មន្ត្រីចុះបង្ក្រាបនៅទីនោះបាននិយាយថា សត្វព្រៃរស់ទាំងប្រាំប្រភេទ រួមមាន ពង្រួលបីក្បាល ទម្ងន់ ១៧,៥ គីឡូក្រាម, ពស់ថ្លាន់មួយក្បាល ទម្ងន់ ២,៧ គីឡូក្រាម, ត្រកួតមួយក្បាល ទម្ងន់ ៤ គីឡូក្រាម និងសំពោចមួយក្បាល ទម្ងន់ ៤ គីឡូក្រាម រួមទាំងម៉ូតូមួយគ្រឿង ក៏ត្រូវដកហូតផងដែរ។
គួរបញ្ជាក់ថា ចំណុចផ្ទះដែលសមត្ថកិច្ចចុះបង្ក្រាបនោះ គេឃើញមុខអ្នកជួញដូរសត្វព្រៃតែដដែលៗ។ ចំណែកស្ត្រីម្នាក់ត្រូវជាម្ចាស់ផ្ទះ ក៏អាចប្រឈមមុខនឹងច្បាប់ផងដែរ ប៉ុន្តែមិនត្រូវបានគេបញ្ចេញឈ្មោះឲ្យដឹងជាសាធារណៈឡើយ៕