ដោយ ៖ សុខ ខេមរា
ភ្នំពេញ ៖ កន្លងទៅពាក់ព័ន្ធទៅនឹងការរំលោភយកដីតំបន់ជុំវិញអាងស្ដុកទឹកបឹងធំ ឃុំដីឥដ្ឋ ស្រុកកៀនស្វាយ បានផ្ទុះជាជម្លោះម្ដងរួចមកហើយ ក្នុងនោះ ក៏ពាក់ព័ន្ធជាមួយអាជ្ញាធរ មន្ដ្រីជំនាញ ជាមួយនឹងក្រុមហ៊ុនមុំ មរកត អភិវឌ្ឍន៍ ក៏ដូចជាឈ្មោះបាន ប្រាក់ សុទ្ធតែជាអ្នក ដែលចេញមុខរៀបដី ធ្វើជាឯកសារប្រមូល ទិញដីពីប្រជាពលរដ្ឋ ខណៈដែលអាជ្ញាធរ ស្រុកកៀនស្វាយនៅពីក្រោយខ្នង ។
បន្ទាប់ពីស្ងាត់ស្ងៀមមួយរយៈ ក្រុម អ្នករៀបចំដីដូចជាឈ្មោះបាន ប្រាក់ និង ក្រុមហ៊ុនមុំ មរកត អភិវឌ្ឍន៍ ដែលធ្លាប់ តែជម្លោះរឿងដណ្ដើមដីបឹងជាមួយនឹង ឧកញ៉ាយូ សាន នោះ បានក្លាយទៅជា ជម្លោះមើលមុខគ្នាមិនចំកើតឡើងដោយ សារតែបញ្ហាទូទាត់លុយមិនត្រូវរូវគ្នា ទើបថ្មីៗនេះលោកស័ក្ដិ៥ បាន ប្រាក់ ប្រើ ប្រាស់មនុស្សជាច្រើននាក់ឱ្យមកការពារ ពេលពួកខ្លួនបានធ្វើរបងបិទផ្លូវសាធា រណៈរបស់ប្រជាពលរដ្ឋ ។ ប៉ុន្ដែករណី នេះ បាន ប្រាក់ ធ្វើគ្រាន់តែជាមធ្យោ បាយមួយសម្រាប់ឱ្យក្រុមហ៊ុនមុំ មរកត អភិវឌ្ឍន៍មកចរចាដើម្បីប្រគល់ប្រាក់ គ្រប់ចំនួនតែប៉ុណ្ណោះ ។
តាមការឱ្យដឹងពីផ្ទៃក្នុងក្រុមហ៊ុនមុំ មរកត អភិវឌ្ឍន៍ ដែលបានទិញដីបឹងពី ឈ្មោះបាន ប្រាក់ គឺមិនទាន់ទូទាត់ប្រាក់ គ្រប់ចំនួន ។ ប៉ុន្ដែគ្រប់ក្រុមហ៊ុន មុំ មករត អភិវឌ្ឍន៍ បែរជាយកដីនេះទៅលក់ឱ្យ ក្រុមហ៊ុនផ្សេងទៀត ទើបធ្វើឱ្យលោកស័ក្ដិ ៥ បាន ប្រាក់ ក្ដៅស្លឹកត្រចៀក មិនព្រម ទៅបង្ហាញព្រំប្រទល់ដីឱ្យក្រុមហ៊ុនមុំ មរកត និងបង្កើតសកម្មភាពធ្វើរបង ព័ទ្ធផ្លូវសាធារណៈ ដើម្បីឱ្យក្រុមហ៊ុនមុំ មរកត អភិវឌ្ឍន៍ ដែលបម្រុងលក់ដីទៅ ឱ្យក្រុមហ៊ុនផ្សេងទៀតស្ទះ បើសិនជាមិន បានប្រគល់ប្រាក់ឱ្យខ្លួនគ្រប់ចំនួននោះ។
