ដោយ ៖ សាគុណ
ភ្នំពេញ ៖ លោករដ្ឋមន្ត្រី ខៀវ កាញារីទ្ធ រដ្ឋមន្ត្រីក្រសួងព័ត៌មានអញ្ជើញជាអធិបតីក្នុងវេទិកាតុមូល ស្តីពីដំណើរឆ្ពោះទៅកាន់សហគមន៍សេដ្ឋកិច្ចអាស៊ាន ឆ្នាំ២០១៥ ដែលរៀបចំឡើងដោយក្លឹបអ្នកកាសែតកម្ពុជា ក្រោមការឧបត្ថម្ភគាំទ្រពីមូលនិធិខុនរ៉ាដអាដេ ណៅអ៊ែរ នាព្រឹកថ្ងៃទី២២ សីហា ឆ្នាំ២០១២ នៅសណ្ឋាគារសាន់វេ ដោយមានការចូលរួមពីសំណាក់លោក សុក ស៊ីផាន់ណា ទីប្រឹក្សាក្រសួងការបរទេស និងសហប្រតិបត្តិការ អន្តរជាតិ និងជាអ្នកជំនាញផ្នែកសេដ្ឋកិច្ច ។
លោក Denis Schrey តំណាងមូលនិធិខុនរ៉ាដអាដេណៅអ៊ែរ ប្រចាំកម្ពុជា បានថ្លែងថា ទស្សនវិស័យរបស់សហភាពអឺរ៉ុប ក្នុងការងារផ្នែកពលកម្ម ការធ្វើចំណាកស្រុកពីប្រទេសមួយទៅប្រទេសមួយ គឺជួបបញ្ហាដោយសារតែសហភាពអឺរ៉ុបមានភាសាចំនួន២៣ ដែលទាមទារឲ្យពលករចំណាកស្រុកត្រូវចេះភាសាទៅតាមប្រទេសនីមួយៗ ។ ទន្ទឹមនោះ ដែលសហភាពអឺរ៉ុបមិនបានទទួលស្គាល់សញ្ញាបត្រជាសកលនោះទេ គឺទទួលស្គាល់តែ ក្នុងប្រទេសរបស់ខ្លួននីមួយៗតែប៉ុណ្ណោះ ហើយអ្នកនយោបាយមួយចំនួននៅតែយកពល ករធ្វើជាប្រធានបទក្នុងការដោះស្រាយលើបញ្ហាទីផ្សារពលកម្ម ដើម្បីជាឧបករណ៍នយោ បាយធ្វើការវាយប្រហារទៅលើគណបក្សផ្សេងៗ ។ លោក Denis Schrey បានបញ្ជាក់ថា បណ្តាប្រទេសអាស៊ាន ក៏កំពុងឈានទៅរកការចរាចរការងារខ្ពស់ទាំងកម្លាំងពលកម្ម ដែល មានជំនាញ និងគ្មានជំនាញ ដែលទាមទារឲ្យបណ្តាប្រទេសនីមួយៗត្រូវគិតគួរខ្ពស់អំពីកិច្ច ការងារទាំងឡាយនេះមុនឈានចូលទៅសហគមន៍សេដ្ឋកិច្ចអាស៊ានឆាំ្ន២០១៥ ។
លោក សុក ស៊ីផាន់ណា ទីប្រឹក្សាក្រសួងការបរទេសកម្ពុជា និងជាអ្នកជំនាញផ្នែក សេដ្ឋកិច្ច ក៏បានលើកឡើងនៅក្នុងវេទិកាតុមូលនោះថា ឱកាសនិងបញ្ហាប្រឈម សម្រាប់ ពលករកម្ពុជា ដែលមានជំនាញ និងគ្មានជំនាញ ក្នុងពេលឈានចូលសហគមន៍អាស៊ាន ឆ្នាំ២០១៥ នោះ ដោយលំហូរសេវាកម្មទៅក្នុងតំបន់អាស៊ានដែលពីមុនកម្ពុជាបានជួលអ្នក ជំនាញបច្ចេកទេសក្នុងវិស័យផ្សេងៗមកធ្វើការងារឲ្យ តែបច្ចុប្បន្នយើងពិនិត្យឃើញថា កម្ពុជាមានអ្នកជំនាញជាច្រើន បំពេញការងារធំៗដោយខ្លួនឯង ដោយមិនបាច់ជួលមកពីប្រ ទេសផ្សេងៗទៀតទេ ប៉ុន្តែទោះជាយ៉ាងណាក៏កម្ពុជានៅតែប្រឈមការខ្វះខាតបទពិសោធ ន៍ និងមិនទាន់មានស្តង់ដារ ហើយក៏មិនទាន់ស្ថាប័នណាមួយទទួលស្គាល់ពីគុណភាពជា អន្តរជាតិនៅឡើយ ដែលប្រការមួយប្រឈមទៅនឹងការស្វែងរកការងារធ្វើនៅប្រទេសដទៃ នៅក្នុងអាស៊ាន ។
