ដោយ ៖ អ៊ុំ ណូន ថ្ងៃទី 14 សីហា 2012ម៉ោង 13:16:40
ភ្នំពេញ ៖ កាលពីព្រឹកថ្ងៃទី១៣ ខែ សីហា ឆ្នាំ២០១២ លោកម៉ម ប៊ុនហេង រដ្ឋមន្ដ្រីក្រសួងសុខាភិបាល និងលោក លី សាវេត អភិបាលនៃគណៈអភិបាល ខណ្ឌសែនសុខ បានដឹកនាំក្រុមគ្រូពេទ្យ ស្ម័គ្រចិត្ដជាច្រើននាក់ចុះទៅពិនិត្យព្យាបាល ជំងឺឱ្យប្រជាពលរដ្ឋប្រមាណជាង៣០០ នាក់ នៅក្នុងភូមិចំនួន៨នៃសង្កាត់ពញាពន់ ខណ្ឌសែនសុខ ។
លោក លី សាវេត អភិបាលនៃគណៈ អភិបាលខណ្ឌសែនសុខបានឱ្យដឹងថា ដោយ យល់ឃើញថា ការពិនិត្យជាក់ស្ដែងពី អាជ្ញាធរនិងថ្នាក់ដឹកនាំមូលដ្ឋានបញ្ជាក់ អំពីកង្វះខាតរបស់ប្រជាពលរដ្ឋក្នុងសង្កាត់ ពញាពន់ រហូតដល់ចំនួន៨ភូមិ គ្មាន លទ្ធភាពដើម្បីឱ្យគ្រូពេទ្យពិគ្រោះនិង ព្យាបាលជំងឺ លោករដ្ឋមន្ដ្រីក្រសួងសុខា ភិបាល ក៏ដូចជាលោកថ្នាក់ដឹកនាំខណ្ឌ សង្កាត់ បានយកចិត្ដទុកដាក់លើបញ្ហា នេះ និងដឹកនាំក្រុមគ្រូពេទ្យស្ម័គ្រចិត្ដជា ច្រើននាក់ចុះមកពិនិត្យជំងឺ និងព្យាបាល ដល់ពួកគាត់ដោយមិនគិតថ្លៃដើម្បីលើក កម្ពស់អំពីសុខុមាលភាពរបស់ប្រជាពល រដ្ឋនៅក្នុងមូលដ្ឋានសង្កាត់ពញាពន់ ។
លោក ម៉ម ប៊ុនហេង រដ្ឋមន្ដ្រីក្រសួង សុខាភិបាលមានប្រសាសន៍ឱ្យដឹងដែរថា ការចុះពិនិត្យនិងព្យាបាលជំងឺដោយក្រុម គ្រូពេទ្យស្ម័គ្រចិត្ដនៅពេលនេះ មិនមែន ជាលើកទី១នោះទេ គឺរៀងរាល់ថ្ងៃសុក្រ ក្រុមគ្រូពេទ្យស្ម័គ្រចិត្ដគាត់តែងតែមាន វត្ដមានចុះពិនិត្យព្យាបាលជំងឺដល់ប្រជា ពលរដ្ឋតាមមូលដ្ឋានដោយមិនគិតថ្លៃ។ ម្យ៉ាងវិញទៀត អ្វីដែលអាជ្ញាធរខណ្ឌសែន សុខបានរាយការណ៍ពីភាពខ្វះខាតរបស់ ប្រជាពលរដ្ឋចាំបាច់ត្រូវពឹងផ្អែកទៅលើ ក្រុមគ្រូពេទ្យដូចជា បញ្ហាជំងឺរបេង ទឹក នោមផ្អែម ក្នុងនោះក្រុមគ្រូពេទ្យនឹងមាន វិធានការជួយសម្រួល ឬបញ្ជូនពួកគាត់ ទៅព្យាបាលក្នុងមន្ទីរពេទ្យមួយចំនួននៅ រាជធានីភ្នំពេញ ។
ប្រជាពលរដ្ឋបានសម្ដែងនូវការគាំទ្រ ចំពោះការយកចិត្ដទុកដាក់ខ្ពស់របស់ លោករដ្ឋមន្ដ្រីក្រសួងសុខាភិបាល ក៏ដូច ជាអាជ្ញាធរខណ្ឌសែនសុខ ដែលបានគិត គូរអំពីសុខភាពរបស់ប្រជាពលរដ្ឋសម្រួល ដល់ការលំបាក ជួបប្រទះការខ្វះខាតប្រចាំ ថ្ងៃរបស់ពួកគាត់ មិនតែប៉ុណ្ណោះ អ្វីដែល លោករដ្ឋមន្ដ្រីបានប្រគល់រថយន្ដសង្គ្រោះ បន្ទាន់មួយគ្រឿងសម្រាប់បម្រើការនៅ ក្នុងមណ្ឌលសុខភាពសង្កាត់ពញាពន់ គឺ ជាការជួយសម្រួលក្នុងមធ្យោបាយដឹក ជញ្ជូនអ្នកជំងឺ ដែលជាប្រជាពលរដ្ឋក្នុង មូលដ្ឋានបានទាន់ពេលវេលា ៕
