំផុតក្នុងសប្តាហ៍ទី១។
លោកវេជ្ជបណ្ឌិតសុខ ទូច បានអំពាវនាវឲ្យឪពុកម្ដាយ តាមដានអាការៈកូនៗរបស់ពួកគាត់ ពេលមានអាការៈក្ដៅខ្លួន ក្អួត និងទន់ដៃទន់ជើង ដោយអោយអ្នកជំងឺផឹកទឹក ឬវត្ថុរាវឲ្យបានច្រើននិងត្រូវជៀសវាងការប្រើថ្នាំស្ដេរ៉យ ( Steroids )។
លទ្ធផលមន្ទីរពិសោធន៍ចុងក្រោយបំផុត បានរកឃើញថា មួយភាគធំនៃសំណាកដែលបានធ្វើតេស្តមានវីរុស EV-71 ដែលបានបង្កជារោគសញ្ញាពងបែកនៅដៃ ជើង និងនៅក្នុងមាត់។ វីរុស EV-71 ត្រូវបានគេដឹងថា អាចបង្កផលលំបាកធ្ងន់ធ្ងរដល់អ្នកជំងឺ។
ជំងឺពងបែកដៃជើង និងក្នុងមាត់ជាញឹកញាប់បង្កឡើងដោយ វីរុសម្យ៉ាងឈ្មោះ កុកសាគី A16 ដែលបង្កអោយមានជំងឺស្រាល ដោយពុំចាំបាច់ទទួលការព្យាបាល ដោយបុគ្គលិកសុខាភិបាលទេ។ ប៉ុន្តែជំងឺពងបែកដៃ ជើង និងមាត់អាចបង្កផងដែរ ដោយវីរុស EnteroVirus ក្នុងនោះក៏មាន វីរុស EV-71 ដែលបង្កអោយមានផលលំបាលធ្ងន់ធ្ងរ និងអាចបង្កអោយស្លាប់៕