1 of 2
តាកែវ: កាលពីព្រឹកថ្ងៃទី១៤ ខែសីហា ឆ្នាំ២០១២ លោក ស្រី បេន អភិបាលនៃគណៈអភិបាលខេត្ត រួមដំណើរដោយមន្ត្រីរាជការ មន្ទីរជុំវិញខេត្ត អង្គភាពទាហាន ប៉ូលិស ប៉េអឹម បានអញ្ជើញចុះទៅពិនិត្យការចាក់កៅស៊ូលើផ្លូវខេត្តលេខ ១២៩ ដែលមានប្រវែងសរុប ២៣ គីឡូម៉ែត្រ ដោយតភ្ជាប់ពីផ្លូវជាតិលេខ ២ ត្រង់ទីប្រជុំជនផ្សារថ្នល់ទទឹង ស្រុកសំរោង ដល់ទីប្រជុំជនផ្សារព្រៃល្វា ស្រុកព្រៃកប្បាស ខេត្តតាកែវ។
លោក អ៊ុំ អ៊ូក ប្រធានមន្ទីរសាធារណការនិងដឹកជញ្ជូនខេត្ត បានឲ្យដឹងថា ដោយមើលឃើញការលំបាករបស់ប្រជាពលរដ្ឋក្នុងស្រុកសំរោង ស្រុកព្រៃកប្បាស និងស្រុកអង្គរបូរី ក៏ដូចជាការធ្វើចរាចរដឹកជញ្ជូនកសិផលផ្សេងៗទៅកាន់ទីផ្សារ លោក ស្រី បេន អភិបាលខេត្ត បានលើកសំណើទៅសម្តេចអគ្គមហាសេនាបតីតេជោ ហ៊ុន សែន កាលពីឆ្នាំ២០០៩ កន្លងមក ដើម្បីជួសជុលផ្លូវខេត្ត ដោយចាក់កៅស៊ូ។ សម្តេចតេជោ ក៏បានឯកភាពឱ្យបញ្ចូលផ្លូវនេះក្នុងផែនការជួសជុលចាប់ពីឆ្នាំ២០១០មក រហូតមកដល់ឆ្នាំ២០១២នេះ ផ្លូវនេះត្រូវបានបញ្ចប់តាមការស្នើសុំ ដោយអនុវត្តន៍តាមជំហានគីង្គក់ រយៈពេល ៣ឆ្នាំ។
លោកប្រធានមន្ទីរសាធារណការ និងដឹកជញ្ជូន បានបញ្ជាក់ថា នៅឆ្នាំ២០១២នេះ មន្ទីរមានគម្រោងជួសជុលបញ្ចប់លើប្រវែងផ្លូវសរុប ៥.៨៣០ ម៉ែត្រ ក្នុងនោះ ៥.០០០ម៉ែត្រ មានទទឹង ៦ម៉ែត្រ ប៉ះកន្លែងផតស្រុតប្រមាណ ៤០ភាគរយ រួចចាក់កៅស៊ូពីរជាន់ប្រវែង ៨៣០ម៉ែត្រ ទទឹង ៦ម៉ែត្រនិងស្ថាបនាលូទទឹងថ្នល់ចំនួន ២កន្លែង បច្ចុប្បន្ននៅសល់លូប្រអប់មួយកន្លែង ដែលទើបអនុវត្តន៍បានប្រមាណជា ៩០ភាគរយ ដែលគ្រោងបញ្ចប់មុនរដូវទឹកឡើងខាងមុខនេះ ដោយត្រូវចំណាយថវិកាសរុបប្រមាណ ៤.០០២.០០០.០០០ រៀល ( បួនពាន់ពីរលានរៀល ) ដែលជាថវិការបស់រាជរដ្ឋាភិបាលកម្ពុជា ផ្តល់តាមរយៈក្រសួងសាធារណការ និងដឹកជញ្ជូន។
