វិស័យព្រះពុទ្ធសាសនា ត្រូវបានរដ្ឋធម្មនុញ្ញបានចាត់ជាសាសនារបស់រដ្ឋ ត្រូវតែជួយលើកតម្កើង
ឯកឧត្ដម ពេជ សោភ័ន ទីប្រឹក្សាសម្ដេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវ ព្រមទាំងក្រុមការងារថ្នាក់កណ្ដាលចុះជួយឃុំពោធិ៍រំចាក ស្រុកព្រៃកប្បាស ខេត្តតាកែវ បាននាំយកទៀនព្រះវស្សា១០ដើម ទ័យទៀន គ្រឿងឧបភោគ-បរិភោគ សំភារបច្ច័យទៅប្រគេនដល់ព្រះសង្ឃ ដែលគង់ចាំព្រះវស្សាអស់ត្រីមាស ក្នុងពុទ្ធសីមា៥វត្ត ស្ថិតនៅក្នុង ស្រុកព្រៃកប្បាសខេត្តតាកែវ ។
តាមទំនៀមទំលាប់ប្រពៃណីព្រះពុទ្ធសាសនា នៅពេលរដូវចូលព្រះវស្សា រយៈពេល៣ខែ ព្រះសង្ឃមិនអាចនិមន្តចេញពីទីអារាមបិណ្ឌបាតបានទេត្រូវរៀនសូត្រធម៌វិន័យ និងពុទ្ធឱវាទផ្សេងៗនៅក្នុងទីវត្តអារាម។ហេតុដូចនេះទើបមានពុទ្ធសាសនិក នៅពេលរដូវចូលព្រះវស្សាតែងតែនាំយកទ័យទៀន និងសំភារៈភេសជ្ជៈ និងបច្ច័យ ដើម្បីជួយឧបត្ថម្ភដល់ព្រះសង្ឃ។ ពាក់ព័ន្ធ និងសមិទ្ធិផលដែលកើតមាននៅក្នុងស្រុកទាំងវិស័យពុទ្ធចក្រ និងអាណាចក្រ ឯកឧត្ដម ពេជ សោភ័ន បានសំដែងនូវការកោតសរសើរ ចំពោះការខិតខំប្រឹងប្រែងរបស់ថ្នាក់ដឹកនាំគ្រប់លំដាប់ដែលបានរួមគ្នាកសាងនិងអភិវឌ្ឍន៍ប្រទេសជាតិ។
ឯកឧត្ដម បានផ្ដាំផ្ញើរដល់ពុទ្ធបរិសក័ចូលរួមជួយថែរក្សានូវសម្បត្តិគរុភ័ណ្ឌវត្ត និងបន្តកសាងនូវសមិទ្ធិផលវត្ត ដើម្បីទុកឱ្យពុទ្ធបរិស័កគោរពបូជាតាមគន្លងប្រពៃណីព្រះពុទ្ធសាសនា។
ឯកឧត្ដម ពេជ សោភ័ន និងលោកជំទាវបានប្រគេនព្រះសង្ឃ៥វត្តមានទៀនព្រះវស្សា ស្លាដក អង្ករទឹកត្រី ទឹកស៊ីអ៊ីវ មី ទឹកក្រូច តែស្កសរ និងបច្ច័យនិងចែកក្រណាត់ស ថវិកាជូនយាយ-ជីតាជីសរុបថវិកាជាង១៩លានរៀល៕