ភ្នំពេញ ៖ ទឹកទន្លេមេគង្គកម្ពុជានៅ សប្ដាហ៍ក្រោយអាចនឹងឡើងដល់កម្រិត អតិបរមាលើកទី១ ប៉ុន្ដែជំនន់លើកនេះ លឿនខុសធម្មតា ដោយសារតែប្រទេស មួយចំនួនតាមទន្លេមេគង្គទទួលរងឥទ្ធិ ពលព្យុះកៃតាក់ ខណៈព្យុះនេះកំពុងបោក បក់មកដល់ប្រទេសវៀតណាមភាគខាង ជើងហើយនោះ ។
លោក ចាន់ យុត្ថា នាយខុទ្ទកាល័យ និងជាអ្នកនាំពាក្យក្រសួងធនធានទឹក និង ឧតុនិយមបានមានប្រសាសន៍ថា ជាទូទៅ ទឹកទន្លេមេគង្គក្នុងប្រទេសកម្ពុជាឡើង ដល់កម្រិតអតិបរមា២លើក ដោយលើក ទី១អាចនៅចុងខែសីហាឬដើមខែកញ្ញា ហើយលើកទី២អាចនៅចុងខែតុលា ឬ ដើមខែវិច្ឆិកា ។ លោកបន្ដថា សម្រាប់ ទឹកទន្លេមេគង្គឡើងដល់កម្រិតអតិបរមា សម្រាប់ឆ្នាំនេះគឺ អាចឡើងលឿនខុស ពីបណ្ដាឆ្នាំមុនៗដោយសារតែប្រទេស កម្ពុជាក៏ដូចជាប្រទេសមួយចំនួនទៀត ជាប់ទន្លេមេគង្គរងឥទ្ធិពលខ្យល់ព្យុះ កៃតាក់ ប៉ុន្ដែមិនធ្វើឱ្យប៉ះពាល់ធ្ងន់ធ្ងរ ដល់ប្រទេសកម្ពុជានោះទេ ។
លោក ចាន់ យុត្ថា បន្ដថា ក្រសួង ធនធានទឹកកំពុងតាមដានមើលឥទ្ធិពល កៃតាក់ ដែលពេលនេះកំពុងបោកបក់ មកដល់ប្រទេសវៀតណាមខាងជើង ។ បើសិនជាខ្យល់ព្យុះកៃតាក់អស់ឥទ្ធិពល នៅត្រឹមប្រទេសឡាវបង្កជាវិសម្ពាធ បណ្ដាលឱ្យមានភ្លៀងធ្លាក់ច្រើន នឹងធ្វើ ឱ្យទឹកទន្លេមេគង្គអាចឡើងលឿនខុសពី ធម្មតា ប៉ុន្ដែបើខ្យល់ព្យុះកៃតាក់អស់ ឥទ្ធិពលទៅដល់ប្រទេសហ្វីលីពីន ហើយ បង្កវិសម្ពាធនៅទីនោះគឺទឹកទន្លេមេគង្គ របស់កម្ពុជាយើងនឹងឡើងជាធម្មតា ។
លោក ចាន់ យុត្ថា បញ្ជាក់ថា មិន មែនមានតែខ្យល់ព្យុះកៃតាក់មួយទេ ដែលបោកបក់មកលើប្រទេសកម្ពុជា គឺ បន្ទាប់ពីនេះនឹងមានខ្យល់ព្យុះមួយចំនួន ទៀតក៏អាចនឹងបោកបក់បង្កជាវិសម្ពាធ មកមើលប្រទេសកម្ពុជា និងបណ្ដាប្រទេស តាមដងទន្លេមេគង្គផងដែរ ។
ទោះយ៉ាងណាបើតាមលោក ចាន់ យុត្ថា ឥទ្ធិពលខ្យល់ព្យុះកៃតាក់ដែលអាច នឹងធ្វើឱ្យទឹកទន្លេមេគង្គឡើងលឿនខុស ធម្មតា ដល់កម្រិតអតិបរមាលើកទី១ នេះគឺមិនបង្កគ្រោះមហន្ដរាយអ្វីដល់ ប្រជាពលរដ្ឋនៅតាមដងទន្លេមេគង្គ នោះទេ ពីព្រោះនេះជារឿងធម្មតាមួយ ដែលទឹកទន្លេមេគង្គតែឡើងដល់កម្រិត អតិបរមានៅចុងខែសីហា ឬដើមខែ កញ្ញានេះ ។
ជាមួយនឹងទឹកទន្លេមេគង្គឡើងដល់ កម្រិតអតិបរមាលើកទី១ លោក ចាន់ យុត្ថា ក៏បានអំពាវនាវដល់បងប្អូនប្រជា ពលរដ្ឋដែលរស់នៅតាមដងទន្លេមេគង្គ និងជុំវិញបឹងទន្លេសាបត្រូវតែមានការ ប្រុងប្រយ័ត្នខ្ពស់ចៀសវាងកើតមាន គ្រោះថ្នាក់ជាយថាហេតុ ពីព្រោះរដូវទឹក ឡើងគឺទឹកហូរកួចខ្លាំង ដែលងាយបង្ក គ្រោះថ្នាក់ ពិសេសដល់អ្នកដែលធ្វើដំណើរ តាមផ្លូវទឹក ។
គួរបញ្ជក់ថា បើតាមការចំណាំតៗ គ្នារបស់ប្រជាពលរដ្ឋខ្មែរគឺ ទឹកអាចនឹង ឡើងធំនៅក្នុងឆ្នាំរោង ខណៈឆ្នាំនេះគឺជា ឆ្នាំរោងនោះ ទឹកអាចនឹងឡើងធំជាង បណ្ដាឆ្នាំមុនៗ ដែលបង្កផលប៉ះពាល់ ដល់ប្រជាពលរដ្ឋរស់នៅតាមដងទន្លេ មេគង្គ, ទន្លេបាសាក់ និងទន្លេសាប ។ ជាងនេះទៅទៀតសម្ដេចអគ្គមហាសេនា បតីតេជោ ហ៊ុន សែន ក៏ធ្លាប់មាន ប្រសាសន៍ជាសាធារណៈ ដែរថា ឆ្នាំនេះ គឺជាឆ្នាំរោង ទឹកនឹងឡើងធំជាងបណ្ដាឆ្នាំ ផ្សេងៗ ដូច្នេះប្រជាពលរដ្ឋដែលរស់នៅ តាមដងទន្លេមេគង្គ, ទន្លេបាសាក់ និង ទន្លេសាបត្រូវតែមានការប្រុងប្រយ័ត្ន តែទោះយ៉ាងណារាជរដ្ឋាភិបាលរួមទាំង អាជ្ញាធរពាក់ព័ន្ធទាំងអស់បានត្រៀមខ្លួន រួចជាស្រេចដើម្បីជួយសង្គ្រោះប្រជាពលរដ្ឋនិងបានផ្សព្វផ្សាយនូវវិធានការការ ពារមួយចំនួនដល់ប្រជាពលរដ្ឋជាបន្ដ បន្ទាប់ហើយដែរដើម្បីធ្វើយ៉ាងណា បញ្ចៀសគ្រោះមហន្ដរាយធម្មជាតិដែលអាចនឹងកើតឡើងជាយថាហេតុ៕