ភ្នំពេញ ៖ ក្នុងកិច្ចប្រជុំបូកសរុបការអនុវត្តគោលនយោបាយភូមិសង្កាត់មានសុវត្ថិភាពកាលពីព្រឹកថ្ងៃទី១៤ ខែសីហា ឆ្នាំ២០១២នៅសាលារាជធានីភ្នំពេញលោកកែប ជុតិមា អភិបាលនៃគណៈអភិបាលរាជធានីភ្នំពេញ បានមានប្រសាសន៍ណែនាំដល់លោកចៅសង្កាត់ និងលោកអភិបាលខណ្ឌទាំងអស់ត្រូវទទួលខុសត្រូវខ្លួនឯងចំពោះការដាក់កុងត្រូលជជុះនៅក្នុងមូលដ្ឋានរបស់ខ្លួនទោះបីខាងណាមកដាក់កុងត្រូលទាំងនោះក៏ដោយ។
លោក កែបជុតិមាបានលើកឡើងថា ការអនុវត្តន៍នូវគោលនយោបាយភូមិសង្កាត់មានសុវត្ថិភាពពីមុនមានតែ៥ចំណុចប៉ុណ្ណោះ តែពេលនេះបន្ថែម៤ចំណុចទៀតមានទី១. គ្មានគ្រោះថ្នាក់ចរាចរណ៍ ២. គ្មានគ្រោះថ្នាក់ដោយ យុទ្ធភណ្ឌមិនទាន់ផ្ទុះ ទី៣.មានវិធានការទប់ស្កាត់គ្រប់គ្រង ឆ្លើយតបចំពោះគ្រោះមហន្តរាយប្រកបដោយប្រសិទ្ធភាព។ ទី៤. គ្មានការត្រួតពិនិត្យខុសច្បាប់(គ្មានកុងត្រូលជជុះ)៕
ស្រីរ័ត្ន