ខេត្តក្រចេះ ៖ ក្រុមប្រឹក្សាគណៈគ្រូពេទ្យខេត្ត បើកសន្និបាតបូកសរុបការងារអាណត្តិ២ឆ្នាំ លើកទី១ នៃអាណត្តិ៦ឆ្នាំ លើកទី២ កាលពីព្រឹកថ្ងៃទី៣១ កក្កដា ២០១២ នៅសាលប្រជុំមន្ទីរសុខាភិបាលខេត្តក្រោមអធិបតីភាពលោកសាស្ត្រាចារ្យវេជ្ជបណ្ឌិត ធា គ្រុយ រដ្ឋលេខាធិការក្រសួងសុខាភិបាលជាប្រធានក្រុមប្រឹក្សាគណៈគ្រូពេទ្យជាតិកម្ពុជា និងលោកសរ ចំរុង អភិបាលខេត្តក្រចេះ ។
មានប្រសាសន៍ក្នុងពិធីបើកអង្គសន្និបាតបូកសរុបការងារក្រុមប្រឹក្សាគណៈគ្រូពេទ្យខេត្តនាព្រឹកនោះ លោកសាស្ត្រាចារ្យវេជ្ជបណ្ឌិត ធា គ្រុយ ឱ្យដឹងថា ការបង្កើតក្រុមប្រឹក្សាគណៈគ្រូពេទ្យនេះឡើងក្នុងគោលបំណងប្រមូលផ្តុំគ្រូពេទ្យទាំងអស់ដែលមាននីតិសម្បទាគ្រប់គ្រាន់អាចប្រកបវិជ្ជាជីវៈវេជ្ជសាស្ត្រនៅព្រះរាជាណាចក្រកម្ពុជា ជាពិសេសដើម្បីឃ្លាំមើលការប្រព្រឹត្តទៅនៃបណ្តាគោលការណ៍សីលធម៌នានា ក្នុងការប្រកបវិជ្ជាជីវៈវេជ្ជសាស្ត្រឱ្យមានប្រសិទ្ធភាព និងនិរន្តរភាព ។ ដោយលោកបានលើកឡើងទៀតថា គណៈគ្រូពេទ្យខេត្តនៅមានកម្រិតមិនទាន់រឹងមាំនៅឡើយទេ ទាំងសមត្ថភាពក្រមសីលធម៌វិជ្ជាជីវៈ និងសេវាកម្មពិនិត្យ និងព្យាបាលជំងឺជូនប្រជាពលរដ្ឋ ដូច្នេះត្រូវខិតខំពង្រឹងសមត្ថភាពរបស់ខ្លួនបន្ថែមទៀត ដើម្បីបំពេញបេសកកម្មជូនជាតិលើវិស័យសុខាភិបាល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