ភ្នំពេញ ៖ នៅទីស្ដីការគណៈរដ្ឋមន្ត្រីកាលពីល្ងាចថ្ងៃទី១៤សីហាឆ្នាំ២០១២ លោកជំទាវ ម៉ែន សំអន ឧបនាយករដ្ឋមន្ត្រីប្រចាំការនិងជារដ្ឋមន្ត្រីក្រសួងទំនាក់ទំនងជាមួយរដ្ឋសភាព្រឹទ្ធសភានិងអធិការកិច្ចបានអនុញ្ញាតអោយប្រតិភូមកពីប្រទេសវៀតណាមដឹកនាំដោយឯកឧត្តម ង្វៀង ស្វិនភុក ឧបនាយករដ្ឋមន្ត្រីនិងជាប្រធានគណៈកម្មាធិការជាតិត្រួតពិនិត្យគ្រឿងញៀនអេដស៍និងពេស្យាចារដែលអញ្ជើញមកទស្សនកិច្ចនៅកម្ពុជាព្រមទាំងប្រតិភូអមដំណើរ។
ក្នុងជំនួបពិភាក្សានាឱកាសនោះប្រតិភូទាំងពីរបានលើកឡើងដូចគ្នាស្តីពីកិច្ចសហប្រតិបត្តិការគ្រប់វិស័យនិងសាទរចំពោះខួបអនុវស្សាវរីយ៍លើកទី៤៥ស្តីពីទំនាក់ទំនងកាទូតនិងកិច្ចសហប្រតិបត្តិការរវាងកម្ពុជាវៀតណាមនាពេលកន្លងមកក៏ដូចថ្ងៃអនាគត។ជាមួយគ្នានេះដែរលោកជំទាវឧបនាយករដ្ឋមន្ត្រីក៏បានបង្ហាញពីគោលជំហរនិងគោលនយោបាយដ៏ត្រឹមត្រូវរបស់រាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន ជានាយករដ្ឋមន្ត្រីបានដឹកនាំប្រទេសកម្ពុជាឆ្ពោះទៅរកសុខសន្តិភាពនិងការអភិវឌ្ឍន៍យ៉ាងឆាប់រហ័សបន្ទាប់ពីរលត់សង្ក្រាមបានទាំងស្រុងហើយពិសេសទៅទៀតប្រទេសកម្ពុជាជាប្រធានអាស៊ានក្នុងឆ្នាំ២០១២នេះដែលជាកិតិ្តយសបំផុតសំរាប់កម្ពុជាគ្រប់ៗរូបនិងជាមុខមាត់កម្ពុជាលើឆាកអន្តរជាតិនិងបានត្រៀមរៀបចំជាស្រេចនូវជំនួបកំពូលថ្នាក់ដឹកនាំអាស៊ាន បូកនិងជំនួបប្រមុខរដ្ឋប្រមុខរាជរដ្ឋាភិបាលនៃបណ្តាប្រទេសផ្សេងៗទៀតជាច្រើននៅចុងឆ្នាំ២០១២។
ទន្ទឹមនិងនេះដែរប្រតិភូវៀតណាមក៏បានសម្ដែងនូវការអរគុណចំពោះលោកជំទាវម៉ែន សំអន ក៏ដូចរាជរដ្ឋាភិបាលកម្ពុជាដែលបានទទួលស្វាគមន៍យ៉ាងកក់ក្ដៅចំពោះប្រតិភូវៀតណាមក្នុងដំណើរទស្សនកិច្ចនៅកម្ពុជានាឱកាសនេះហើយសម្ដែងនូវការកោតសរសើរចំពោះកម្ពុជាដែលមានប្រមុខដឹកនាំដ៏ឆ្នើមគឺសម្ដេចតេជោ ហ៊ុន សែន ជានាយករដ្ឋមន្ត្រីនិងជាប្រធានអាស៊ានក្នុងឆ្នាំ២០១២នេះតែម្ដង៕
ទន្ទឹមនិងនេះដែរប្រតិភូវៀតណាមក៏បានសម្ដែងនូវការអរគុណចំពោះលោកជំទាវម៉ែន សំអន ក៏ដូចរាជរដ្ឋាភិបាលកម្ពុជាដែលបានទទួលស្វាគមន៍យ៉ាងកក់ក្ដៅចំពោះប្រតិភូវៀតណាមក្នុងដំណើរទស្សនកិច្ចនៅកម្ពុជានាឱកាសនេះហើយសម្ដែងនូវការកោតសរសើរចំពោះកម្ពុជាដែលមានប្រមុខដឹកនាំដ៏ឆ្នើមគឺសម្ដេចតេជោ ហ៊ុន សែន ជានាយករដ្ឋមន្ត្រីនិងជាប្រធានអាស៊ានក្នុងឆ្នាំ២០១២នេះតែម្ដង៕
វិមាន