លោក អ៊ុំ អ៊ួក បន្តថា លើកំណាត់ផ្លូវនេះ ផងដែរ ក៏មានការដាក់លូកាត់ផ្លូវចំនួន ៦០ ដែលមានប្រវែងសរុប ៨០០ ម៉ែត្រ សាងរ៉ឺហ្គាចំនួន ៤២កន្លែង ស្ថិតក្នុងទីប្រជុំជនផ្សារបត់រកា ក្នុងស្រុកសំរោង រហូតមកដល់ពេលនេះសម្រេចបាន ១០០ភាគរយហើយ និងត្រូវបានចំណាយថវិកាប្រមាណ ៣៤៨.០០០.០០០ រៀល ដែលជាថវិការបស់រាជរដ្ឋាភិបាលកម្ពុជា ផ្តល់តាមរយៈក្រសួងសាធារណការ និងដឹកជញ្ជូន។
លោក ស្រី បេន អភិបាលខេត្ត បានមានប្រសាសន៍ទៅកាន់ប្រជាពលរដ្ឋ ដែលមកចូលរួមនាពេលនោះថា មានសមេ្តចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃរាជរដ្ឋាភិបាលកម្ពុជា គឺបានធ្វើឲ្យប្រទេសជាតិមានការអភិវឌ្ឍរីកចម្រើននៅគ្រប់ទីកន្លែង។
លោក ស្រី បេន បន្តថា លទ្ធផលដែលសម្រេចបានខាងលើនេះ គឺដោយមានការសហការជិតស្និទ្ធរវាងអាជ្ញាធរស្រុក និងមន្ទីរ មានការលះបង់ខ្ពស់ពីសំណាក់បងប្អូនប្រជាពលរដ្ឋ លើផលប៉ះពាល់ទាំងឡាយនៅតាមដងផ្លូវនេះ។
ជាមួយគ្នានេះដែរ លោកអភិបាលខេត្ត បានសំណូមពរដល់អ្នកប្រើប្រាស់ផ្លូវនេះទាំងអស់ សូមមេត្តាបើកបរដោយគោរពច្បាប់ ស្តីពីចរាចរណ៍ផ្លូវគោក កុំបើកបរហួសល្បឿនកំណត់ ដើម្បីកាត់បន្ថយគ្រោះថ្នាក់ចរាចរផ្សេងៗនៅក្នុងមូលដ្ឋានភូមិ-ឃុំ-ស្រុក ឲ្យនៅកម្រិតទាប និងសូមមេត្តាជួយថែរក្សាផ្លូវថ្នល់របស់យើងឲ្យបានជាប់យូរអង្វែង៕
លោក អ៊ុំ អ៊ូក ប្រធានមន្ទីរសាធារណការនិងដឹកជញ្ជូនខេត្ត បានឲ្យដឹងថា ដោយមើលឃើញការលំបាករបស់ប្រជាពលរដ្ឋក្នុងស្រុកសំរោង ស្រុកព្រៃកប្បាស និងស្រុកអង្គរបូរី ក៏ដូចជាការធ្វើចរាចរដឹកជញ្ជូនកសិផលផ្សេងៗទៅកាន់ទីផ្សារ លោក ស្រី បេន អភិបាលខេត្ត បានលើកសំណើទៅសម្តេចអគ្គមហាសេនាបតីតេជោ ហ៊ុន សែន កាលពីឆ្នាំ២០០៩ កន្លងមក ដើម្បីជួសជុលផ្លូវខេត្ត ដោយចាក់កៅស៊ូ។ សម្តេចតេជោ ក៏បានឯកភាពឱ្យបញ្ចូលផ្លូវនេះក្នុងផែនការជួសជុលចាប់ពីឆ្នាំ២០១០មក រហូតមកដល់ឆ្នាំ២០១២នេះ ផ្លូវនេះត្រូវបានបញ្ចប់តាមការស្នើសុំ ដោយអនុវត្តន៍តាមជំហានគីង្គក់ រយៈពេល ៣ឆ្នាំ។
