សហភាពពលករវៀតណាមសំរេចផ្តល់ថវិកាកសាងមជ្ឈមណ្ឌលបណ្តុះបណ្តាលសហជីពដល់ NACCកម្ពុជា
ក្នុងដំណើរទស្សនកិច្ចផ្លូវការរបស់គណៈប្រតិភូVGCLមកកាន់ កម្ពុជាកាលពីថៃ្ងទី២៤ដល់២៨ខែកក្កដាកន្លងទៅនេះអគ្គសហភាពពលករ វៀតណាមបានសំរេចផ្តល់ថវិកាដើម្បីកសាងមជ្ឈមណ្ឌលបណ្តុះបណ្តាលសហជីព មួយដល់សភាសម្ព័ន្ធសហជីពជាតិម្ពុជា(NACC)ដើម្បី ធ្វើកាបណ្តុះបណ្តាលសមជិកសហជីពឲ្យមានជំនាញវិជ្ជាជីវៈពិតប្រាកដ និងមានភាពរឹងមាដូចសហជីពនៃបណ្ដាប្រទេសដទៃនៅក្នុងពីភពលោក។
លោក សោម អូន ប្រធានសភាសម្ព័ន្ធសហជីពជាតិកម្ពុជា(NACC)បានឲ្យដឹងថាក្នុងដំណើរទស្សកិច្ចផ្លូវការរបស់គណប្រតិភូVGCLកាលពី ថៃ្ងទី២៤ដល់២៨ខែកក្កដា ឆ្នាំ២០១២កន្លងទៅថ្មីៗនេះទទួលបាននូវលទ្ធផលជាផ្លែផ្កាបន្ថែមទៀត ដែលក្នុងនោះភាគីទាំងពីរបានពិនិត្យទៅលើការអនុវត្តនៃMoUនឹងជំរុញការអនុវត្តឲ្យមានប្រសិទ្ធិភាពបន្ថែមទៀតដូចជាទី១-ចំពោះ ការបញ្ជូនមន្ត្រីសភាសម្ព័ន្ធសហជីពជាតិកម្ពុជាទៅបណ្តុះបណ្តាលរយៈពេល វែងក្រោយឧត្តមសិក្សាគឺនៅមិនទាន់បានអនុវត្តបាននៅឡើយដោយសារកូតា អាហារូបករណ៍នេះត្រូវស្នើសុំពីក្រសួងអប់រំកម្ពុជា។ភាគីNACCបានសំណូមពរភាគីវៀតណាមផ្តល់ចំនួនកូតាសំរាប់NACCដោយឡែក ផ្សេងពីក្រសួងអប់រំដើម្បីមានលទ្ធភាពនិងមានឱកាសបញ្ជូនមន្ត្រីទៅ សិក្សា។ភាគីវៀតណាមបានទទួលយកនូវសំណូមពរនេះដើម្បីពិភាក្សាជាមួយ ក្រសួងអប់រំវៀតណាម។ជាមួយនេះដែរភាគីវៀតណាមក៏បានជំរុញឲ្យភាគី NACC សែ្វ ងរកដីមួយកន្លែងដែលមានទីតាំងនៅក្នុងរាជធានីភ្នំពេញឲ្យបានឆាប់ សំរាប់កសាងអគារមជ្ឈមណ្ឌលបណ្តុះបណ្តាលសហជីពឲ្យសភាសម្ព័ន្ធសហជីព ជាតិកម្ពុជា ដែលភាគីវៀតណាមជាអ្នកផ្តល់ថវិកាសាងសង់ ។
លោក សោម អូន ប្រធាន(NACC)បានបន្តឲ្យដឹងថាកិច្ចសហប្រតិបត្តិការនិងទំនាក់ទំនងល្អជាប្រពៃណីរវាង សភាសម្ព័ន្ធសហជីពជាតិកម្ពុជា(NACC) និង អគ្គសហភាពពលករវៀតណាម(VGCL)បានកើតឡើងនៅឆ្នាំ២០១០បន្ទាប់ពីសភាសម្ព័ន្ធសហជីពជាតិកម្ពុជា(NACC)បានបង្កើតឡើងនៅឆ្នាំ២០០៧ ហើយVGCLបានអញ្ជើញគណប្រតិភូ NACC ទៅធ្វើ ទស្សនកិច្ចជាផ្លូវការនៅឆ្នាំ២០១០នៅទីក្រុងហាណូយ ដើម្បីរឹតចំណងសាមគ្គីភាពនិងសហប្រតិបត្តិការរវាងសហជីពប្រទេសទាំងពីរ ទាំងនៅក្នុងតំបន់ និងនៅលើឆាកសកលលោក។
