នេះបើយោងទៅតាម សេចក្តីរាយការណ៍ពីប្រទេសវៀតណាមបានអោយដឹងថានៅពេលថ្មីៗនេះមូលនិធិ The Bill&Melinda Gates Foundation បានផ្តល់អំណោយចំនួន១០,៩លានដុល្លារសម្រាប់គម្រោងអនាម័យ នៅក្នុងប្រទេសកម្ពុជានិងវៀតណាម។
ប្រជាជនវៀតណាម ចំនួនប្រមាណ៥០ភាគរយ និងកម្ពុជាប្រមាណ៨០ភាគរយ មានបញ្ហាអនាម័យមិនល្អ នៅក្នុងប្រទេស ទាំងពីរដូចជាការបន្ទោរបង់លាមកនៅក្រៅផ្ទះ និងលាមកបានបណ្តាលអោយ មនុស្សស្លាប់ប្រមាណ១៧,០០០នាក់ ជារៀងរាល់ឆ្នាំ ពិសេស កុមារអាយុ ក្រោម៥ឆ្នាំ។
បញ្ហាអនាម័យនេះក៏បានបណ្តាល អោយខាតបង់សេដ្ឋកិច្ច ជាទឹកប្រាក់ ១,២ ពាន់លានដុល្លារ ជារៀងរាល់ឆ្នាំ នៅប្រទេសទាំងពីរ។ក្រៅពីបង្កើតបង្គន់អនាម័យ ជំនួយនេះនឹងប្រើប្រាស់ផងដែរដើម្បីផ្លាស់ប្តូរឥរិយាបទប្រជាជននៅជនបទ៕