ករណីជម្លោះដណ្ដើមដីតំបន់ជុំវិញ អាងស្ដុកទឹកបឹងធំ នៅឃុំដីឥដ្ឋ ស្រុក កៀនស្វាយ គឺជាល្បែងល្បិចទល់នឹងល្បិច ដែលពេលនេះទាំងប្រជាពលរដ្ឋ ទាំង បាន ប្រាក់ បានលើកឡើងពីបញ្ហាក្រុមហ៊ុន មុំ មរកត អភិវឌ្ឍន៍ ថា មិនទាន់ទូទាត់ ថ្លៃដីជូនប្រជាពលរដ្ឋ និងពួកគេអស់ផង បែរជានាំគ្នាលួចមកចុះវាស់វែងស្ងាត់ៗ ដើម្បីលក់ឱ្យទៅក្រុមហ៊ុនផ្សេង ទៀត និងជាប់ពាក់ព័ន្ធជាមួយដីប្រជាពលរដ្ឋ ជាង៤០ហិកតាថែមទៀត ។
ពាក់ព័ន្ធការចុះវាស់វែងដីពីសំណាក់ ក្រុមហ៊ុនមុំ មរកត អភិវឌ្ឍន៍ កាលពីពេល ថ្មីៗនេះ អាជ្ញាធរភូមិ-ឃុំ-ស្រុកកៀនស្វាយ មិនមានវត្ដមានចូលរួមវាស់វែងនោះ ទេ ដោយក្រុមហ៊ុនមុំ មរកត អភិវឌ្ឍន៍ ចុះវាស់វែងស្ងាត់ៗ ខ្លាចប្រជាពលរដ្ឋទារ ប្រាក់ និងកើតជារឿងវិវាទជាមួយលោក ស័ក្ដិ៥ បាន ប្រាក់ ដែលកន្លងទៅមិនទាន់ ទូទាត់ប្រាក់រួចរាល់ជាមួយគ្នានោះ ។
ទាំងលោកស័ក្ដិ៥ បាន ប្រាក់ ទាំងក្រុមហ៊ុនមុំ មរកត អភិវឌ្ឍន៍ បើទោះជាពេលនេះអ្នកទាំង២បានប្រេះឆាមិនចុះ សម្រុងនឹងគ្នារឿងករណីរៀបចំដីបឹងដើម្បី ធ្វើជាកម្មសិទ្ធិ ហើយក្លាយទៅជាប្រទាញ ប្រទង់គ្នាក៏អ្នកទាំង២សុទ្ធតែគ្រប់គ្រងទៅ លើដីបឹងមិនស្របច្បាប់ ពីព្រោះតាម ច្បាប់ភូមិបាល បឹង បួរ ទន្លេ ស្ទឹង ជា ដើម មិនអាចក្លាយទៅជាកម្មសិទ្ធិបាន នោះឡើយ។ ដូច្នេះពេលដែលឈ្មោះបាន ប្រាក់ ធ្លាប់ចេញមុខរៀបចំដីបឹងយកមក លក់ឱ្យក្រុមហ៊ុនមុំ មរកត អភិវឌ្ឍន៍ ដែលមានអាជ្ញាធរស្រុកកៀនស្វាយ កាល នោះ មានលោកកុល សំអុល ជាអភិ បាលស្រុក ដែលបច្ចុប្បន្នជាអភិបាលរង ខេត្ដនៅពីក្រោយខ្នងនោះ កឺជារឿងមិន ស្របច្បាប់ ហើយពេលដែលក្រសួងធន ធានទឹក ក៏ដូចជាថ្នាក់លើកំពុងតាមដាន ក្នុងរឿងនេះ បែរជាអ្នកទាំង២រួមទាំង អាជ្ញាធរផងស្ងប់ស្ងាត់មួយរយៈ។ ប៉ុន្ដែ លេចឮថា ក្រុមហ៊ុនមុំ មរកត អភិវឌ្ឍន៍ ព្យាយាមលក់ដីបឹងនេះទៅឱ្យក្រុមហ៊ុន ផ្សេង បែរជាលោកស័ក្ដិ៥ បាន ប្រាក់ ចាប់ផ្ដើមរៀបចំបង្កើតជាសកម្មភាព ធ្វើរបងបិទផ្លូវឱ្យរាំងស្ទះ ប្រជាពលរដ្ឋ ជាង៤០គ្រួសារនៅភូមិពពាលខែល ឃុំ ដីឥដ្ឋ ក៏ចាប់ផ្ដើមចោទប្រកាន់ថា ក្រុម ហ៊ុនមុំ មរកត អភិវឌ្ឍន៍ ដែលកំពុងវាស់ ដីលក់ឱ្យក្រុមហ៊ុនផ្សេងក៏ប៉ះដីកម្មសិទ្ធិ របស់ពួកគាត់ ។
