នាព្រឹកថ្ងៃទី២១ ខែសីហា ឆ្នាំ២០១២ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ ក្នុងការផ្ដល់សេវាកម្មធនាគារ អេស៊ីលីដារ ភីអិលស៊ី បានចុះហត្ថលេខាលើ អនុស្សរណៈនៃការយោគយល់គ្នា ជាមួយ សម្រាប់ប្រតិបត្តិការលក់លតាមត្រពន្ធ លើមធ្យោបាយដឹកជញ្ជូន និងយានជំនិះគ្រប់ប្រភេទ ចំពោះទោចក្រយានយន្ដ និងត្រីចក្រយានយន្ដដោយ អនុវត្តសាកល្បងលើ ២៣ ខេត្ត និងរាជធានីភ្នំពេញ។
លោក ស៊ឹម អៀង មានប្រសាសន៍ថា នេះជាលើកទីមួយហើយ ដែលអគ្គនាយកដ្ឋានពន្ធដារ បានជ្រើសរើសយកធនាគារ អេស៊ីលីដារភី អិលស៊ី ធ្វើជាដៃគូរ ក្នុងការលក់លតាបត្រពន្ធលើ មធ្យោបាយដឹកជញ្ជូន និងយាន ជំនិះគ្រប់ប្រភេទ ចំពោះទោចក្រយានយន្ដនិងត្រីចក្រយានយន្ដ។ ហើយការជ្រើសរើសយក ធនាគារអេស៊ីលីដារធ្វើជាដៃគូរ គឺដោយសារធនាគារ មានបណ្ដាញប្រតិបត្តិការច្រើន និងភ្ជាប់ទំនាក់ទំនងគ្នាដោយប្រព័ន្ធទំនើបជឿនលឿននិងរៀបចំបានល្អនៅក្នុងប្រទេស ។ ឯកឧត្តម បានបញ្ជាក់ថាចំនួនទោចក្រយានយន្តនៅ កម្ពុជា មានប្រមានជាង ១លានគ្រឿងហើយការបង់ពន្ធសម្រាប់មធ្យោបាយដឹកជញ្ជូន និងយានជំនិះថ្មីនេះនឹងចាប់ផ្តើមអនុវត្តនៅដើមឆ្នាំ ២០១៣តទៅ។
ឯកឧត្តម គង់ វិបុល បានលើកឡើងថា ពិធីចុះហត្ថលេខាលើអនុស្សរណៈ នៃការយោគយល់គ្នានេះ និងបង្ហាញអោយឃើញកាន់តែច្បាស់អំ ពីសុឆន្ទៈនៃការប្រមូលប្រាក់ពន្ធប្រកបដោយតម្លាភាព និងភាពជំនឿទុកចិត្ត ពីសំណាក់អ្នកជាប់ពន្ធមកលើអគ្គនាយកដ្ឋានពន្ធដារ ក៏ដូចជារួមចំណែកជាមួយរាជរដ្ឋាភិបាលក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាក្នុងការទប់ស្ដាត់ និងលប់បំបាត់នូវអំពើពុករលួយតាមគ្រប់រូមភាពនិងបាតុភាពអសកម្មនានា តាមរយៈការប្រើ ប្រាស់សេវាកម្មរបស់ធនាគារអេស៊ីលីដារក្នុងការលក់លតាមត្រពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ ចំពោះទោចក្រយានយន្ដ និងត្រីចក្រយានយន្ដដែលជាការបង្កលក្ខណៈ ងាយស្រួលជូនអ្នកជាប់ពន្ធដោយមិនចាំបាច់ចំណាយពេលវេលាយូរនិងកាចំ ណាយ លើកម្រៃសេវាផ្សេងៗនោះទេ។
ឯកឧត្តមរដ្ឋលេខាធិការក្រសួងសេដ្ឋកិច្ច បានបញ្ជាក់ថានេះជាសក្ខីភាពថ្មីមួយទៀតសបញ្ជាក់ពីកិច្ចសហប្រតិបត្តិការគ្នាល្អ រវាងរាជរដ្ឋាភិ បាលនិងវិស័យឯកជន ក្នុងការរួមចំណែកអភិវឌ្ឍន៍សង្គមជាតិកម្ពុជាឈានឆ្ពោះទៅរកការរីកចម្រើនប្រកបដោយចីរភាព។
គួរបញ្ជាក់ផងដែរ ធនាគារអេស៊ីលីដារ ភីអិលស៊ីមានបណ្ដាញការិយាល័យប្រតិបត្តិការចំនួន២៣៧ទូទាំងព្រះរាជាណាចក្រកម្ពុជា និង២៤ ការិយាល័យ នៅប្រទេសឡាវជាមួយនិងទ្រព្យសកម្មសរុបចំនួន ១,៧៦ពាន់លានដុល្លាអាមេរិកនៅដំណាច់ខែកក្កដា ឆ្នាំ ២០១២។ធនាគារ អេស៊ីដារ ភីអិល ស៊ីមានក្រុមហ៊ុនបុត្រសម្ព័ន្ធចំនួន៣ គឺធនាគារ អេស៊ីលីដារ ឡាវលីមីធីត អេស៊ីលីដារ ស៊ីឃ្យូរឹធី ភីអិលស៊ី និងអេស៊ីលីដា ត្រេននីងសេនធ័រ ហើយបន្ដពង្រីកវិសាលភាពប្រតិបត្តិការនៅទៅប្រទេសមីយ៉ាន់ម៉ានិងនៅក្នុងតំបន់អាស៊ាននិងបណ្ដាប្រទេសនៅតាមដងទន្លេមេគង្គដ៏ទៃទៀត៕