ពិធីសម្ភោធដាក់ឲប្រើប្រាស់ជាផ្លូវការ នៃស្ថានីវិទ្យុស្រ្តី FM 100MHz នៅព្រឹកថ្ងៃទី១៤ ខែ សីហាឆ្នាំ២០១២ ក្រោមវត្តមានរបស់ ឯកឧត្តម ថាច់ ផែន រដ្ឋលេខាធិការក្រសួងព័ត៌មានតំណាង ឯកឧត្តម ខៀវ កាញ្ញារីទ្ធ រដ្ឋមន្រ្តីក្រសួងព័ត៌មាន ។ លោកស្រី ជា ស៊ុនដាណែត នាយិកា ប្រតិបត្តិមជ្ឈមណ្ឌល ព័ត៌មានស្រ្តីកម្ពុជា មានប្រសាសន៍ថា ភាពរីកចម្រើនជាបន្ត បន្ទាប់របស់ វិទ្យុមណ្ឌល ព័ត៌មានស្រ្តីកម្ពុជា នាពេលកន្លងមក គឺបានបញ្ជាក់ អំពីគោលបំ ណងដើម្បីលើកស្ទួយស្ថានភាពសិទ្ធិស្រ្តី និងសមភាពយ៉េនឌ័រ នៅកម្ពុជាឲ្យកាន់តែប្រសើរ ឡើង។
លោកស្រីបានបញ្ជាក់ថា ចំពោះស្ថានីយ៍ FM 100MHz ខេត្តក្រចេះមានការ ខុសប្លែកពីស្ថានីយផ្សាយបន្តដទៃទៀត ដោយបានការឧបត្ថម្ភគាំទ្រថវិកាពីទីភ្នាក់ងារអភិ វឌ្ឍន៍អន្តរជាតិអេស្ប៉ាញ(AECID) អង្គការដៃគូមាន មណ្ឌលព័ត៌មានស្រ្តីកម្ពុជា អង្គការ (KWWA) អង្គការ (ASAD)និងបានការគាំទ្រពីក្រសួងព័ត៌មាន។ ក្នុងនោះកម្មវិធី វិទ្យុស្រ្តី FM 100MHz ខេត្តក្រចេះគឺផលិតដោយក្រុម យុវជនវ័យក្មេង ដែលជ្រើសរើសពី សហគមន៍ក្នុងខេត្ត ក្រចេះដោយសហការជាមួយមន្ទីរ ព័ត៌មានខេត្ត ក៏បានចាក់ផ្សាយនៅស្ថានីយវិទ្យុជាតិខេត្ត ក្រចេះជាបន្តបន្ទាប់ ។ លោកស្រី ប៊ន សុភី អភិបាលរង ខេត្តក្រចេះ បានថ្លែងអបអរ ចំពោះសមិទ្ធផលថ្មីលើវិស័យព័ត៌មាន ដែលកើត មានលើទឹកដីខេត្តក្រចេះ ដើម្បីរួម ចំណែកក្នុង កសាងអភិវឌ្ឍន៍លើក កម្ពស់សមភាពយ៉េនឌ័រ សិទ្ធិស្រ្តីដើម្បីឲ្យស្រ្តីតាមជន បទទទួលបានព័ត៌មានទូលំទូលាយ។ឯកឧត្តម ថាច់ ផែន រដ្ឋលេខាធិការ ក្រសួងព័ត៌មាន មានប្រសាសន៍សំណេះសំណាលដោយអបអរសាទរចំពោះសមិទ្ធ ផលថ្មី ស្រឡាងនេះ ជាពិសេសវិទ្យុស្រ្តី FM 100MHz ខេត្តក្រចេះដែលបានបង្កើតឡើង និង ផលិតកម្ម វិធីដ៏សម្បូរបែបសម្រាប់បម្រើតម្រូវការរបស់ប្រជាពលរដ្ឋក្នុងខេត្ត ដោយផ្តោត សំខាន់ទៅ លើកកម្មវិធីអប់រំសម្បូរបែប បញ្ហាស្រ្តី សុខភាព បរិស្ថាន សេដ្ឋកិច្ចកសិកម្ម វប្បធម៌ច្បាប់។ ឯកឧត្តម រដ្ឋលេខាធិកាក្រសួងព័ត៌មាន ក៏មានប្រសាសន៍បន្ថែមទៀតថាក្រុមផលិតកម្មវិធីទាំងអស់ ព្យាយាមស្វែង រកព័ត៌មានពិតនៅតាម សហគមន៍នានាមក ចាក់ផ្សាយដើម្បីឲ្យប្រជាពលរដ្ឋ ទទួលបានព័ត៌មាន ទាំងអស់នោះទៅកែច្នៃ និងអភិវឌ្ឍន៍ សង្គមគ្រួសារសហគមន៍ កាន់តែរីកចម្រើនដែលអាចបំរើ គោលនយោបាយ របស់រាជរដ្ឋាភិ បាលក្នុងការកាត់បន្ថយ ភាពក្រីក្រ និងលើកកម្ពស់ឲ្យស្រ្តី និងបុរសមានសិទ្ធិស្មើភាពគ្នា៕