ភ្នំពេញ:
+ភូមិភាគបន្ទាយមានជ័យបញ្ចប់វិញ្ញាសារត់ចម្ងាយ
ថ្ងៃទី២០ ខែសីហានេះ ការប្រកួតកីឡាមហាជនសម្រាប់ភូមិភាគរាជធានីភ្នំពេញ និងខេត្តកណ្ដាល បានបញ្ចប់វិញ្ញាសារត់ល្បឿនលើផ្ទៃរាប ១០០ម៉ែត្រ ទាំងបុរស ទាំងនារី។
ការប្រកួតដែលធ្វើនៅពហុកីឡដ្ឋានជាតិអូឡាំពិកនោះ សម្រាប់ភូមិភាគរាជធានីភ្នំពេញ ផ្នែកនារី ចំណាត់ថ្នាក់លេខ១ បានទៅកីឡាការិនី ម៉ៅ ម៉ូនីតា មកពីសាកលវិទ្យាល័យអាស៊ីអឺរុប រត់ក្នុងថិរវេលា ១៣វិនាទី ៦៦, លេខ២ កីឡាការិនី ដួង ស្រីភាព ក្រសួងមហាផ្ទៃ រត់ក្នុងថិរវេលា ១៤វិនាទី ១៨ និង ចំណាត់ថ្នាក់លេខ៣ បានទៅកីឡាការិនី ខ្នា ឆវី អង្គការភាពញញឹមនៃកុមារ រត់ក្នុងថិរវេលា ១៤វិនាទី ៨២។
ចំណែកផ្នែកបុរស ចំណាត់ថ្នាក់លេខ១ បានទៅកីឡាករ សុន ចាន់ធារិទ្ធ ក្រសួងការពារជាតិ រត់ក្នុងថិរវេលា ១១វិនាទី ៥៩, ចំណាត់ថ្នាក់លេខ២ កីឡាករ អ៊ិន ឌីពុទ្ធណា សាកលវិទ្យាល័យអាស៊ីអឺរុប រត់ក្នុងថិរវេលា ១២វិនាទី ៣៤ និងចំណាត់ថ្នាក់លេខ៣ កីឡាករ យ៉ាំ សារិន ក្រសួងមហាផ្ទៃ រត់ក្នុងថិរវេលា ១២វិនាទី ៣៨។
ភូមិភាគខេត្តកណ្ដាល ផ្នែកនារី ចំណាត់ថ្នាក់លេខ១ បានទៅកីឡាការិនី ផុន សុភ័ក្ត្រ ខេត្តកំពង់ឆ្នាំង រត់ក្នុងថិរវេលា ១៤វិនាទី ៥០, លេខ២ កីឡាការិនី គី គឹមវួច ខេត្តកំពង់ធំ រត់ក្នុងថេរវេលា ១៤វិនាទី ៨៩ និងចំណាត់ថ្នាក់លេខ៣ កីឡាការិនី ឆែម សីរ៉ា ខេត្តកណ្ដាល រត់ក្នុងថិរវេលា ១៥វិនាទី ៩៥ ។
ឯផ្នែកបុរស ចំណាត់ថ្នាក់លេខ១ បានទៅកីឡាករ ឈុន ប៊ុនថន ខេត្តព្រៃវែង រត់ក្នុងថិរវេលា ១១វិនាទី ៥៥, លេខ២ កីឡាករ ង៉ែត សភារ័ត្ន ខេត្តកំពង់ឆ្នាំង ថិរវេលា ១១វិនាទី ៨៧ និងចំណាត់ថ្នាក់លេខ៣ កីឡាករ សេន ស៊ុមផាអ៊ី ខេត្តកណ្ដាល រត់ក្នុងថិរវេលា ១២វិនាទី ៧៧។
ចំពោះភូមិភាគខេត្តបន្ទាយមានជ័យ លោក បឹង គឹមតោ អនុប្រធាននាយកដ្ឋានអប់រំកាយ និងកីឡា បានឲ្យដឹងថា បានបញ្ចប់វិញ្ញាសារត់ចម្ងាយ ១០ គីឡូម៉ែត្រ បុរស និង ៥ គីឡូម៉ែត្រ នារីហើយ។
វិញ្ញាសារត់ចម្ងាយ ១០ គីឡូម៉ែត្រ បុរស ចំណាត់ថ្នាក់លេខ១ បានទៅកីឡាករ ឱក រ៉ូហ៊ីត ខេត្តសៀមរាប រត់ក្នុងថិរវេលា ៤០នាទី ៨វិនាទី ១៦, លេខ២ កីឡាករ ហម អាត ខេត្តពោធិ៍សាត់ រត់ក្នុងថិរវេលា ៤២នាទី ៤វិនាទី ០០ និងចំណាត់ថ្នាក់លេខ៣ កីឡាករ អេង កក្កដា ខេត្តបាត់ដំបង រត់ក្នុងថិរវេលា ៤៩នាទី ៥វិនាទី ៩៨។
វិញ្ញាសារត់ចម្ងាយ ៥ គីឡូម៉ែត្រ នារី ចំណាត់ថ្នាក់លេខ១ បានទៅកីឡាការិនី ជា ធា ខេត្តសៀមរាប រត់ក្នុងថិរវេលា ២២នាទី ៣០វិនាទី ៣៦, លេខ២ កីឡាការិនី វ៉ាន់ សារ៉ុម ខេត្តពោធិ៍សាត់ រត់ក្នុងថិរវេលា ២២នាទី ៣៨វិនាទី ៨៣ និងណាត់ថ្នាក់លេខ៣ កីឡាការិនី រី ស្រីនី ខេត្តបាត់ដំបង រត់ក្នុងថិរវេលា ២៣នាទី ៥៩វិនាទី ៣០៕
