ភ្នំពេញ ៖ នៅព្រឹកថ្ងៃទី១៥ ខែសីហា ឆ្នាំ២០១២ នេះ ប្រធានអាជ្ញាធរជាតិប្រយុទ្ធប្រឆាំងគ្រឿងញៀនកម្ពុជា បានបើកកិច្ចពីពិភាក្សាជាមួយគណៈកម្មាធិការគ្រឿងញៀន អេដស៍ និងពេស្យាចាររបស់វៀតណាម។
កិច្ចប្រជុំនេះរៀបចំធ្វើនៅវិមានសន្តិភាព ជាន់ទី៣ ក្រោមអធិបតីភាពឯកឧត្តមឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនកម្ពុជា និងលោក ង្វៀន ស្វិនតុក ឧបនាយករដ្ឋមន្ត្រី និងជាប្រធានគណៈកម្មាធិការជាតិ ត្រួតពិនិត្យគ្រឿងញៀន អេដស៍ និងពេស្យាចារវៀតណាម។
បើតាមឯកឧត្តមបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនកម្ពុជា បានបញ្ជាក់ថា ប្រទេសកម្ពុជាមិនមែនជាប្រទេសផលិតគ្រឿងញៀនទេ ប៉ុន្តែជាប្រទេសដែលកំពុងរងគ្រោះនូវការចរាចរគ្រឿងញៀនឆ្លងកាត់ និងការប៉ុនប៉ងយកប្រទេសកម្ពុជា ធ្វើការផលិតគ្រឿងញៀនសំយោគខុសច្បាប់ ដើម្បីបំរើទីផ្សាក្នុងស្រុក និងនាំចេញទៅកាន់ទីផ្សារអន្តរជាតិ ។
ឯកឧត្តមឧបនាយករដ្ឋមន្ត្រី កែ គឹមយ៉ាន បញ្ជាក់ដែរថា បច្ចុប្បន្នតួលេខអ្នកប្រើបំពានគ្រឿងញៀនក្នុងប្រទេសកម្ពុជាមានចំនួន៦០០០នាក់ ប៉ុន្តែតាមការប៉ាន់ស្មានបែបវិទ្យាសាស្ត្ររបស់ក្រុមអង្គការ UN អ្នកប្រើបំពានមានចំនួន៤៦០០០នាក់ ក្នុងនោះ៨០ ភាគរយជាកុមារ និងយុវវ័យដែលមានអាយុចាប់ពី១០ ទៅ២៤ ឆ្នាំ ៕
កោះកែវ