ភ្នំពេញ ៖ ព្រះមហាក្សត្រនៃព្រះរាជាណាចក្រកម្ពុជា សម្ដេចព្រះបរមនាថ នរោត្ដម សីហមុនី បានយាងនិវត្ដន៍មកដល់ ប្រទេសកម្ពុជាវិញហើយ កាលពីវេលាម៉ោង៣និង៣០នាទីរសៀល ថ្ងៃទី១៨ ខែសីហា ឆ្នាំ២០១២ បន្ទាប់ពីព្រះអង្គ បានយាងទៅកាន់ប្រទេសចិនដើម្បីពិនិត្យព្រះរាជសុខភាព និងក្រាបបង្គំគាល់ព្រះរាជបិតា ព្រះរាជមាតារបស់ព្រះអង្គ នៅទីក្រុងប៉េកាំង កាលពីថ្ងៃទី២២ ខែកក្កដា ឆ្នាំ២០១២ ។
យាងនិងអញ្ជើញទទួលព្រះរាជដំណើរយាងនិវត្ដន៍របស់ព្រះករុណាជីវិតតម្កល់លើត្បូង នៅព្រលានយន្ដហោះអន្ដរជាតិភ្នំពេញ គេឃើញមានវត្ដមានរបស់សែរាជវង្ស និងវត្ដមានរបស់សម្ដេចអគ្គមហាធម្មពោធិសាលជា ស៊ីម ប្រធានព្រឹទ្ធ សភា, វត្ដមានរបស់សម្ដេចអគ្គមហាពញាចក្រី ហេង សំរិន ប្រធានរដ្ឋសភា និងវត្ដមានរបស់សម្ដេចអគ្គមហាសេនា បតីតេជោ ហ៊ុន សែន នាយករដ្ឋមន្ដ្រី ព្រមទាំងមន្ដ្រីរាជការជាច្រើនរូបទៀតផងដែរ ៕
