ភ្នំពេញ: សហភាពសហជីពកម្ពុជា បានសរសេរលិខិត ដាក់ទៅកាន់អ្នកបញ្ជាទិញផលិតផលសម្លៀកបំពាក់ ដែលមានស្លាកយីហោល្បីល្បាញ នៅអាមេរិក និងសហភាពអឺរ៉ុប រួមមាន៖ Gap Levis និងOld Navy ជាដើម ដើម្បីសុំឲ្យអ្នកបញ្ជាទិញទាំងនេះ ជំរុញមកកាន់រោងចក្រកាត់ដេរ តៃណាន ឬតៃយៀន នៅជិតផ្សារបែកចាន ក្នុងស្រុកអង្គស្នួល ខេត្តកណ្តាល គោរពសិទ្ធិកម្មករ និងផ្តល់ដំណោះស្រាយដល់កម្មករ ដែលបានតវ៉ាយូរខែមកហើយ។
ក្នុងសន្និសីទកាសែត នៅព្រឹកថ្ងៃទី១៥ ខែសីហា ឆ្នាំ២០១២ លោក រ៉ុងឈុន ប្រធានសមាគមគ្រូបង្រៀនកម្ពុជាឯករាជ្យ និងជាប្រធានសហភាពសហជីពកម្ពុជា បានឲ្យដឹងថា កាលពីពេលថ្មីៗនេះ លោកបានសរសេរសំបុត្រទៅកាន់ក្រុមអ្នកបញ្ជាទិញផលិតផលសំលៀកបំពាក់របស់រោងចក្រកាត់ដេរ តាយយៀន ដើម្បីឲ្យអ្នកបញ្ជាទិញទាំងនោះ ជំរុញឲ្យរោងចក្រគោរពសិទ្ធិកម្មករ និងផ្តល់ដំណោះស្រាយសមរម្យដល់កម្មករ ដែលបានតវ៉ាយូរខែមកហើយ។
លោករ៉ុងឈុន បានបន្ថែមថា ប្រជាពលរដ្ឋនៅសហរដ្ឋអាមេរិក និងនៅសហភាពអឺរ៉ុប មិនសប្បាយចិត្តទេ បើសិនជារោងចក្រកាត់ដេរ នៅកម្ពុជា ពិសេសរោងចក្រ តាយយៀន រំលោភសិទ្ធិកម្មករ។ ប្រជាពលរដ្ឋទាំងនោះ ក៏មិនចង់ប្រើប្រាស់សំលៀកបំពាក់ ដែលប្រឡាក់ញើសឈាមរបស់កម្មករនោះឡើយ។
លោករ៉ុងឈុន ដែលបានដឹកនាំកម្មកររោងចក្រកាត់ដេរ តាយយៀន ធ្វើកូដកម្មតវ៉ា ក៏បានអំពាវនាវទៅកាន់អ្នកបញ្ជាទិញ ឲ្យបញ្ឈប់ការបញ្ជាទិញផលិតផលកាត់ដេរ ពីរោងចក្រកាត់ដេរនៅកម្ពុជាទាំងឡាយណា ដែលរំលោភបំពាន មិនគោរពសិទ្ធិកម្មករ និងមិនព្រមដោះស្រាយ ចំពោះការតវ៉ារបស់កម្មករ។
ជាមួយគ្នានោះ ក្នុងសន្និសីទកាសែត នៅព្រឹកមិញ ក៏បានផ្សព្វផ្សាយពីការប្រជុំរវាងតំណាងកម្មករកាត់ដេរ ជាមួយនឹងតំណាងក្រសួងសង្គមកិច្ច នៅព្រឹកថ្ងៃទី១៥ ខែសីហា ឆ្នាំ២០១២ ដែលបានសំរេច ៤ ចំណុច។ ទី១-សុំឲ្យក្រុមហ៊ុន រោងចក្រកាត់ដេរ តាយយៀន ដកពាក្យបណ្តឹងលើកម្មករ ដែលបានធ្វើកូដកម្មតវ៉ា ចំនួន ៣៧ នាក់ រួមទាំងលោក រ៉ុងឈុន និងលោកស្រី យ៉ាង សុភ័ណ្ឌ តំណាងសហជីពកម្មករ។ ទី២-នៅពេលក្រុមហ៊ុន