គណៈកម្មាធិការជាតិរៀបចំការបោះឆ្នោត(គជប) បានផ្សព្វផ្សាយព័ត៌មានដល់ក្រុមប្រឹក្សាឃុំ-សង្កាត់ទាំងអស់នៅទូទាំងប្រទេសកម្ពុជា ដើម្បីអោយត្រៀមខ្លួនចុះឈ្មោះ និងបិទផ្សាយបញ្ជីរឈ្មោះអោយប្រជាពលរដ្ឋផ្ទៀងផ្ទាត់សម្រាប់ការបោះឆ្នោតជ្រើសតាំងតំណាងរាស្រ្តនាពេលខាងមុខ។
ឯកឧត្តមទេព នីថា បញ្ជាក់ថា រហូតមកដល់ពេលនេះ ការផ្សព្វផ្សាយបានធ្វើឡើងចំនួន១០ខេត្ត-រាជធានីហើយ។គួរបញ្ជាក់ថា ការបោះឆ្នោតជ្រើសតាំងតំណាងរាស្ត្រ នីតិកាលទី៥ ឆ្នាំ២០១៣ នឹងធ្វើឡើងនៅថ្ងៃអាទិត្យ ទី២៨ ខែកក្កដា ឆ្នាំ២០១៣។ ចំណែកចំនួនអាសនៈរដ្ឋសភា ត្រូវបានរដ្ឋាភិបាលសម្រេចរក្សាទុកចំនួន ១២៣ រូប ដូចអាណត្តិទី៣ និងទី៤ ដដែល។ ឯកឧត្តមទេព នីថាបញ្ជាក់ថា ការពិនិត្យបញ្ជីឈ្មោះ និងចុះឈ្មោះបោះឆ្នោត ត្រូវធ្វើឡើងរៀងរាល់ឆ្នាំ ដោយចាប់ផ្តើមពីថ្ងៃទី០១ខែកញ្ញា និងបញ្ចប់នៅថ្ងៃនៅថ្ងៃទី១២ ខែតុលា ឆ្នាំ២០១២ខាងមុខនេះ។