កូនត្រី៣ម៉ឺនកូននិងកូនបង្កង២ម៉ឺនកូនត្រូវបានព្រលែងក្នុងទិវាមច្ឆាជាតិអាងទឹកត្រពាំងថ្ម ខេត្តបន្ទាយមានជ័យ
ក្នុងឱកាសទិវាមច្ឆាជាតិ ក្នុងអាងទឹកត្រពាំងថ្មនៅខេត្តបន្ទាយមានជ័យបានប្រារព្ធទិវាមច្ឆា ជាតិ បាននាំយកកូនត្រីចំនួន៣ម៉ឺនកូន កូនបង្កង២ម៉ឺនកូន ដើម្បីព្រលែងនៅក្នុងអាងទឹកត្រពាំងថ្ម បង្កើនធនធានជលផលនិងកាត់បន្ថយភាពក្រីក្ររបស់ប្រជាពលរដ្ឋ។
ក្នុង ឱកាសទិវានេះដែរ មានការចូលរួមពី ឯកឧត្តម អ៊ុង អឿន អភិបាលខេត្តបន្ទាយមានជ័យ លោក សុក សុភ័ក្ត្រ នាយខ័ណ្ឌរដ្ឋបាលជលផល ព្រមទាំងអង្គការគាំទ្រ និង អាជ្ញាធរស្រុក សមត្ថកិច្ចជុំវិញខេត្ត។
លោក សុក សុភ័ក្ត្រ នាយខ័ណ្ឌរដ្ឋបាលជលផលបានលើកឡើងថា ការប្រារឰទិវាមច្ឆាជាតិគឺបង្ហាញអោយឃើញពីការយកចិត្តទុកដាក់របស់ រាជរដ្ឋាភិបាលស្ដីពីវិស័យជលផលដើម្បីបង្កើនធនធានមច្ឆាជាតិ បន្ទាប់ពីរាជរដ្ឋាភិបាល ដែលមានសម្ដេចតេជោហ៊ុនសែន បានលុបឡូតិ៍នេសាទនិងបង្កើតតំបន់អភិរក្សពូជត្រី ដើម្បីអោយមានកំនើនត្រីនៅកម្ពុជាសំរាប់អោយប្រជានេសាទប្រកបរបរតាម លក្ខណៈគ្រួសារដើម្បីកាត់បន្ថយភាពក្រីក្រ។ ក្នុងនោះយើងឃើញថា ចាប់តាំងពីការកាត់ឡូតិ៍នេសាទកំនើនត្រីមានការកើនឡើង។ ជាមួយនិងការប្រារឰទិវាសរបញ្ជាក់អោយពលរដ្ឋយល់ដឹងក៏ដូចអង្គការ សង្គមស៊ីវិលផងដែរ ។
ឯកឧត្តម ឧបនាយករដ្ឋមន្ត្រី យឹម ឆៃលី ទទួលបន្ទុកអភិវឌ្ឍន៍ជនបទបានអោយដឹង ថាៈការបង្កើតបរិមាណត្រីធម្មជាតិតាមរយៈការការពារថែរក្សានិង ការទប់ស្កាត់បង្ក្រាប់បទល្មើសនេសាទនិងការជម្រុញពលរដ្ឋយល់ដឹងពី សារៈសំខាន់ការចិញ្ចឹមត្រីសហគមន៍ជាលក្ខណៈគ្រួសារនិងអាជីវកម្មនៅតាម គេហដ្ឋាននាភូមិឃុំនិងតាមកន្លែងធ្វើការងាររបស់អង្គភាពស្ថាប័ន ស៊ីវិលនិងកងកម្លាំងប្រដាប់អាវុធរបស់រដ្ឋគឺពលរដ្ឋចូលរួមចំណែក គ្រប់គ្រងធនធានជលផលភាពសំបូរឡើងវិញ។សហគមន៍នេសាទនិងអភិរក្សនេសាទ យលដឹងច្បាស់ជីវភាពធូរធារបានផលពីនេសាទនេះ ។
គួរ បញ្ជាក់ថា នេះជាលើកទី២ហើយ ដែលខេត្តបន្ទាយមានជ័យបានប្រារឰទិវាមច្ឆាជាតិនៅអាងទឹកត្រពាំងថ្ម ដែលជាតំបន់ប្រវត្តិសាស្ត្រសម័យ ប៉ុលពត ដែលប្រើពលរដ្ឋខ្មែរអោយជីកអាងនេះ ដែលបច្ចុប្បន្នអាងនេះបានប្រែក្លាយជាកន្លែងមច្ឆាជាតិនិងជា ប្រភពទឹកស្រោចស្រពវិស័យកសិកម្ម ។ ឯកឧត្តមសំនូមពរអោយពលរដ្ឋកុំនេសាទខុសច្បាប់ ៕