ដកពាក្យបណ្តឹងហើយនោះ កម្មករដែលបានធ្វើកូដកម្ម សុំចូលធ្វើការឡើងវិញ។ ទី៣-ការទាមទារថវិកាអត្តប្រយោជន៍នានា ត្រូវជជែកគ្នានៅពេលក្រោយ និងទី៤-សុំឲ្យក្រសួងសង្គមកិច្ច សរសេរលិខិតទៅកាន់រោងចក្រ តាយយៀន បន្ទាប់ពីក្រុមប្រឹក្សាអាជ្ញាកណ្តាល បានសម្របសម្រួលដោះស្រាយបញ្ហាកម្មករ ធ្វើកូដកម្មកន្លងមក។
សូមរម្លឹកថា កម្មកររោងចក្រកាត់ដេរ តៃណាន ( តៃយៀនទី១ តៃយៀនទី២ និងខេមវែល ) ដឹកនាំដោយលោក រ៉ុងឈុន បានធ្វើកូដកម្ម ចាប់តាំងពីចុងខែមិថុនា ឆ្នាំ២០១២ ដើម្បីទាមទារសុំឱ្យមានការដោះស្រាយនូវលក្ខខណ្ឌការងារ ៥ ចំណុច រួមមាន៖ ១-សុំឱ្យក្រុមហ៊ុនធ្វើការទូទាត់នូវអត្ថប្រយោជន៍ផ្សេងៗតាមច្បាប់ស្ដីពីការងារ ដោយក្រុមហ៊ុនបានប្ដូរឈ្មោះរោងចក្រ។ ២-សុំឱ្យក្រុមហ៊ុនផ្ដល់សោហ៊ុយធ្វើដំណើរ និងថ្លៃស្នាក់នៅឱ្យបាន ១៥ ដុល្លារ ក្នុងមួយខែៗ។ ៣-សុំឱ្យក្រុមហ៊ុនដំឡើងប្រាក់ថ្លៃទឹកដោះគោឱ្យបាន ១៥ ដុល្លារ ក្នុងមួយខែៗ។ ៤-សុំឱ្យក្រុមហ៊ុនឡើងប្រាក់រង្វាន់ទៀងទាត់ ឱ្យបាន ១៥ ដុល្លារ ក្នុងមួយខែៗ និងទី៥-សុំឱ្យក្រុមហ៊ុនកុំយកប្រាក់មុខតំណែង និងបច្ចេកទេសយកមកកាត់ទូទាត់ នៅពេលកម្មករ-កម្មការិនី និងថ្នាក់ដឹកនាំសុំច្បាប់ចាប់ពីបីថ្ងៃឡើងទៅ៕
ក្នុងសន្និសីទកាសែត នៅព្រឹកថ្ងៃទី១៥ ខែសីហា ឆ្នាំ២០១២ លោក រ៉ុងឈុន ប្រធានសមាគមគ្រូបង្រៀនកម្ពុជាឯករាជ្យ និងជាប្រធានសហភាពសហជីពកម្ពុជា បានឲ្យដឹងថា កាលពីពេលថ្មីៗនេះ លោកបានសរសេរសំបុត្រទៅកាន់ក្រុមអ្នកបញ្ជាទិញផលិតផលសំលៀកបំពាក់របស់រោងចក្រកាត់ដេរ តាយយៀន ដើម្បីឲ្យអ្នកបញ្ជាទិញទាំងនោះ ជំរុញឲ្យរោងចក្រគោរពសិទ្ធិកម្មករ និងផ្តល់ដំណោះស្រាយសមរម្យដល់កម្មករ ដែលបានតវ៉ាយូរខែមកហើយ។
លោករ៉ុងឈុន បានបន្ថែមថា ប្រជាពលរដ្ឋនៅសហរដ្ឋអាមេរិក និងនៅសហភាពអឺរ៉ុប មិនសប្បាយចិត្តទេ បើសិនជារោងចក្រកាត់ដេរ នៅកម្ពុជា ពិសេសរោងចក្រ តាយយៀន រំលោភសិទ្ធិកម្មករ។ ប្រជាពលរដ្ឋទាំងនោះ ក៏មិនចង់ប្រើប្រាស់សំលៀកបំពាក់ ដែលប្រឡាក់ញើសឈាមរបស់កម្មករនោះឡើយ។