លោក សោម អូន បានបញ្ជាក់ថាមូលហេតុដែលលោកស្នើសុំឲ្យភាគីវៀតណាមជួយកសាងអគារ មជ្ឈមណ្ឌលបណ្តុះបណ្តាលសហជីពនេះតាំងពីឆ្នាំ២០១១មកម្លេះនោះ ដោយសារតែលោកយល់ឃើញថាសហជីពនៅកម្ពុជានៅមានលក្ខណៈក្មេងខ្ចីមិនទាន់មាន ជំនាញវិជ្ជាជីវៈពិតប្រាកដនិងមិនទាន់មានភាពរឹងមាំនៅឡើយ។បញ្ហា មិនទាន់មានសាលាបណ្តុះបណ្តាលសហជីពនេះក៏ជាមូលហេតុចម្បងផងដែរធ្វើ ឲ្យសហជីពមួយចំនួនមិនបានកំណត់គោលនយោបាយត្រឹមត្រូវនិងអនុវត្ត សកម្មភាពមិនបានសមស្របទៅតាមជំនាញវិជ្ជាជីវៈរបស់សហជីព។មជ្ឈមណ្ឌលនេះ នឹងបណ្តុះបណ្តាលនូវមុខជំនាញផ្សេងៗសំរាប់ជួយដល់កម្មករនិយោជិត នៅក្នុងប្រទេសកម្ពុជា ។
លោក សោម អូន ក៏បានលើកឡើងនូវការព្រួយបារម្ភថាភាគីវៀតណាមបានផ្តល់អំណោយជាថវិកាជាគោលការណ៍ដល់NACCសំរាប់កសាងអគារបណ្តុះបណ្តាលនេះ ប៉ុន្តែមកដល់ពេលNACCនៅមិនទាន់មានលទ្ធភាពស្វែងរកដីទៅតាមលក្ខខ័ណ្ឌរបស់ភាគីវៀតណាមនោះឡើយ ។
ឆ្លៀត នៅក្នុងឱកាសនេះ ក្នុងសភាសម្ព័ន្ធសហជីពជាតិកម្ពុជា សូមអំពាវដល់អង្គការជាតិនិងអន្តរជាតិព្រមទាំងអង្គការមនុស្សធម៌ នានា បើមានការចាប់អារម្មណ៍ចំពោះសារសំខាន់នៃមជ្ឈមណ្ឌលបណ្តុះបណ្តាលនេះ NACCសូមស្វាគមន៍ចំពោះការចូលរួមជាភាគទានទាំងឡាយក្នុងគោលបំណងជួយអភិវឌ្ឍន៍សហជីពនៅកម្ពុជា ។
លោក សោម អូន ក៏បានបញ្ជាក់ផងដែរថាកាលពីឆ្នាំខែមេសាឆ្នាំ២០១១NACCបានអញ្ជើញគណប្រតិភូVGCLមកបំពេញទស្សនកិច្ចនៅកម្ពុជាហើយបាន ចុះហត្ថលេខាលើនុស្សារណៈយោគយល់(MoU)។ខ្លឹមសារ សំខាន់នៃMoU នេះគឺៈ(១)-ពង្រឹងនូវកិច្ចសហប្រតិបត្តិការល្អនិងផ្លាស់ប្តូរគណប្រតិភូជាន់ខ្ពស់រវាងសហជីពទាំងពីររៀងរាល់ពីរឆ្នាំម្តង(២)VGCLផ្តល់អាហារូបករណ៍បណ្តុះបណ្តាលវគ្គខ្លីដល់ថ្នាក់ដឹកនាំសហជីពជាសមាជិករបស់NACCចំនួន១៥នាក់ក្នុងមួយឆ្នាំ(៣)-ផ្តល់អាហារូបករណ៍រយៈពេលវែងថ្នាក់បរិញ្ញាបត្រនិងអនុបណ្ឌិតដល់ថ្នាក់ដឹកនាំNACCដែលកូតានេះធ្វើឡើងតាមរយៈក្រសួងអប់រំកម្ពុជា៕