លោក ឃួង ស្រេង អភិបាលរងរាជធានីភ្នំពេញបានឲ្យដឹងថា គម្រោងសាងសង់ស្ពាន អាកាស ទី៣ ស្ទឹងមានជ័យ គ្រោងនឹងបើកការ ដ្ឋានស្ថាបនាឱ្យបាននាដើមខែកញ្ញា ឆ្នំា២០១២ខាង មុខនេះ ដើម្បីជួយរំដោះចរាចរ ដែលតែងតែមានការកកស្ទះចរាចរ ជារាងរាល់ថ្ងៃ នៅតំបន់ នោះ ដែលបង្កឱ្យមាន ផលលំបាក ដល់បងប្អូនប្រជាពលរដ្ឋ ធ្វើដំណើរប្រកបអាជីវកម្មប្រចាំថ្ងៃនោះ។ ស្ពានអាកាសទី៣ស្ទឹង មានជ័យ គ្រោងចំណាយថវិកាអស់ ចំនួន១៧ លានដុល្លារអាមេរិក ដែលជាថវិការបស់ សាលារាជ ធានីភ្នំពេញ ក្នុងការជួលដីធ្វើអាជីវកម្ម នៅតំបន់ ជ្រោយចង្វារបស់ ក្រុមហ៊ុនOCIC។
នៅក្នុងកិច្ចប្រជុំពិភាក្សាដោះស្រាយផលប៉ះពាល់ នៃគម្រោងស្ថាបនាស្ពានអាកាសស្ទឹងមាន ជ័យដែលមានប្រជាពលរដ្ឋរងផលប៉ះ ពាល់ ក្នុងខណ្ឌមានជ័យចំនួន៦គ្រួសារ ចូលរួមផងនោះ នៅ សាលារាជធានីភ្នំពេញនារសៀលថ្ងៃទី ២០ ខែសីហា ឆ្នំា ២០១២ លោក ឃួង ស្រេង អភិបាលរង រាជធានីភ្នំពេញ បានស្នើឱ្យមន្ទីរសាធារណការ និងដឹកជញ្ជូនចាប់ពីថ្ងៃស្អែកនេះ ត្រូវធ្វើការរំកិល បង្គោល ភ្លើង ត្រូវជីករំកិល ដើមឈើចេញ ខ្សែភ្លើង ខ្សែកាប បណ្ដាញទឹកស្អាត និងត្រូវរុះសំយាប ផ្ទះណា ដែលប៉ះជាមុន ដើម្បីឱ្យដំណើរការ នៃការស្ថាបនាស្ពានអា កាសស្តឹងមានជ័យនេះបាន ដំណើរការ ទៅ តាមការគ្រោងទុក។
ក្នុងឱកាសនោះ លោកអភិបាលរងរាជធានីភ្នំពេញក៏បានស្នើឱ្យប្រជាពលរដ្ឋ ដែលពាក់ព័ន្ធ ដែលមានលំនៅដ្ឋានជាប់ នឹងគម្រោង ស្ថាបនា ត្រូវចូលរួមសហកការ ដើម្បី ឱ្យគម្រោងស្ថាបនា នៃ ការសាងសង់នេះដំណើរការប្រព្រឹត្ដិទៅដោយរលូននោះ។
សូមបញ្ជាក់ថា ក្នុងរយៈពេលប៉ុន្មានឆ្នំាចុងក្រោយនេះ សាលារាជធានីភ្នំពេញ បានសម្រេចនូវ សមិទ្ធផលសណង់ធំៗជាច្រើន គួរឱ្យ ចាប់ អារម្មណ៍ ដើម្បីបង្អួត និងបង្ហាញដល់ភ្ញៀវទេចរណ៍ជាតិ និងអន្ដរជាតិ បានឃើញ និងទស្សនាដោយមិនអាចប្រកែកបាន ជាក់ ស្ដែង ដូចជា សមិទ្ធផលធំៗ ដែលអាជ្ញាធររាជធានីភ្នំពេញសម្រេចបានរួចមកនេះ ដូចជាស្ពានអាកាសក្បាលថ្នល់ស្ថិតនៅលើ ដងម ហាវិថីព្រះនរោត្តម និងផ្លូវជាតិលេខ២ត្រង់ចំណុចរង្វង់មូលក្បាលថ្នល់ ហើយមានទីតាំងស្ថិត ក្នុងព្រំប្រទល់ខណ្ឌមានជ័យ និងខណ្ឌ ចំការម
ដោយសាររង្វង់មូលចាស់តូចមានអង្កត់ផ្ចិតត្រឹមតែ ១២ម៉ែត្រ (តាមលក្ខណបចេ្ចកទេស រង្វង់មូលត្រូវ មានអង្កត់ ផ្ចិតយ៉ាងតិច ៤០ម៉ែត្រ) ធ្វើឲ្យចរាចរគ្រប់ទិសមកកកកុញនៅចំណុចអតីតរង្វង់មូលក្បាល ថ្នល់នេះ។ ការកកស្ទះចរាចរជាញឹក ញាប់ស្ពានបានសម្ពោធ ដាក់ឲ្យ ប្រើ ប្រាស់ជាផ្លូវការក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន និងលោកជំទាវបណ្ឌិត នាថ្ងៃទី២៤ខែមិថុនា កន្លងមកនេះ។បន្តាប់ពីបានបើកការដ្ឋានថ្ងៃទី ២៩ ខែធ្នូ ឆ្នាំ២០១០ក្រោម អធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេ ជោ ហ៊ុន សែន នាយករដ្ឋមន្ត្រី នៃព្រះរាជាណា ចក្រកម្ពុជា និងលោកជំទាវបណ្ឌិត។ ដោយឡែកសំណង់ធំទី២ គឺស្ពានអាកាស៧មករា (ស្តុបពេទ្យលោកសង្ឃ) ទីតាំងស្ពានស្ថិត ក្នុងខណ្ខទួលគោក និងខណ្ឌសែនសុខ រាជធានីភ្នំពេញក្រុមហ៊ុនវិនិយោគទុនអាណិកជនកម្ពុជា OCICស្ពាននេះ គឺស្ថិតនៅលើបណ្តោយមហាវិថីសហព័ន្ធរុស្សី ដោយមានបែក ខ្នែងភា្ជប់ទៅវិថិ កម្ពុជាក្រោម ជាស្ពានបេតុងព្រមទាំងបង្កាន់ដៃសង្ខាងកំពស់១,០៨ម៉ែត្រ ដែលស្ថាបនាឡើងដោយ មានសួនច្បារនៅពី ខាងក្រោមស្ពាន រយៈពេលសាងសង់ ១៣ខែ៕