ដោយ ៖ សារុន ថ្ងៃទី 15 សីហា 2012ម៉ោង 10:11:15
ខេត្ដបន្ទាយមានជ័យ ៖ កាលពីព្រឹកថ្ងៃទី១៥ ខែសីហា ឆ្នាំ២០១២ លោក ចាយ សាំងយុ រដ្ឋលេខាធិការក្រសួងការពារ ជាតិបាននាំយកអំណោយនិងសម្ភារទៅផ្ដល់ជូនដល់ក្រុមយុវជនផ្ដាច់សារធាតុញៀន ដែលពិធីប្រគល់នេះបានធ្វើឡើង នៅក្នុងទីបញ្ជាការដ្ឋានកងរាជអាវុធហត្ថខេត្ដបន្ទាយមានជ័យ ។
លោករដ្ឋលេខាធិការបានធ្វើការផ្ដាំផ្ញើដល់ប្អូនៗនិងក្មួយៗដែលជាយុវជនមានវត្ដមាននៅទីនេះ ត្រូវខិតខំកសាងខ្លួនតាម រយៈការហ្វឹកហាត់បញ្ចេញនូវកម្លាំងពលកម្ម ដើម្បីផ្ដាច់បាននូវសារធាតុញៀន ដែលកន្លងទៅប្អូនៗបានដើរផ្លូវខុស រហូតដល់មានសារធាតុញៀននៅក្នុងខ្លួន ។ លោកបានបន្ដថា យុវជនជាទំញំងស្នងឫស្សី ដូច្នេះប្អូនៗទាំងអស់គ្នាមិន ហួសពេលក្នុងការចូលរួមចំណែកនៅក្នុងសង្គមនោះទេ ។ ម្យ៉ាងវិញទៀត កន្លែងដែលប្អូនៗមកស្នាក់អាស្រ័យខិតខំ រៀនសូត្រហ្វឹកហាត់ដើម្បីកាត់ផ្ដាច់សារធាតុញៀន គឺជាទីស្នាក់អាស្រ័យដ៏មានសារសំខាន់បំផុត ដែលធ្វើឱ្យប្អូនទទួល បាននូវអនាគតភ្លឺស្វាង ។
លោក ចាយ សាំងយុន រដ្ឋលេខាធិការក្រសួងការពារជាតិក៏បានផ្ដល់ជូនជាអំណោយនិងសម្ភារជូនក្រុមយុវជនផ្ដាច់ សារធាតុញៀន រួមមាន អង្ករចំនួន៣តោន មីចំនួន៥០កេស នំចំនួន២០ធុង រួមទាំងថវិកាចំនួន៣លានរៀល ៕
