ខេត្ដបន្ទាយមានជ័យ ៖ នៅថ្ងៃទី២១ខែសីហាឆ្នាំ២០១២ ក្រុមយុវជនស្ម័គ្រចិត្ដរបស់សម្ដេចតេជោ ដែលប្រចាំនៅខេត្ដបន្ទាយមានជ័យដឹកនាំ ដោយលោក រុន តូ បាននាំយកអំណោយផ្ទាល់ខ្លួន និងអំណោយរបស់សម្ដេចព្រះមហាអារិយវង្ស សៅ ច័ន្ទថុលទៅចែក ជូនដល់ក្រុមគ្រួសារកំពុងជួបប្រទះការខ្វះខាត និងវត្ដមួយចំនួន៤ មានវត្ដក្បាលទន្សោង, វត្ដធ្លក, វត្ដប្រាសាទត្បែង ឋិតនៅក្នុងឃុំបន្ទាយឆ្មា និងវត្ដទន្សាយចារាម ឋិតនៅក្នុងឃុំគោករមៀត ស្រុកថ្មពួក ខេត្ដបន្ទាយមានជ័យ ។ វត្ដ នីមួយៗទទួលបានថវិកា១០ម៉ឺនរៀល ច្បង់ចីវរ២សម្រាប់ សៀវភៅធម៌២០ក្បាល ទឹកដោះគោ១៥កំប៉ុង ត្រីខ១២ កំប៉ុង អូវ៉ាន់ទិន៤កែវ ។ ចំពោះគ្រួសារក្រីក្រចំនួន៤ ក្នុង១គ្រួសារៗទទួលបានថវិកា៥ម៉ឺនរៀល អង្ករ ត្រីខ មី ទឹកស៊ីអ៊ីវ ទឹកត្រី ក្នុងនោះគ្រួសារ១ទទួលបានថវិកាថវិកាបន្ថែម១១ម៉ឺនរៀល ។
បន្ទាប់មកក្រុមយុវជនបានប្រគេនបច្ច័យដល់វត្ដក្បាលទន្សោង២០ម៉ឺនរៀល សម្រាប់ទិញមុង ភួយ និងអង្រឹង សម្រាប់ ព្រះសង្ឃសឹងផងដែរ ។
លោក រុន តូ បានឱ្យដឹងថា នេះគឺជាការលះបង់ក្នុងការគិតគូររបស់ក្រុមយុវជនសម្ដេចតេជោក្នុងការកាត់បន្ថយភាព ក្រីក្ររបស់ប្រជាពលរដ្ឋ ពិសេសគ្រួសារដែលមានភាពខ្វះខាតក្នុងជីវភាព ។ ថ្វីត្បិតតែអំណោយនិងថវិកាមានភាព តិចតួច តែអាចជួយសម្រួលដល់ជីវភាពប្រចាំថ្ងៃរបស់ពួកគាត់បានមួយរយៈពេលដែរ ទំរាំពួកគាត់អាចប្រកបរបរ ចិញ្ចឹមជីវិតប្រចាំថ្ងៃបានធូរធារ ។ ជាមួយលោក រុន តូ ក៏បានផ្ដាំផ្ញើដល់បងប្អូនគ្រួសារក្រីក្រទាំងនោះអប់រំកូនឱ្យ មានអនាម័យ ពិសារទឹកឆ្អិន និងសម្រាកក្នុងមុងជានិច្ច ជៀសវាងសត្វមូសខាំនាំឱ្យមានជំងឺ ៕
លោក រុន តូ បានឱ្យដឹងថា នេះគឺជាការលះបង់ក្នុងការគិតគូររបស់ក្រុមយុវជនសម្ដេចតេជោក្នុងការកាត់បន្ថយភាព ក្រីក្ររបស់ប្រជាពលរដ្ឋ ពិសេសគ្រួសារដែលមានភាពខ្វះខាតក្នុងជីវភាព ។ ថ្វីត្បិតតែអំណោយនិងថវិកាមានភាព តិចតួច តែអាចជួយសម្រួលដល់ជីវភាពប្រចាំថ្ងៃរបស់ពួកគាត់បានមួយរយៈពេលដែរ ទំរាំពួកគាត់អាចប្រកបរបរ ចិញ្ចឹមជីវិតប្រចាំថ្ងៃបានធូរធារ ។ ជាមួយលោក រុន តូ ក៏បានផ្ដាំផ្ញើដល់បងប្អូនគ្រួសារក្រីក្រទាំងនោះអប់រំកូនឱ្យ មានអនាម័យ ពិសារទឹកឆ្អិន និងសម្រាកក្នុងមុងជានិច្ច ជៀសវាងសត្វមូសខាំនាំឱ្យមានជំងឺ ៕