នៅព្រឹកថ្ងៃ២២ ខែសីហា ឆ្នាំ២០១២ នេះ នាទីស្តីការក្រសួងផែនការ លោកជំទាវបណ្ឌិតNoeleen Heyzev អគ្គលេខាធិការរង អង្គការសហប្រជាជាតិ និងជាប្រធានលេខាធិការប្រតិបត្តិ របស់អង្គការយូអិនអេសស្កាប់ បានចូលជួបសាវនាការ ការភិភាក្សាការងារ និងសំដែងការគួរសមឯកឧត្តម ឆាយ ថន ទេសរដ្ឋមន្រ្តី រដ្ឋមន្រ្តីក្រសួងផែនការ។
នៅក្នុងឧកាសនេះដែរ លោកជំទាវ Noeleen Heyzev អគ្គលេខាធិការរង អង្គការសហប្រជាជាតិ និងជាប្រធានលេខាធិការប្រតិបត្តិ របស់អង្គការយូអិនអេសស្កាប់ មាន សេចក្តីសោមនស្សយ៉ាង ខ្លាំងដោយឃើញពីការរីកចំរើនរបស់ប្រទេសកម្ពុជា ទាក់ទងទៅ និងសេដ្ឋកិច្ចសុខមាលភាព សុវត្តិភាព និងការអផិវឌ្ឍន៍ នៅក្នុងប្រទេស ជាពិសេស សំដៅទៅលើគោលដៅអភិវឌ្ឍន៍ សហសវត្សន៍ និង អត្រាមការកាត់ បន្ថយនូវ អត្រាម រណៈភាពកុមារ មាតានិងទារក និងការឆ្លងមេរោគអេដន៍ ពីមាតាទៅទារក ដែលកម្ពុជា សម្រេចបាន។
លោកជំទាវបណ្ឌិត បានមានប្រសាសន៍បន្តថា ក្នុងឧកាសដែលកម្ពុជា បានសម្រេចបាននូវគោលដៅអភិវឌ្ឍន៍ សហសវត្ស ដោយមានការផ្លាស់ប្តូរយ៉ាងខ្លាំង បើទោះបីជាមានវិបត្តិសេដ្ឋកិច្ច និងហិរញ្ញវត្ថុ យ៉ាងណាក៏ដោយក៏កម្ពុជា នៅតែទទួលបានកំណើន សេដ្ឋកិច្ចខ្ពស់ និងមានការអភិវឌ្ឍន៍ ប្រកបដោយ ក្នុងរយៈពេលមួយ ដ៏ខ្លីបំផុត។ ជាមួយគ្នានេះ លោកជំទាវ ក៏បានវាយតំលៃខ្ពស់ ចំពោះតួនាទីដឹកនាំ ក្នុងនាមជាប្រធានអាស៊ាន ឆ្នាំ២០១២ រួមទាំងការជំរុញគាំទ្រ លើវិស័យសមភាពយេនឌ័រ ការយក ចិត្តទុកដាក់ទៅលើវិស័យអប់រំ សុខុមាលភាព និងការ កាត់បន្ថយគម្លាត នៃភាពក្រីក្រ ដែលទាំងនោះសុទ្ធសឹង តែជាកត្តាសំខាន់ ក្នុងការជំរុញ កិច្ចអភិវឌ្ឍន៍ នៅកម្ពុជា។
លោកជំទាវបណ្ឌិត ក៏បានស្នើសុំអោយកម្ពុជា គួរតែជួយរៀបចំចំណុចសំខាន់ៗ ចែករំលែក បទពិសោធន៍ដែលសមម្រេចបាន ទៅដល់បណ្តាប្រទេសនៅក្នុងតំបន់ ។ ហើយព្រះរាជាណាចក្រកម្ពុជាគួរពន្លឿននៅការអភិវឌ្ឍន៍ ដើម្បីឈានទៅរកគោលដៅអភិវឌ្ឍន៍ សហវត្សន៍ នៅឆ្នាំ ២០១៥ ចំពោះការសម្រេចបាននេះ ត្រូវមាននិរន្តរភាព ។
ជាការឆ្លើបទៅនឹងការជួបសាវនាការនេះ ឯកឧត្តម ឆាយ ថន ទេសរដ្ឋមន្រ្តី រដ្ឋមន្រ្តីក្រសួងផែនការ បានថ្លែងអំណរគុណចំពោះលោកជំទាវបណ្ឌិត ដែលបានមកទស្សនកិច្ចនៅព្រះរាជាណាចក្រកម្ពុជា និងបានទទួលជួបសាវនាការនៅក្រសួង ផែនការនាពេលនេះ ដែលជាមោទភាព ហើយេឯកឧត្តម បានសំថ្ងែងអំណរគុណ នូវការជួយជ្រោមជ្រែងរបស់ អង្គការ UN-ESCAP សំរាប់រាជរដ្ឋាភិបាលកម្ពុជា ដែលបានចូលរួមអភិវឌ្ឍន៍វិស័យនានា នៅក្នុងព្រះរាជណាចក្រកម្ពុជា អោយឈានទៅសម្រេចបាន នូវគោលដៅអភិវឌ្ឍន៍ សហវត្សន៍ ដែលកម្ពុជាកំពុងឆ្ពោះទៅ ។
គួរបញ្ជាក់ផងដែរថា នៅក្នុងឧកាសជួបសហវនាការ សំដែរការគួរសម និងពិភាក្សាការងារនេះ លោកជំទាវបណ្ឌិត ក៏បានផ្តាំផ្ញើដល់ព្រះរាជាណាចក្រកម្ពុជា គួរចូលរួម ធ្វើការជាដៃគួដ៏សំខាន់ ជាមួយអង្គការសហប្រជាជាតិ សំរាប់ធ្វើការអភិវឌ្ឍន៍ប្រទេស ដែលប្រទេសកម្ពុជា មានចំណុសំខាន់ៗ ដែលសម្រេចបាន ហើយក្រសួងផែនការគួរ ធ្វើសន្តរកថា គន្លឹះមួយ ជួនសម្តេចតេជោ នាយករដ្ឋមន្រ្តី សំរាប់ទៅចួលរួម នៅអង្គការសហប្រជាជាតិ នៅខែកញ្ញា ខាងមុខនេហ ដើម្បីបង្ហាញដល់ប្រទេសនានា នៅក្នុងកិច្ចប្រជុំនេះ។