សូមបញ្ជាក់ថា ក្រុមហ៊ុនមុំ មរកត អភិវឌ្ឍន៍ ពេលដែលចុះវាស់វែងដី និង ប៉ះពាល់ទៅលើដីប្រជាពលរដ្ឋជាង៤០ ហិកតា គឺគាត់ប្រើតែដៃជើងរបស់គាត់ ៣-៤នាក់ យកម៉ាស៊ីន GPS ចុះវាស់ វែងដីប្រមាណ២០០ហិកតាយ៉ាងប្រញាប់ ប្រញាល់ ដើម្បីផ្ទេរសិទ្ធិលក់ទៅឱ្យក្រុម ហ៊ុនផ្សេង ។ ប៉ុន្ដែរឿងនេះ ក្រុមហ៊ុនមុំ មរកត អភិវឌ្ឍន៍ដីធ្លីក៏មិនរំពឹងថា ជោគ ជ័យក្នុងការលក់ ព្រោះជាដីអាងស្ដុកទឹក បឹងធំ ដែលពាក់ព័ន្ធទៅនឹងអាជ្ញាធរ និង មន្ដ្រីជំនាញផងដែរ ដែលពុករលួយផ្ដល់ សិទ្ធិឱ្យទៅឯកជនគ្រប់គ្រងកន្លងទៅ ។
លោកស៊ុន តូ មេឃុំដីឥដ្ឋបានឱ្យដឹងថា ករណីដីបឹងដែលគ្រប់គ្រងដោយក្រុម ហ៊ុនមុំ មរកត អភិវឌ្ឍន៍ ជាដីកម្មសិទ្ធិ ស្របច្បាប់ ឬមិនស្របច្បាប់ ក្នុងនាម លោកជាអជ្ញាធរមិនបានដឹងទេ ព្រោះ កន្លងទៅគេធ្វើលិខិតគ្រប់គ្រង និងផ្ទេរ សិទ្ធិមិនឆ្លងឃុំ គឺធ្វើសុទ្ធតែខាងថ្នាក់លើ ដូច្នេះលោកមិនដឹងថា រឿងដីបឹងនេះទៅ យ៉ាងម៉េចទៀតទេ ។
ដោយឡែកលោកអំ សំរិទ្ធ ប្រធាន ការិយាល័យរៀបចំដែនដី នគរូបនីយ កម្ម សំណង់ និងភូមិបាល ស្រុកកៀន ស្វាយ បានឱ្យនគរវត្ដដឹងតាមទូរស័ព្ទ កាលពីរសៀលថ្ងៃទី២២ ខែសីហា ឆ្នាំ ២០១២ថា រឿងដីតំបន់ជុំវិញអាងស្ដុក ទឹកបឹងធំ ឃុំដីឥដ្ឋ ដីមួយចំនួនជាដីរបស់ ក្រុមហ៊ុនមុំ មរកត អភិវឌ្ឍន៍ មួយចំនួន ជារបស់ប្រជាពលរដ្ឋ និងដីបឹងមួយចំនួន ទៀតតាមគោលការណ៍របស់សម្ដេច តេជោប្រកាសឱ្យបែងចែកជូនប្រជាពល រដ្ឋនោះ ជំនាញក៏បានប្រគល់ឱ្យប្រជាពល រដ្ឋ ប៉ុន្ដែរឿងគ្រប់គ្រងដីបឹង គឺមិនបាន ដាច់ខាត ។ លោកបន្ដថា រឿងថា ក្រុម ហ៊ុនមុំ មរកត អភិវឌ្ឍន៍ គ្រប់គ្រងដី ចំនួនប៉ុនណាពិតប្រាកដ ប៉ះពាល់ដីបឹង ឬយ៉ាងណានោះ មានតែសួរនាំទៅខាង អភិបាលស្រុក ពីព្រោះខាងស្រុកជាអ្នក ចុះហត្ថលេខាលើកំណត់ហេតុ និងកិច្ច សន្យាកំណត់បង្ហាញដីធ្លី ។