លោក សុក ស៊ីផាន់ណា ទីប្រឹក្សាក្រសួងការបរទេសកម្ពុជា និងជាអ្នកជំនាញផ្នែក សេដ្ឋកិច្ច ក៏បានលើកឡើងនៅក្នុងវេទិកាតុមូលនោះថា ឱកាសនិងបញ្ហាប្រឈម សម្រាប់ ពលករកម្ពុជា ដែលមានជំនាញ និងគ្មានជំនាញ ក្នុងពេលឈានចូលសហគមន៍អាស៊ាន ឆ្នាំ២០១៥ នោះ ដោយលំហូរសេវាកម្មទៅក្នុងតំបន់អាស៊ានដែលពីមុនកម្ពុជាបានជួលអ្នក ជំនាញបច្ចេកទេសក្នុងវិស័យផ្សេងៗមកធ្វើការងារឲ្យ តែបច្ចុប្បន្នយើងពិនិត្យឃើញថា កម្ពុជាមានអ្នកជំនាញជាច្រើន បំពេញការងារធំៗដោយខ្លួនឯង ដោយមិនបាច់ជួលមកពីប្រ ទេសផ្សេងៗទៀតទេ ប៉ុន្តែទោះជាយ៉ាងណាក៏កម្ពុជានៅតែប្រឈមការខ្វះខាតបទពិសោធ ន៍ និងមិនទាន់មានស្តង់ដារ ហើយក៏មិនទាន់ស្ថាប័នណាមួយទទួលស្គាល់ពីគុណភាពជា អន្តរជាតិនៅឡើយ ដែលប្រការមួយប្រឈមទៅនឹងការស្វែងរកការងារធ្វើនៅប្រទេសដទៃ នៅក្នុងអាស៊ាន ។
លោករដ្ឋមន្ត្រី ខៀវ កាញារីទ្ធ បានថ្លែងថា វេទិកាតុមូលស្តីពី ដំណើរឆ្ពោះទៅកាន់ សហគមន៍សេដ្ឋកិច្ចអាស៊ាន ឆ្នាំ២០១៥ ដែលចាប់ពីអ្នកសារព័ត៌មាន គឺជាគំនិតដ៏ល្អបំផុត ព្រោះថាអ្នកសារព័ត៌មាន ត្រូវការចាំបាច់ផ្សព្វផ្សាយអំពីការយល់ដឹង និងបញ្ហាផ្សេងៗ ដល់ប្រជាពលរដ្ឋ និងមហាជនទូទៅឲ្យបានយល់ជ្រួលជ្រាប ។
លោករដ្ឋមន្ត្រីបានលើក ឡើងថា តាំងពីមុនមកលោកបានស្នើសុំឲ្យមូលនិធិខុនរ៉ាដអាដេណៅអ៊ែរ ឧស្សារៀបចំនូវ កម្មវិធី ដែលទាក់ទងទៅនឹងសហគមន៍សេដ្ឋកិច្ចអាស៊ាននេះ ឲ្យបានច្រើន ដើម្បីឲ្យប្រជា ជន និងមន្ត្រីរាជការយើងបានយល់ថាអ្វីទៅដែលហៅថាសហ គមន៍សេដ្ឋកិច្ចអាស៊ាន និង ឲ្យបានដឹងពីការលំបាក និងការងាយស្រួល ព្រមទាំងកាលានុ វត្តភាពរបស់អាស៊ាននេះ ។ ឥឡូវនេះមូលនិធិខុនរ៉ាដអាដេណៅអ៊ែរ បានធ្វើមែន ហើយធ្វើ បានចំគោលដៅល្អណាស់ ដោយបានចាប់ផ្តើមពីអ្នកសារព័ត៌មាន ព្រោះថានៅឆ្នាំ២០១៥ យើងនឹងក្លាយជាសហគមន៍ អាស៊ានតែមួយ និងមានទីផ្សារការងារគ្មានព្រំដែន ដែលតម្រូវ ឲ្យយើងខិតខំពង្រឹងសមត្ថ ភាព និងចំណេះដឹង ដើម្បីប្រកួតប្រជែងជាប្រទេសសមាជិកអា ស៊ានទាំងអស់ ។ លោក រដ្ឋមន្ត្រីបានបន្តថា បច្ចុប្បន្នរាជរដ្ឋាភិបាលកំពុងតែមានការព្រួយបារម្ភកម្លាំងពលកម្មនៅ តាមចំការកៅស៊ូ ព្រោះថានៅពេលខាងមុខនេះចំការកៅស៊ូនៅកម្ពុជា ត្រូវការកម្មករជា ច្រើនសែននាក់ដើម្បីធ្វើការនៅក្នុងការជៀជ័រ និងសេវាកម្មផ្សេងៗ។
លោករដ្ឋមន្ត្រីបានបញ្ជាក់ថា នៅពេលសហគមន៍អាស៊ានត្រូវបានបង្កើតឡើងនោះ យើងជៀសមិនផុតពីបញ្ហាជាតិនិយម និងការចង្អៀតចង្អល់ជាមិនខាន ដូច្នេះយើងត្រូវតែប្រុងប្រយ័ត្នខ្ពស់ ដើម្បីសម្របសម្រួល និងបកស្រាយតាមរយៈការផ្សព្វផ្សាយរបស់អ្នកសារព័ត៌ មានឲ្យគេបានយល់ដឹង ។ នាឱកាសនោះដែរលោករដ្ឋមន្ត្រីក៏បានស្នើដល់សមាគមអ្នក សារព័ត៌មានកម្ពុជា រួមគ្នាជាសម្លេងតែមួយ ដើម្បីធ្វើការសហការជាមួយសមាគមសារព័ត៌ មានអាស៊ាន និងធ្វើការសិក្សាស្វែងយល់ពីកិច្ចការងារទូទៅរបស់អាស៊ាន ដើម្បីយកមក ផ្សព្វផ្សាយជូនប្រជាពលរដ្ឋបានដឹង និងធ្វើឲ្យយុវជនជាសិស្ស និងនិស្សិតត្រៀមខ្លួនចំពោះ អ្វីដែលកើតមានពេលចូលសហគមន៍សេដ្ឋកិច្ចអាស៊ាន ៕
