បន្ទាយមានជ័យ ៖ លោក កែវ ពេជ្រសុវណ្ណ ប្រធានការិយាល័យបច្ចេកទេសរបស់មន្ទីរសុខាភិបាលខេត្តបន្ទាយមានជ័យនិងមន្ត្រីជំនាញរបស់មន្ទីរសុខាភិបាលខេត្តបន្ទាយមានជ័យ ជាច្រើនរូប បានចុះត្រួតពិនិត្យឱសថដែលគ្មានគុណភាពនៅតាមគ្រឹះស្ថានលក់ឱសថនិងតាមគ្លីនិកឯកជនទូទាំងខេត្តបន្ទាយមានជ័យ។
ការចុះត្រួតពិនិត្យនេះធ្វើឡើងកាលពីព្រឹកថ្ងៃទី១៤ ខែ សីហា ឆ្នាំ២០១២ ដើម្បីកាត់បន្ថយភាពក្រីក្ររបស់ប្រជាពលរដ្ឋ និង ការចំណាយទៅលើការទិញឱសថគ្មានគុណភាព។
លោក ពេជ្រ សុវណ្ណ បានប្រាប់កម្ពុជាថ្មីឲ្យដឹងថារូបលោកនិងមន្ត្រីជំនាញមួយក្រុមបានធ្វើការចុះត្រួតពិនិត្យកន្លែងលក់ឱសថមួយកន្លែងឈ្មោះ សុខ គង់ ដែលមានអាសយដ្ឋាន ផ្ទះលេខ៣៧១ ផ្លូវលេខ៦ ភូមិ៣ សង្កាត់ព្រះពន្លាក្រុងសិរីសោភ័ណ ខេត្តបន្ទាយមានជ័យ។ ក្រោយពីការត្រួតពិនិត្យឃើញថា ឱសថស្ថានខាងលើមានច្បាប់ធ្វើអាជីវកម្មត្រឹមត្រូវ និង ពុំមានការលក់ឱសថក្លែងក្លាយឡើយ៕
គង្គា