លោកហេង ធៀម អភិបាលស្រុក កៀនស្វាយក៏បានឱ្យនគរវត្ដដឹងតាម ទូរស័ព្ទថា បញ្ហាដែលឈ្មោះបាន ប្រាក់ ទៅធ្វើរបងលើផ្លូវសាធារណៈដែលប្រជា ពលរដ្ឋប្រើប្រាស់ លោកមានចំណាត់ការ រួចហើយ ប៉ុន្ដែករណីវិវាទរវាងក្រុមហ៊ុន មុំ មរកត អភិវឌ្ឍន៍ ជាមួយលោកបាន ប្រាក់ បញ្ហាផ្ទៃក្នុងនោះជារឿងផ្សេង ។ លោកអភិបាលបន្ដថា ចំពោះដីតំបន់ជុំ វិញអាងស្ដុកទឹកបឹងធំ នៅឃុំដីឥដ្ឋមិន ទាន់ក្លាយទៅជាកម្មសិទ្ធិរបស់អ្នកណា ម្នាក់នោះទេ ដោយដីនេះមួយផ្នែកនៃបឹង ជាដីរបស់ប្រជាពលរដ្ឋ ហើយកន្លងទៅ ថ្នាក់ជាតិមិនទាន់កំណត់អំពីការឱ្យគ្រប់ គ្រងដីបឹងនោះកម្រិតណា លោកក៏មិនឱ្យ មានករណីធ្វើប័ណ្ណកម្មសិទ្ធិ ។ ប៉ុន្ដែអ្នក ដែលគ្រប់គ្រងកន្លងមកអាចប្រើប្រាស់ បានធម្មតា ។
លោកអភិបាលស្រុកបញ្ជាក់ទៀតថា ចំពោះការលេចឮថា ក្រុមហ៊ុនមុំ មរកត អភិវឌ្ឍន៍ បានលក់ដីបឹង គឺជាសិទ្ធិរបស់ គេ ប៉ុន្ដែរឿងនេះវាគ្រាន់តែជាការគិតគូរ ពិភាក្សាគ្នាផ្ទៃក្នុងក៏ថាបាន ហើយអាជ្ញា ធរក៏មិនផ្ទេរកម្មសិទ្ធិពាក់ព័ន្ធនឹងដីបឹងឱ្យ ទៅអ្នកណាគ្រប់គ្រងនោះឡើយ ។
ក្រុមហ៊ុនមុំ មរកត អភិវឌ្ឍន៍ដីធ្លី កន្លងទៅបានប្រើប្រាស់ឈ្មោះបាន ប្រាក់ ជាអ្នករៀបចំដី ជាអ្នកយកលុយទៅចំណាយ ជាមួយអាជ្ញាធរ មន្ដ្រីជំនាញ ដើម្បីគ្រប់ គ្រងដីបឹង និងមានបញ្ហាវិវាទផងដែរ ជាមួយឧកញ៉ាយូ សាន ។ ប៉ុន្ដែក្រោយ មកចរចាគ្នាត្រូវ ទិញដីផ្លូវពីឧកញ៉ា យូ សាន ក៏ពួកគេធ្វើផ្លូវដើម្បីបុកទៅកាន់ ដីបឹង រួចធ្វើជាបណ្ណកម្មសិទ្ធក្នុងគោល បំណងលក់ដីបឹងនេះទៅឱ្យក្រុមហ៊ុនផ្សេង ប៉ុន្ដែរវាងក្រុមហ៊ុនមុំ មរកត អភិវឌ្ឍន៍ និងបាន ប្រាក់ បានបែកបាក់សាមគ្គីគ្នា ទើបបែកធ្លាយរឿងរត់ការគ្រប់គ្រងដីបឹង