លោករ៉ុងឈុន ដែលបានដឹកនាំកម្មកររោងចក្រកាត់ដេរ តាយយៀន ធ្វើកូដកម្មតវ៉ា ក៏បានអំពាវនាវទៅកាន់អ្នកបញ្ជាទិញ ឲ្យបញ្ឈប់ការបញ្ជាទិញផលិតផលកាត់ដេរ ពីរោងចក្រកាត់ដេរនៅកម្ពុជាទាំងឡាយណា ដែលរំលោភបំពាន មិនគោរពសិទ្ធិកម្មករ និងមិនព្រមដោះស្រាយ ចំពោះការតវ៉ារបស់កម្មករ។
ជាមួយគ្នានោះ ក្នុងសន្និសីទកាសែត នៅព្រឹកមិញ ក៏បានផ្សព្វផ្សាយពីការប្រជុំរវាងតំណាងកម្មករកាត់ដេរ ជាមួយនឹងតំណាងក្រសួងសង្គមកិច្ច នៅព្រឹកថ្ងៃទី១៥ ខែសីហា ឆ្នាំ២០១២ ដែលបានសំរេច ៤ ចំណុច។ ទី១-សុំឲ្យក្រុមហ៊ុន រោងចក្រកាត់ដេរ តាយយៀន ដកពាក្យបណ្តឹងលើកម្មករ ដែលបានធ្វើកូដកម្មតវ៉ា ចំនួន ៣៧ នាក់ រួមទាំងលោក រ៉ុងឈុន និងលោកស្រី យ៉ាង សុភ័ណ្ឌ តំណាងសហជីពកម្មករ។ ទី២-នៅពេលក្រុមហ៊ុន ដកពាក្យបណ្តឹងហើយនោះ កម្មករដែលបានធ្វើកូដកម្ម សុំចូលធ្វើការឡើងវិញ។ ទី៣-ការទាមទារថវិកាអត្តប្រយោជន៍នានា ត្រូវជជែកគ្នានៅពេលក្រោយ និងទី៤-សុំឲ្យក្រសួងសង្គមកិច្ច សរសេរលិខិតទៅកាន់រោងចក្រ តាយយៀន បន្ទាប់ពីក្រុមប្រឹក្សាអាជ្ញាកណ្តាល បានសម្របសម្រួលដោះស្រាយបញ្ហាកម្មករ ធ្វើកូដកម្មកន្លងមក។
សូមរម្លឹកថា កម្មកររោងចក្រកាត់ដេរ តៃណាន ( តៃយៀនទី១ តៃយៀនទី២ និងខេមវែល ) ដឹកនាំដោយលោក រ៉ុងឈុន បានធ្វើកូដកម្ម ចាប់តាំងពីចុងខែមិថុនា ឆ្នាំ២០១២ ដើម្បីទាមទារសុំឱ្យមានការដោះស្រាយនូវលក្ខខណ្ឌការងារ ៥ ចំណុច រួមមាន៖ ១-សុំឱ្យក្រុមហ៊ុនធ្វើការទូទាត់នូវអត្ថប្រយោជន៍ផ្សេងៗតាមច្បាប់ស្ដីពីការងារ ដោយក្រុមហ៊ុនបានប្ដូរឈ្មោះរោងចក្រ។ ២-សុំឱ្យក្រុមហ៊ុនផ្ដល់សោហ៊ុយធ្វើដំណើរ និងថ្លៃស្នាក់នៅឱ្យបាន ១៥ ដុល្លារ ក្នុងមួយខែៗ។ ៣-សុំឱ្យក្រុមហ៊ុនដំឡើងប្រាក់ថ្លៃទឹកដោះគោឱ្យបាន ១៥ ដុល្លារ ក្នុងមួយខែៗ។ ៤-សុំឱ្យក្រុមហ៊ុនឡើងប្រាក់រង្វាន់ទៀងទាត់ ឱ្យបាន ១៥ ដុល្លារ ក្នុងមួយខែៗ និងទី៥-សុំឱ្យក្រុមហ៊ុនកុំយកប្រាក់មុខតំណែង និងបច្ចេកទេសយកមកកាត់ទូទាត់ នៅពេលកម្មករ-កម្មការិនី និងថ្នាក់ដឹកនាំសុំច្បាប់ចាប់ពីបីថ្ងៃឡើងទៅ៕