លោកប្រធានមន្ទីរសាធារណការ និងដឹកជញ្ជូន បានបញ្ជាក់ថា នៅឆ្នាំ២០១២នេះ មន្ទីរមានគម្រោងជួសជុលបញ្ចប់លើប្រវែងផ្លូវសរុប ៥.៨៣០ ម៉ែត្រ ក្នុងនោះ ៥.០០០ម៉ែត្រ មានទទឹង ៦ម៉ែត្រ ប៉ះកន្លែងផតស្រុតប្រមាណ ៤០ភាគរយ រួចចាក់កៅស៊ូពីរជាន់ប្រវែង ៨៣០ម៉ែត្រ ទទឹង ៦ម៉ែត្រនិងស្ថាបនាលូទទឹងថ្នល់ចំនួន ២កន្លែង បច្ចុប្បន្ននៅសល់លូប្រអប់មួយកន្លែង ដែលទើបអនុវត្តន៍បានប្រមាណជា ៩០ភាគរយ ដែលគ្រោងបញ្ចប់មុនរដូវទឹកឡើងខាងមុខនេះ ដោយត្រូវចំណាយថវិកាសរុបប្រមាណ ៤.០០២.០០០.០០០ រៀល ( បួនពាន់ពីរលានរៀល ) ដែលជាថវិការបស់រាជរដ្ឋាភិបាលកម្ពុជា ផ្តល់តាមរយៈក្រសួងសាធារណការ និងដឹកជញ្ជូន។
លោក អ៊ុំ អ៊ួក បន្តថា លើកំណាត់ផ្លូវនេះ ផងដែរ ក៏មានការដាក់លូកាត់ផ្លូវចំនួន ៦០ ដែលមានប្រវែងសរុប ៨០០ ម៉ែត្រ សាងរ៉ឺហ្គាចំនួន ៤២កន្លែង ស្ថិតក្នុងទីប្រជុំជនផ្សារបត់រកា ក្នុងស្រុកសំរោង រហូតមកដល់ពេលនេះសម្រេចបាន ១០០ភាគរយហើយ និងត្រូវបានចំណាយថវិកាប្រមាណ ៣៤៨.០០០.០០០ រៀល ដែលជាថវិការបស់រាជរដ្ឋាភិបាលកម្ពុជា ផ្តល់តាមរយៈក្រសួងសាធារណការ និងដឹកជញ្ជូន។
លោក ស្រី បេន អភិបាលខេត្ត បានមានប្រសាសន៍ទៅកាន់ប្រជាពលរដ្ឋ ដែលមកចូលរួមនាពេលនោះថា មានសមេ្តចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃរាជរដ្ឋាភិបាលកម្ពុជា គឺបានធ្វើឲ្យប្រទេសជាតិមានការអភិវឌ្ឍរីកចម្រើននៅគ្រប់ទីកន្លែង។
លោក ស្រី បេន បន្តថា លទ្ធផលដែលសម្រេចបានខាងលើនេះ គឺដោយមានការសហការជិតស្និទ្ធរវាងអាជ្ញាធរស្រុក និងមន្ទីរ មានការលះបង់ខ្ពស់ពីសំណាក់បងប្អូនប្រជាពលរដ្ឋ លើផលប៉ះពាល់ទាំងឡាយនៅតាមដងផ្លូវនេះ។
ជាមួយគ្នានេះដែរ លោកអភិបាលខេត្ត បានសំណូមពរដល់អ្នកប្រើប្រាស់ផ្លូវនេះទាំងអស់ សូមមេត្តាបើកបរដោយគោរពច្បាប់ ស្តីពីចរាចរណ៍ផ្លូវគោក កុំបើកបរហួសល្បឿនកំណត់ ដើម្បីកាត់បន្ថយគ្រោះថ្នាក់ចរាចរផ្សេងៗនៅក្នុងមូលដ្ឋានភូមិ-ឃុំ-ស្រុក ឲ្យនៅកម្រិតទាប និងសូមមេត្តាជួយថែរក្សាផ្លូវថ្នល់របស់យើងឲ្យបានជាប់យូរអង្វែង៕