មិនប្រក្រតី ទាំងមំំុ មរកត ទាំងឈ្មោះ បាន ប្រាក់ និងគូកន រួមទាំងអាជ្ញាធរ ស្រុកផងដែរកំពុងអង្គុយមិនសុខបក់មិន ល្ហើយ ខ្លាចថ្នាក់លើស្រាវជ្រាវរឿងលក់ ដីបឹងនេះ រហូតដល់ស្ងាត់ស្ងៀមមួយរយៈ ទៅហើយ បែរជាលេចឮថា ក្រុមហ៊ុន មុំ មរកត អភិវឌ្ឍន៍ដីធ្លី លក់ទៅឱ្យក្រុមហ៊ុន ផ្សេងទៀត ធ្វើឱ្យបាន ប្រាក់ បង្កើតជា បញ្ហា ដើម្បីឱ្យក្រុមហ៊ុនមុំ មរកត អភិ វឌ្ឍន៍ មកទូទាត់ប្រាក់ថ្លៃរៀបចំដីបឹងលក់ ឱ្យកន្លងទៅទាំងលោតឆត្រនោះ ។
ក្រុមហ៊ុនមុំ មរកត អភិវឌ្ឍន៍ដីធ្លី កន្លងទៅបានប្រើប្រាស់ឈ្មោះបាន ប្រាក់ ជាអ្នករៀបចំដី ជាអ្នកយកលុយទៅចំណាយ ជាមួយអាជ្ញាធរ មន្ដ្រីជំនាញ ដើម្បីគ្រប់ គ្រងដីបឹង និងមានបញ្ហាវិវាទផងដែរ ជាមួយឧកញ៉ាយូ សាន ។ ប៉ុន្ដែក្រោយ មកចរចាគ្នាត្រូវ ទិញដីផ្លូវពីឧកញ៉ា យូ សាន ក៏ពួកគេធ្វើផ្លូវដើម្បីបុកទៅកាន់ ដីបឹង រួចធ្វើជាបណ្ណកម្មសិទ្ធក្នុងគោល បំណងលក់ដីបឹងនេះទៅឱ្យក្រុមហ៊ុនផ្សេង ប៉ុន្ដែរវាងក្រុមហ៊ុនមុំ មរកត អភិវឌ្ឍន៍ និងបាន ប្រាក់ បានបែកបាក់សាមគ្គីគ្នា ទើបបែកធ្លាយរឿងរត់ការគ្រប់គ្រងដីបឹង មិនប្រក្រតី ទាំងមំំុ មរកត ទាំងឈ្មោះ បាន ប្រាក់ និងគូកន រួមទាំងអាជ្ញាធរ ស្រុកផងដែរកំពុងអង្គុយមិនសុខបក់មិន ល្ហើយ ខ្លាចថ្នាក់លើស្រាវជ្រាវរឿងលក់ ដីបឹងនេះ រហូតដល់ស្ងាត់ស្ងៀមមួយរយៈ ទៅហើយ បែរជាលេចឮថា ក្រុមហ៊ុន មុំ មរកត អភិវឌ្ឍន៍ដីធ្លី លក់ទៅឱ្យក្រុមហ៊ុន ផ្សេងទៀត ធ្វើឱ្យបាន ប្រាក់ បង្កើតជា បញ្ហា ដើម្បីឱ្យក្រុមហ៊ុនមុំ មរកត អភិ វឌ្ឍន៍ មកទូទាត់ប្រាក់ថ្លៃរៀបចំដីបឹងលក់ ឱ្យកន្លងទៅទាំងលោតឆត្រនោះ ។
ពាក់ព័ន្ធបញ្ហាដណ្ដើមដីបឹងខាងលើ នគរវត្ដមិនអាចទាក់ទងបានទេពីភាគី ក្រុមហ៊ុនមុំ មរតក អភិវឌ្ឍដីធ្លី និងលោក ស័ក្ដិ៥ បាន ប្រាក់ នៅឡើយទេកាលពី រសៀលថ្ងៃទី២២ខែសីហាឆ្នាំ២០១២ ដោយគ្មានទូរស័ព្ទទាក់ទង ៕